Торак сәясәте һәм инфраструктура үсеше комитеты 2022 елга бюджет турындагы закон проектын хуплады

2021 елның 13 октябре, чәршәмбе, 11:11

Бүген Дәүләт Советында Торак сәясәте һәм инфраструктура үсеш комитеты утырышы узды, аның төп мәсьәләсе республиканың 2022 елга һәм 2023-2024 елларның планлы чорына бюджеты турында закон проекты булды. Моннан тыш, профиль комитеты әгъзалары Татарстан Республикасының аерым закон актларына үзгәрешләр кертү турында закон проекты буенча фикер алыштылар. Комитет утырышында Дәүләт Советы Рәисе урынбасары Юрий Камалтынов катнашты.

Парламент комитетларында киләсе елга республиканың төп финанс законы буенча фикер алышу дәвам итә. Бүген бюджет турындагы закон проектын үзенең профильле юнәлешләре буенча Торак сәясәте һәм инфраструктура үсеше комитеты карады. Утырышта докладлар белән икътисад министрының беренче урынбасары Олег Пелевин һәм финанслар министры урынбасары Оксана Кисапова чыгыш ясады.

«Татарстан традицион рәвештә торак тапшыру буенча алдынгы регионнар рәтендә, - дип басым ясады Олег Пелевин, өч елга республиканың социаль-икътисадый үсеш фаразын тәкъдим итеп, - 2021 елда 2,7 млн. кв. м. торак тапшыру планлаштырыла, алдагы өч елда - 8,5 млн. кв. м.».

Депутатлар һәм профильле министрлыклар һәм ведомстволар вәкилләре комитет карамагындагы мәсьәләләрне финанслауга аерым тукталды.

Оксана Кисапова билгеләп үткәнчә, 2022 елда республика бюджеты керемнәре, фараз буенча, 294,8 млрд. сум тәшкил итәчәк, чыгымнар - 305,7 млрд. сум. Дефицит - 10,9 млрд. сум (тулысынча республика бюджетына туры килә, муниципаль бюджетлар дефицитсыз).

“Милли икътисад” бүлеге буенча киләсе елда 67 807,7 млн. сум күләмендә чыгымнар каралган. «Транспорт» бүлекчәсе буенча чыгымнар - 2 068 млн. сум, шул исәптән Казанда метрополитен төзүгә - 1 млрд. сум.

“Юл хуҗалыгы (юл фондлары) бүлекчәсе буенча 2022 елга чыгымнар күләме 32 млрд. 728,1 млн. сум күләмендә исәпкә алынган. Дәүләт-хосусый партнерлык кысаларында юл эшчәнлеген финанслауга федераль бюджеттан субсидияләр 5 млрд. сум тәшкил итә.

"Торак-коммуналь хуҗалык" бүлеге буенча 2022 елга чыгымнарның фаразланган күләме 13 млрд. 44 млн. сум тәшкил иткән. Нигездә финанслау «Татарстан Республикасы халкын сыйфатлы торак һәм торак-коммуналь хуҗалык хезмәт күрсәтүләре белән тәэмин итү» программасы кысаларында гамәлгә ашырыла.

2022 ел  бюджеты проекты депутатларда күп сораулар тудырды. Аерым алганда, Торак сәясәте һәм инфраструктура үсеше комитеты рәисе урынбасары Камил Садриев узган сайлау кампанияләре барышында җыелган һәм республика Хөкүмәтенең карары белән расланган бердәм республика юл картасына рәсмиләштерелгән сайлаучыларның наказлары ничек үтәлүе, финанслауның ни дәрәҗәдә ныгытылуы белән кызыксынды. Аның әйтүенчә,  иң күп наказлар ТКХ, төзелеш һәм юлларны ремонтлау мәсьәләләре белән бәйле.

 «Әлеге мәсьәлә Хөкүмәт контролендә, - диде Олег Пелевин, - бу елның сентябрендә Дума кампаниясе чорында алынган яңа наказлар буенча шулай ук республика Хөкүмәте карары кабул ителәчәк». Алар шулай ук дәүләт программалары кысаларында да гамәлгә ашырыла. 

Торак сәясәте һәм инфраструктура үсеше комитеты рәисе Александр Тыгин бакчачылык җәмгыятьләре инфраструктурасын төзүне һәм модернизацияләүне бюджетта финанслауның  ни дәрәҗәдә каралуы белән кызыксынды. “Бу мәсьәлә хәзер бик кискен тора”, - дип басым ясады ул. Оксана Кисапова 2022 елда юлларны һәм су белән тәэмин итү системаларын, СНТ да каты көнкүреш калдыклары җыю пунктларын, электр челтәрләрен инвестпрограммалар якынча 550 млн. сум хисабына сафка бастырачак, дип җавап бирде.

Бүген парламентарий комитеты утырышында ТРның аерым закон актларына үзгәрешләр кертү һәм ТР закон актларының аерым нигезләмәләренең үз көчләрен югалтуын тану турындагы закон проекты буенча фикер алыштылар.

Аерым алганда, федераль законнарга үзгәрешләр кертелде, алар нигезендә федераль дәүләт контроле (күзәтчелек), региональ дәүләт контроле (күзәтчелек) һәм муниципаль контроль төрләре каралган, аны оештыру һәм җайга салу тәртибе, контроль (күзәтчелек) чаралары билгеләнә.

Закон проекты тарафыннан эшләнгән үзгәрешләр ТР Экология кодексына, шулай ук җирле үзидарә, мәдәни мирас объектлары, дәүләт мөлкәте турында, шәһәр төзелеше эшчәнлеге турында, гражданнарның сәламәтлеген саклау өлкәсендәге аерым мәсьәләләрне җайга салу турында республика законнарына һәм башкаларга кертелә. Закон проекты белән Татарстан Республикасының 22 законына үзгәрешләр кертү тәкъдим ителә. Үзгәрешләр тулаем техник характерга ия, терминологиягә туры килә, аерым нигезләмәләр үз көчләрен югалткан дип таныла. Шулай ук федераль законнарның шундый ук нормаларына, предметны билгеләү һәм тиешле контроль төрләре буенча вәкаләтләр өлешендә үзгәрешләр дә каралган.

Комитет утырышында башка мәсьәләләр дә каралды.

 

Все материалы сайта доступны по лицензии:
Creative Commons Attribution 4.0 International