Өлешләп төзү турындагы закон проектына үзгәрешләр кертелә

2021 елның 25 ноябре, пәнҗешәмбе, 14:13

Бүген Дәүләт Советы утырышында беренче укылышта һәм тулаем алганда күп фатирлы йортларны һәм торак-төзелеш кооперативларын өлешле төзү өлкәсендә финанс хисаплылыгын тапшыру өлешендә үзгәрешләр кертү турында закон проекты кабул ителде. Документны торак сәясәте һәм инфраструктура үсеше комитеты рәисе Александр Тыгин тәкъдим итте.

Үзгәрешләр «Татарстан Республикасы муниципаль районнарының һәм шәһәр округларының җирле үзидарә органнарына күпфатирлы йортларны һәм (яисә) күчемсез мөлкәтнең бүтән объектларын өлешле төзү өлкәсендә, шулай ук торак-төзелеш кооперативлары эшчәнлеге өлкәсендә күпфатирлы йорт төзү өчен кооператив әгъзаларының акчаларын җәлеп итүгә бәйле Татарстан Республикасы дәүләт вәкаләтләрен бирү турында» законны федераль законга туры китерү максатларында кертелә.

Закон проектында каралганча, төзүченең күзәтүче органга еллык бухгалтерлык (финанс) хисаплылыгын тапшыру бурычы дәүләт мәгълүмат ресурсын формалаштыру максатларында аны шундый хисаплылык күрсәтүдән азат ителгән очракта гына барлыкка килә. Күрсәтелгән дәүләт мәгълүмат ресурсында бухгалтерлык (финанс) хисаплылыгы урнаштырылган очракта, тикшереп торучы орган мондый хисаплылыкны әлеге хисаптан ала.

"Сүз бухгалтерлык мәгълүматын сорау турында бара. Хәзерге вакытта хисап төзүчедән турыдан-туры сорала, әмма 2018 елдан Россия ФНСы бердәм бухгалтерлык хисап базасын формалаштырды. Муниципалитетларга төзүчеләр бухгалтерларыннан мәгълүмат сорарга кирәкми, ә дәүләт мәгълүмат ресурсы аша турыдан-туры алырга мөмкин ", - дип аңлатты Александр Тыгин.

 

 

 

 

 

 

Сайттагы барлык материаллар лицензия буенча тәкъдим ителә:
Creative Commons Attribution 4.0 International