Дәүләт Советы депутатларының округларда эше дәвам итә. Бу атнада парламентарийлар гражданнарны кабул итте, шулай ук шәһәр һәм район советларының хисап сессияләрендә катнашты.

26 февральдә Казанда Сәет Галиев исемендәге Мәдәният йортында Туфан Миңнуллинның «Кырларым-тугайларым» пьесасы буенча «Өмет» укытучылар театр коллективы актерлары куйган спектакль премьерасы булды. Быел педагогларның театр коллективы оешуга 10 яшь тула. Халык театрын юбилее белән Дәүләт Советы Секретаре Лилия Маврина котлады. «Өмет» коллективы күп тапкырлар халыкара һәм төбәкара фестивальләр һәм конкурслар лауреаты булган. Театр репертуарында - танылган татар драматурглары И.Юзеев, К.Тинчурин һәм башкаларның әсәрләре.

25 февральдә Дәүләт Советы Рәисе урынбасары Юрий Камалтынов Спас районы Советының хисап утырышында катнашты. Парламентарийлар 2021 елга нәтиҗә ясады һәм киләсе елга планнарны билгеләде. “Районда, нигездә, барлык бурычлар үтәлгән, - дип билгеләп үтте Юрий Камалтынов, утырышка йомгак ясап, - сездә юллар бик яхшы. РФнең һәр төбәге дә кече торак пунктларга асфальт юл салынуы белән мактана алмый. Гомумән алганда, шәһәр һәм трасса буенча юл бик яхшы. Алга китеш бар: район Татарстан районнары рейтингында 3 позициягә күтәрелгән. Әмма тәнкыйть турында да онытырга ярамый: Спас районы әлегә республикада 40 урында гына тора. Кулланмаган резервларны эздәп табарга кирәк, ә алар бар".

25 февральдә Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова эш сәфәре белән Алабугада булды, анда гражданнарны кабул итте һәм сайлаучыларның наказларын үтәү мәсьәләләре буенча киңәшмәдә катнашты.

Депутатка федераль ташламага ия кешеләрне дарулар белән тәэмин итү мәсьәләсе белән Любовь Пушкарева мөрәҗәгать итте. Аның улы даруларны даими кабул итүгә мохтаҗ, чөнки ул беренче төркем инвалид булып тора. Әмма соңгы вакытта кирәкле препаратларны бүлеп бирү белән проблемалар туган. Людмила Рыбакова бу мәсьәләне үз шәхси контроленә алды. Алабугада яшәүче Юлия Зарипова Боровая урамы буенча машина юлларын ремонтлау мәсьәләсе белән кызыксынды. Бу юлны ремонтлауның 2023 елга планга кертелүе ачыкланды.

Наказларны үтәү мәсьәләләре турында көннең икенче яртысында сөйләштеләр. «Узган сайлау кампанияләре кысаларында сайлаучыларның наказларын җыю буенча зур эш башкарылды. Чаралар комплексын үтәү буенча юл картасы булдырылды, - диде Людмила Рыбакова, - сайлау кампаниясе барышында елабугалылардан барлыгы 137 наказ килде. Аларның 30га якыны республика юл картасына керде. 2020 елның җәзасы 100 процентка үтәлгән, 2021 - өлешчә".

25 февральдә башкалада «Казан шәһәрендә хезмәт базарында эшче һөнәрләр. Проблемалар һәм перспективалар» темасына сөйләшү булды. Форумны Дәүләт Советы депутаты Ольга Воронова алып барды.

«Татэлектромонтаж» ААҖдә узган түгәрәк өстәл артында фикер алышуда Казан Башкарма комитеты җитәкчесе урынбасары Илдар Шакиров, Авиатөзелеш һәм Яңа Савин районнары администрациясе башлыгы Фәнис Нурмөхәммәтов, предприятие һәм оешма, мәгариф учреждениеләре җитәкчеләре, ТР Дәүләт Советы һәм Казан шәһәр Думасы депутатлары катнашты.

Күпчелек чыгыш ясаучылар хезмәт хакы дәрәҗәсе белән беррәттән, беренче планга шулай ук югары корпоратив культура, гарантияләнгән социаль пакет чыга дигән фикергә килделәр. Дискуссия азагында Ольга Воронова барлык катнашучыларны да муниципаль, төбәк һәм федераль дәрәҗәдә алга таба эшләү өчен тәкъдимнәр формалаштырырга чакырды.

26 февральдә Алабугада удмуртларның «Инвожо» фольклор ансамбле үзенең 15 еллыгын билгеләп үтте. Ансамбльне юбилее белән Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова һәм Удмуртия Республикасы мәдәният министры Владимир Соловьев котлады. «Үзегезнең юбилей концертыгыз белән сез Алабуга районында Россия Федерациясе халыкларының мәдәни мирас елын ачасыз, - дип билгеләп үтте Людмила Рыбакова, - барлык халыклар бергә һәм бердәм булырга тиеш».

18 февральдә Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Таһир Һадиев Яр Чаллы шәһәрендә гражданнарны кабул итте. Депутатка автоградның Комсомольск районы һәм Тукай районы бакчачылык җәмгыятьләре милекчеләре мөрәҗәгать итте. Алар бакча участокларын хосусыйлаштыру, җир салымы мәсьәләләре, шулай ук бакчачылык ширкәтләре территорияләрендә скважиналар бораулау мәсьәләләрен күтәрделәр. Сораулар депутата тарафыннан контрольгә алынды.

17 февральдә Торак сәясәте һәм инфраструктура үсеше комитеты рәисе урынбасары Камил Садриев эш сәфәре белән Питрәч районында булды, анда ул Богородский авыл җирлегендә һәм Көек авылында балалар бакчаларын ачу тантанасында катнашты. Богородский җирлегендә яңа балалар бакчасы 120 балага исәпләнгән, авылда - 220 балага, ел дәвамында тагын 100 урынга арттыру планлаштырыла.