Бүген Пензада Идел буе федераль округы субъектлары дәүләт хакимиятенең закон чыгару органнары ассоциациясенең алтмышынчы утырышында Идел буе федераль округы төбәкләрендә дәүләт яшьләр сәясәтен гамәлгә ашыру, шулай ук азык-төлек куркынычсызлыгын тәэмин итү мәсьәләләре каралды.Татарстан Дәүләт Советы Рәисе Фәрит Мөхәммәтшин видеоэлемтә режимында узган утырышта катнашты.

Бүген Идел буе федераль округының закон чыгару җыелышларының хатын-кыз депутатлары  хатын-кыз сәламәтлеге, гаилә кыйммәтләрен үстерү мәсьәләләре буенча фикер алыштылар. Конференциядә Татарстан Республикасы Дәүләт Советының «Мәрхәмәт – Милосердие» хатын-кыз депутатлар берләшмәсе җитәкчесе урынбасары Людмила Рыбакова, берләшмә әгъзалары катнашты. Утырыш видеоэлемтә режимында узды.

Бүген С.Сәйдәшев исемендәге Дәүләт Зур концертлар залында алтынчы чакырылыш Дәүләт Советының егерме бишенче утырышы узды. Көн тәртибендәге бердәнбер мәсьәлә Татарстан Республикасы Президентының Татарстан Республикасы Дәүләт Советына республиканың эчке һәм тышкы хәле турындагы юлламасы булды.

Бүген республиканың Министрлар Кабинетында муниципаль районнар белән видеоконференцэлемтә режимында киңәшмә узды, анда 2022 елга һәм 2023-2024 елларның планлы чорына ТР берләштерелгән бюджеты проекты турында фикер алыштылар. Киңәшмәдә Дәүләт Советы Рәисе урынбасары Юрий Камалтынов, паралмент депутатлары, профильле министрлыклар һәм ведомстволар җитәкчеләре, республиканың муниципаль районнары башлыклары катнашты.