Республиканың дәүләт һәм муниципаль хезмәткәрләре башка дәүләт гражданлыгы (яки яшәү рәвеше) булган очракта, үз постларын биләп тора алмыйлар. Бүген Дәүләт корылышы һәм җирле үзидарә комитеты утырышында шундый карар кабул ителде. Тиешле закон кабул ителгәннән соң Дәүләт Советы утырышында әлеге хокукый норма закон нигезендә беркетеләчәк.

Әлеге үзгәрешләр кертелә торган Татарстан Республикасының аерым закон актларына үзгәрешләр кертү турында закон проекты «Россия Федерациясенең аерым закон актларына үзгәрешләр кертү турында» 116-ФЗ номерлы федераль закон кабул ителүгә бәйле рәвештә эшләнгән. Федераль закон проекты, үз чиратында, чит ил гражданлыгы (подданствосы) булуга бәйле рәвештә дәүләт һәм муниципаль вазыйфаларны биләү өчен чикләүләр өлешендә Россия Конституциясенә үзгәрешләрне законлаштырды.

Чит ил гражданлыгы булу дәүләт яисә муниципаль хезмәткә кабул итүдән баш тарту, шулай ук хезмәт контрактын өзү һәм вәкаләтләрне вакытыннан алда туктату өчен нигез булып тора.

«Әлеге закон проекты нигезендә муниципаль хезмәт турында ТР Кодексы, җирле үзидарә турында, дәүләт граждан хезмәте турында, Дәүләт Советы депутаты статусы, дәүләт вазыйфалары турында һ.б. республика законнарына  чит ил гражданлыгы (подданлыгы) булган Россия Федерациясе гражданнары өчен дәүләт һәм муниципаль хезмәткәрләре вазыйфаларын биләүгә тыюны билгели торган үзгәрешләр кертү тәкъдим ителә», - дип басым ясады Дәүләт корылышы һәм җирле үзидарә комитеты рәисе Альберт Хәбибуллин.

Шулай ук федераль кануннарда янгыннан саклау өлкәсендә муниципалитетларның вәкаләтләре төгәлләштерелде. Шулай итеп, җирле әһәмияттәге мәсьәләләргә торак пунктлардан читтә урнашкан муниципаль районнар чикләрендә янгын куркынычсызлыгын тәэмин итү мәсьәләсе дә кертелгән. Торак пунктлар чикләрендә янгын куркынычсызлыгының беренчел чараларын тәэмин итү җирлекләрнең җирле әһәмияттәге мәсьәләләренә карый. Шуңа бәйле рәвештә җирле үзидарә турындагы республика канунына шундый ук үзгәрешләр кертелә.

Комитет утырышында башка мәсьәләләр дә каралды. Утырышта Дәүләт Советы Рәисе урынбасары Марат Әхмәтов катнашты.