Экология кодексына үзгәрешләр кертелә

2021 елның 8 июле, пәнҗешәмбе, 10:41

Бүген ТР Экология кодексына үзгәрешләр кертү турында закон проекты Дәүләт Советы утырышында беренче укылышта һәм тулаем алганда кабул ителде.    

Закон проекты республика законнарын федераль законнарга туры китерү максатларында кабул ителде. Әлеге үзгәрешләр, аерым алганда, хайваннар дөньясы объектларын дәүләт исәбенә алу һәм аларның дәүләт кадастрын алып бару, хайваннар дөньясы объектларыннан файдалануга чикләүләр һәм тыюлар билгеләү, аучылык ресурсларын һәм аларның яшәү тирәлеген дәүләт тарафыннан мониторинглауны гамәлгә ашыру, дәүләт аучылык хуҗалыгы реестрын алып бару мәсьәләләренә кагыла.

Моннан тыш, Экология кодексына су саклау зоналары чикләрендә пестицидлар һәм агрохимикатлар саклау һәм куллану мәсьәләләре хәзер аерым нигезләмә белән язылачак.

 

Сайттагы барлык материаллар лицензия буенча тәкъдим ителә:
Creative Commons Attribution 4.0 International