Дәүләт Советы депутатлары округларда эшләүләрен дәвам итә. Узган атнада парламентарийлар гражданнарны кабул иттеләр, Туган тел көне һәм бөек татар шагыйре Габдулла Тукайның тууына 137 ел тулу уңаеннан бәйрәм чараларында катнаштылар, «Җиңү диктанты»н яздылар, ветераннарны һәм тыл хезмәтчәннәрен якынлашып килүче Җиңү көне белән котладылар.

28 апрельдә Дәүләт Советы Рәисе урынбасары, ТР Дәүләт Советында «Бердәм Россия» фракциясе җитәкчесе Юрий Камалтынов  "Бердәм Россия" партиясенең ТР депутат берләшмәләренең республика буенча Координация советы утырышын уздырды. Төп мәсьәлә партиянең "Бердәм челтәр стандарты" яңа федераль проекты турында фикер алышу булды. Проект буенча беренчел бүлекчәләрне яңадан эшләтеп җибәрү, кадрлар резервы булдыру, партия сафларын активлаштыру һәм яңа тарафдарлар җәлеп итү планлаштырыла.

28 апрельдә Дәүләт Советы Секретаре Лилия Маврина Татарстандагы региональ җәмәгать кабул итү бүлмәсендә гражданнарны кабул итте. Казанда яшәүче Ания Өметбаева телефон аша йортта яшәүчеләр исеменнән депутатка мөрәҗәгать итте, алар йорттагы төтен  чыгару юлын ремонтлауда ярдәм сорыйлар. Казанның Совет районында яшәүче Ирина Молчанова депутатка коллектив гариза белән мөрәҗәгать итте. Йортта яшәүчеләр күпфатирлы йортның подвалыннан килгән яман исне бетерүдә ярдәм  сорыйлар. Элек алар бу мәсьәлә белән идарәче компаниягә мөрәҗәгать иткәннәр, әмма тиешле чаралар күрелмәгән. Лилия Маврина мөрәҗәгатьләрне эшкә алды.

Шул ук көнне Лилия Маврина Бөек Ватан сугышы ветераны, Курск дугасындагы сугышларда катнашучы София Яковлевна Порсева янына килде. София Яковлевна 1941-1945 елларда 307-нче укчы дивизиясенең радисты була. Сугыштан соң 30 ел Казан ГИДУВында эшли.

28 апрельдә Җиңү көне алдыннан депутат Динар Бариев ТР «Яшь гвардия» белән берлектә гуманитар миссия кысаларында Бөек Ватан сугышы елларында «Яшь гвардия»хәрәкәт еоешкан Краснодон шәһәренә килде.

«Бу барлык яшь гвардиячеләр өчен бик әһәмиятле урын, чөнки Бөек Ватан сугышы вакытында  "Яшь гвардия"нең яшерен антифашист оешмасы биредә үз хәрәкәтен башлаган", - диде Динар Бариев.

Татарстан һәм Луганск Халык Республикасы яшь гвардиячеләре Бөек Ватан сугышы елларында немец карательләре тарафыннан шахтага ташланган яшь геройларның батырлыгына багышланган музейда булдылар, шул көннәр истәлегенә багышлап төзелгән монументка чәчәкләр салдылар.

27 апрельдә «Җиңү диктанты» халыкара патриотик акциясе узды. 45 минут эчендә анда катнашучылар Бөек Ватан сугышы тарихы һәм геройлары белән бәйле 25 биремне үтәргә тиеш. Татарстанда акция 216 мәйданчыкта, шул исәптән республика мәктәпләрендә, югары уку йортларында, урта махсус уку йортларында, сәнәгать предприятиеләрендә, китапханәләрдә һәм музейларда узды.

Акциядә ТР Дәүләт Советы депутатлары һәм аппарат хезмәткәре катнашты, шул исәптән депутатлар Юрий Камалтынов, Лилия Маврина, Лотфулла Шәфигуллин, Камил Садриев, Таһир Һадиев, Алексей Созинов, Илдар Шамилов, Ольга Воронова, Игорь Бикеев һәм башкалар.

27 апрельдә Казанның «Сәйдәш» мәдәният үзәгендә ветераннар, тол хатыннар һәм тыл хезмәтчәннәре өчен бәйрәм концерты булды. Иҗат коллективлары рус һәм татар телләрендә сугыш чоры җырларын башкаралар. Кунакларны  Дәүләт Советы Секретаре Лилия Маврина сәламләде. 

27 апрельдә Торак сәясәте һәм инфраструктура үсеше комитеты рәисе урынбасары Камил Садриев гражданнарны кабул итте. Депутатка сәламәтлек мөмкинлекләре чикле балалар белем ала торган Казан мәктәпләренең берсенең ата-аналары мөрәҗәгать итеп, уку йорты территориясендә балалар өчен булган һәм спорт мәйданчыкларын төзекләндерү үтенече белән мөрәҗәгать иттеләр. Камил Садриев әти-әниләренең инициативасын хуплады, шәһәр Башкарма комитетына һәм профильле ведомстволарга депутат таләбе  җибәреләчәген белдерде.

26 апрельдә ТР Дәүләт Советы депутаты, Республика балалар клиник хастаханәсенең баш табибы Айрат Зыятдинов «Гаилә белән бергә» кунакханәсе кунакларына «Явыз үрдәк» әкиятен укыды. "Әкият терапиясе" - Казанда республика күләм балалар клиник хастаханәсенең кечкенә пациентларына психологик ярдәм күрсәтүгә, аларны савыктыру өчен уңайлы шартлар тудыруга юнәлдерелгән социаль проект.

Айрат Зыятдинов тыңлаучыларга рәхмәт белдерде һәм аларның  беркайчан да өметләрен өзмәвен  теләде. "Бирешмәгез һәм табиблар белән бергәләп алга –  бәхетле киләчәккә атлагыз,. Сезнең авыруларыгыз  – тормышыгызда үтәргә кирәк булган бер этап. Барысы да яхшы булачак, бигрәк тә сез максатчан булсагыз. Сезнең һәрберегез – бер могҗиза!, диде депутат.

26 апрельдә «Яшь профессионаллар» проекты кысаларында Халыкара сервис колледжы базасында кулинар көрәш узды. Конкурс укучыларның «пешекче» һөнәренә кызыксынуын үстерүгә юнәлдерелгән. Анда Казанның Яңа Савин, Совет һәм Мәскәү районнарыннан 10 мәктәп катнашты. Командалар ике кешедән тора: 8-9 сыйныф укучылары һәм аларның гаилә әгъзалары. Конкурс кысаларында катнашучылар салат һәм кайнар ризык әзерләргә, ә гаилә десертын өйдә әзерләп килергә тиеш булганнар. Дәүләт Советы депутаты депутаты  Ольга Воронова кергән жюри ризыкларның тәмен һәм файдасын гына түгел, ә аларның бизәлешен дә бәяләде. Катнашучыларның барлык командалары дипломнар һәм кыйммәтле бүләкләр белән бүләкләнде.