СОҢГЫ ЯҢАЛЫКЛАР
10
апрель, 2026 ел
Татарстан Дәүләт Советы Рәисе вазыйфаларын башкаручы Марат Әхмәтов агымдагы елның мартында беренче тапкыр федерация субъектлары закон чыгару органнары башлыклары медиарейтингына керде һәм анда сигезенче урынны алды. Идел буе федераль округы төбәкләре парламентлары җитәкчеләре арасында ул икенче позициядә урнашты, дип хәбәр итә рейтингны әзерләгән "Медиалогия" компаниясе.
10
апрель, 2026 ел
10 апрельдә Дәүләт Советына Азнакай политехника техникумы студентлары килде. Яшьләр белән Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов очрашты. Депутат кунакларга комитет эше, шулай ук парламентның закон чыгару эшчәнлеге турында сөйләде. Моннан тыш, студентлар өчен Дәүләт Советы бинасы буйлап экскурсия үткәрелде.
9
апрель, 2026 ел
Бүген Галиәсгар Камал исемендәге Татар дәүләт академия театры сәхнәсендә Туфан Миңнуллин пьесасы буенча «Әлдермештән Әлмәндәр» спектаклен премьера алдыннан күрсәттеләр. Спектакльнең беренче тамашачылары арасында Дәүләт Советы Рәисе вазыйфаларын башкаручы Марат Әхмәтов һәм тормыш иптәше Луиза Акрамовна белән Дәүләт Советының Мактаулы Рәисе Фәрит Мөхәммәтшин да бар иде.
9
апрель, 2026 ел
Бүген Дәүләт Советы Рәисе вазыйфаларын башкаручы, ТР Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов татар шагыйре Габдулла Тукайның тууына 140 ел тулуга багышланган «Татар сүзе – Тукай сүзе» телевизион концертында катнашучыларны сәламләде. Чара Галиәсгар Камал исемендәге Татар дәүләт академия театрында узды.
ЯҢАЛЫКЛАРГА ЯЗЫЛУ