Бүген ТР Дәүләт Советының Законлылык һәм хокук тәртибе комитеты һәм комитет каршындагы Экспертлар советының уртак утырышында парламентарийлар республика законнарындагы үзгәрешләр белән бәйле кайбер мәсьәләләр буенча фикер алыштылар.

Комитет рәисе Шакир Яһудин үткәргән утырышта ТР Дәүләт Советы Рәисе урынбасары Юрий Камалтынов катнашты.

Көн тәртибендәге беренче пункт итеп утырышта катнашучылар Татарстан Республикасы җәмәгать судьялары вазыйфаларын башкару турындагы мәсьәләне карадылар.

Икенче мәсьәлә –  "Янгын куркынычсызлыгы турында" ТР Законының 19 статьясына үзгәрешләр кертү хакында" ТР законы проекты турында комитет рәисе урынбасары Александр Чубаров сөйләде.  Аның искәртүенчә, законга үзгәрешләр республика законнарын федераль законга  туры китерү өчен кертелә. Бер ай элек закон проекты Комитет депутатлары тарафыннан каралган  һәм документ әзерләү өчен эшче төркем булдыру турында Карар кабул ителгән иде.

Федераль законнардагы үзгәрешләрне исәпкә алып, закон проекты белән 1993 елның 18 маенда кабул ителгән «Янгын куркынычсызлыгы турында» Татарстан Республикасы Законына  радакцион үзгәрешләр кертү карала. Үзгәрешләр «Янгын куркынычсызлыгы турында», «Ирекле янгын сагы турында», «Янгынга каршы дәүләт хезмәтенең Федераль янгынга каршы хезмәтендә хезмәт итү турында» федераль законнарга кертелгән.

Яңалыклар янгыннарны сүндерүгә, шул исәптән урман янгыннарын сүндерүгә, шулай ук һәлакәттән коткару эшләренә, куркыныч шартларда эш иткән янгын сүндерү җитәкчесен, янгыннан саклануның шәхси составын, ихтыярый янгыннан саклануның шәхси составын, урман янгынын сүндерүне башкаручы затларны матди зыян китергән өчен, коткарыла торган кешеләрнең сәламәтлегенә зыян китергән яисә аларның һәлак булуы өчен дисциплинар җаваплылыкка һәм (яисә) граждан-хокукый җаваплылыкка тартуга чикләүләрне билгеләүгә юнәлдерелгән. Александр Чубаров яңартылган республика закон проектын хупларга һәм Татарстан Республикасы Дәүләт Советына аны беренче һәм өченче укылышларда кабул итәргә тәкъдим итәргә тәкъдим итте.

Комитет әгъзалары закон проектын хупладылар.  "Закон бик  вакытлы һәм бик кирәкле. Тормышта төрле ситуацияләр була, һәм закон чыгаручыларга бу вариантларны максималь рәвештә күздә тотарга кирәк», - дип фикер алышуга нәтиҗә ясады Шакир Яһудин.

Парламентарийлар  2022 елда полиция эшчәнлеге турында Татарстан Республикасы буенча Эчке эшләр министры А.В. Хохорин хисабы һәм 2022 елда үз эшчәнлеге турында Татарстан Республикасында Кеше хокуклары буенча вәкаләтле вәкил доклады турында Татарстан Республикасы Дәүләт Советы карарлары проектлары буенча контроль мәсьәлә каралды. ТР Дәүләт Советы карарлары проектларын Президиумга җибәрү турында Карар кабул ителде.

Көн тәртибе кысаларында «2014-2027 елларга Татарстан Республикасында су объектларында халыкны һәм территорияләрне гадәттән тыш хәлләрдән саклау, янгын куркынычсызлыгын һәм кешеләрнең куркынычсызлыгын тәэмин итү» һәм «2015-2025 елларга Татарстан Республикасының коррупциягә каршы сәясәтен гамәлгә ашыру» республика программаларындагы үзгәрешләр турында тиешле мәгълүмат белән Татарстан Республикасы Гражданнар оборонасы эшләре һәм гадәттән тыш хәлләр министры урынбасары Николай Суржко һәм Татарстан Республикасы юстиция министрының беренче урынбасары Айнур Галимов чыгыш ясадылар. Яңалыклар ТР бюджетыннан программаларны финанслау үзгәреше белән бәйле.

Утырышта башка мәсьәләләр дә каралды. Барлык сораулар буенча тиешле карарлар кабул ителде.