Бүген Спас районында Бюджет, салымнар һәм финанс комитетының күчмә киңәшмәсе узды, анда парламентарийлар, профильле министрлыклар һәм ведомстволар, экспертлар җәмгыяте вәкилләре Бердәм салым счетын һәм салым салуның автоматлаштырылган гадиләштерелгән системасын кертү мәсьәләләре буенча фикер алыштылар. Чарада региональ хакимият органнары, муниципаль финанс органнары, бизнес-бергәлек вәкилләре, шул исәптән Бердәм салым түләвенең сынау проектында катнашучылар катнашты.

Утырышны ачып, Бюджет, салымнар һәм финанс комитеты рәисе Леонид Якунин 2022 елның 1 июленнән бердәм салым түләүләре юлы белән салымнар һәм иминият кертемнәре түләү системасына күчү буенча эксперимент башлануын билгеләп үтте.

Салымнар, җыемнар һәм иминият кертемнәре түләү бурычларын үтәү исәбенә федераль казначылыкның тиешле счетына оешма яисә шәхси эшмәкәр   тарафыннан бюджетка күчерелә торган акчалар бердәм салым түләве дип таныла. Бердәм салым түләвен гамәлгә кертүнең максатлары салым түләү тәртибен мөмкин кадәр гадиләштерү һәм салым түләү документларын формалаштыру зарурлыгын бетерү. Барлык кирәкле салымнарны бизнес һәр ай азагында кадәр бердәм түләү белән түли алачак.

Бердәм салым счеты институтын кертү Россия Федераль салым хезмәтенең сервис мөмкинлекләрен киңәйтү, ягъни түләүләрне детальләштерүне һәм салымнар түләүчеләр өчен онлайн файдалану белән бер үк вакытта планлаштырыла. ИНН буенча шулай ук, автотүләүләрне дә кертеп, телефон номеры буенча да түләргә мөмкин булачак. Шул рәвешле, йөкләмәләрнең актуаль суммасы салым түләүчегә һәрвакыт онлайн мөмкин булачак.

Бердәм салым түләү буенча эксперимент 2022 елның 31 декабренә кадәр дәвам итәчәк. 2023 елның 1 гыйнварыннан бердәм салым счеты барлык салым түләүчеләр өчен мәҗбүри булачак.

Шулай ук киңәшмәдә катнашучыларны 2022 елның 1 июленнән кертелгән салым салуның автоматлаштырылган гадиләштерелгән системасын гамәлгә кертү белән таныштырдылар.

Аның төп өстенлекләре арасында - салымнарның автомат расчеты һәм кече бизнес өчен хисаплылыкның шактый кыскаруы. Салым салуның әлеге системасы хисап бирүнең 10 төрен бетерергә һәм декларацияләрне тутырудан баш тартырга, ягъни АУСН кулланучы салым түләүчеләрдә салым органнарына һәм бюджеттан тыш дәүләт фондларына хисап тапшыру бурычы юк. Салым органы банклардан, контроль-касса техникасыннан һәм шәхси кабинеттан алынган мәгълүмат нигезендә салым исәпләп чыгара.

Салым салуның башка системаларыннан төп аерма: яңа махсус режимга күчәчәк оешмалар һәм шәхси эшмәкәрләр өчен кертемнәрнең нульле тарифы урнаштырылган. Бу пенсия, медицина взносларына, шулай ук вакытлы хезмәткә яраксызлык очрагында һәм ана булу белән бәйле взносларга кагыла. Салым түләүчеләрне әлеге режим кысаларында иминият кертемнәрен түләүдән азат итүгә карамастан, хезмәткәрләрдә федераль бюджеттан тәэмин ителәчәк барлык социаль гарантияләр саклана. Ягъни пенсияләрне исәпләү, больничныйлар өчен түләү, социаль иминләштерү һәм башка социаль гарантияләр тулы күләмдә тәэмин ителәчәк. Леонид Якунин фикеренчә, нульле ставкалар эшмәкәрләргә хезмәткәрләрнең хезмәт хакын "агартырга" ярдәм итәргә тиеш.

Шулай ук ул яңа проект оешмаларга һәм шәхси эшмәкәрләргә керемнәрне һәм чыгымнарны исәпкә алу китабын алып бармаска мөмкинлек бирәчәк, дип ассызыклады комитет рәисе. Барысы да автоматлаштырылган тәртиптә узачак.

Салым түләүчеләрнең салым органнары белән барлык хезмәттәшлеге салым түләүченең шәхси кабинеты аша яисә салым органнары белән мәгълүмати алмашуга кушылган вәкаләтле банклар сервислары аша онлайн режимында гамәлгә ашырылачак.

Киңәшмәгә йомгак ясап, Леонид Якунин ассызыклаганча, бүген дәүләт салым түләүчеләргә салым һәм җыемнар түләү процедурасын җиңеләйтү өчен мөмкин булганның барысын да эшли.