Бүген Дәүләт Советында «Татарстан - яңа гасыр» депутатлар төркеме җыелышы булды, анда II кварталга эш планы турында фикер алыштылар, шулай ук «Хезмәт белән чүкелгән  җиңү» видеороликлар республика конкурсының оештыру мәсьәләләре буенча фикер алыштылар.

Икенче кварталда депутат төркеме «КАМАЗ» заводында күчмә утырыш уздыруны планлаштыра «Сакчыл җитештерү: хезмәт җитештерүчәнлеген арттыру факторы» темасына түгәрәк өстәл узачак. Моннан тыш, эш планына "Татарстан - яңа гасыр" иҗтимагый хәрәкәтенең Мәгариф, фән һәм милли мәсьәләләр комитеты әгъзалары белән уртак утырышын уздыру кертелгән, анда мәгариф өлкәсендә цифрлы технологияләр кертү мәсьәләләре турында фикер алышу планлаштырыла.

"Җиңү - яңа гасыр" - "Татарстан - яңа гасыр" республика иҗтимагый хәрәкәте башкарма комитеты рәисе Алсу Тарханова Татарстанның Бөек Ватан сугышы вакытында яшьләрнең хезмәт батырлыгына багышланган «Хезмәт белән чүкелгән  җиңү»  видеороликлар республика конкурсын уздыру нәтиҗәләре турында мәгълүмат бирде.

Конкурста җиңүчеләрне бүләкләү тантанасы апрель ахырында булачак, аңа тыл хезмәтчәннәре һәм җәмәгатьчелек вәкилләре чакырылачак.