Бүген Дәүләт Советы утырышында мәгариф турында республика законына үзгәрешләр кертү турында закон проекты беренче укылышта һәм тулаем кабул ителде, аны эшләү республика законнарын федераль законнарга туры китерү зарурлыгы белән бәйле. Документ "белем бирү хезмәте" төшенчәсен юкка чыгара, "озайтылган көн"гә бердәм таләпләр кертә һәм педагоглардан документларны рәсмиләштерү буенча йөкләнешне киметә.

Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова билгеләп үткәнчә, быелның 14 июлендә мәгариф турындагы федераль законга үзгәрешләр кертү турында берничә федераль закон кабул ителде. Аерым алганда, мәгариф турындагы кануннан "мәгариф хезмәте" төшенчәсе төшереп калдырылды. «Педагогик берләшмә вәкилләре мәгарифкә хезмәт күрсәтү буларак мөнәсәбәтнең ярамавына берничә тапкыр игътибар юнәлттеләр», - дип басым ясады Людмила Рыбакова.

Мәгарифне финанслау мәсьәләләрен җайга сала торган «Мәгариф турында» Федераль закон статьяларыннан «мәгариф өлкәсендә дәүләт һәм муниципаль хезмәт күрсәтү» термины төшереп калдырыла. Моңа алмашка «уку-укыту программасын гамәлгә ашыруны финанс белән тәэмин итү күләме» һәм «дәүләт (муниципаль) заданиесе яисә үтәүне финанс белән тәэмин итү күләме» төшенчәләре кертелә.

Закон проекты шулай ук педагогик хезмәткәрләргә документлар йөкләнешен киметә. “Бу мәсьәлә берничә тапкыр тикшерелде, Россия Президентының йөкләмәләре нәтиҗәле булды, - дип белдерде Людмила Рыбакова, - төрле социологик тикшеренүләр нәтиҗәләре буенча, укытучылар тутырган 40 төрдән артык документ һәм хисап төре ачыкланды”.

Профильле комитет рәисе урынбасары фикеренчә, мондый йөкләнешнең бер сәбәбе – укытучыдан укыту-методик һәм башка документлар таләп итүгә закон тарафыннан чикләү булмау. Хәзер мәгариф оешмаларының педагог хезмәткәрләренең артык хисап һәм документация йөкләнешен бетерү максатларында Россия Мәгариф министрлыгының төп гомуми белем бирү программаларын гамәлгә ашырганда педагог хезмәткәрләре тарафыннан әзерләнә торган документлар исемлеген раслаячагы ачыкланды.

Мәҗбүри исемлек проектына эш программасы, өлгереш журналы, дәрестән тыш эшчәнлек, тәрбия эше планы, укучыларга характеристика һ.б. кертелгән. Шул ук вакытта төбәкләрнең дәүләт хакимияте органнары РФ Мәгариф министрлыгы белән килештерүгә аңа өстәмә документлар өстәргә мөмкин.

Закон проекты тарафыннан шулай ук озайтылган көн төркемнәренә бердәм таләпләр кертелә. 2014 елда Россия Мәгариф һәм фән министрлыгы РФ субъектларының башкарма хакимияте органнарына балалар карау һәм тәрбияләү буенча хезмәтләр күрсәтүне норматив-хокукый көйләү буенча методик тәкъдимнәр җибәргән, әмма әлеге документ норматив хокукый акт статусына ия булмаган, рекомендация характерында булган.

Хәзер закон нигезендә озайтылган көн төркемен һәм анда булу режимын ачу турындагы карар мәгариф оешмасы тарафыннан кабул ителә, дип билгеләнгән. Шулай ук озайтылган көн төркемендә үткәрелергә мөмкин эшчәнлек төрләре дә билгеләнә. Моннан тыш, закон проекты Россия Федерациясе субъектының озайтылган көн төркемнәре эшчәнлеген өстәмә финанс белән тәэмин итүгә хокукы беркетелә.