Дәүләт Советы Дәүләт думасына административ хокук бозулар турында РФ Кодексына үзгәрешләр кертү турында канун тәкъдиме белән мөрәҗәгать итәчәк. Мондый карар бүген Дәүләт Советы утырышында кабул ителде. Закон инициативасы Россия Федерациясеннән читтә кылынган һәм Россия Федерациясенә каршы административ хокук бозган өчен җәза билгеләүне күздә тота.

Законлылык һәм хокук тәртибе комитеты рәисе Александр Чубаров, документны тәкъдим итеп, закон чыгару инициативасы Россия Федерациясеннән читтә булган гражданнарны конституция нигезләренә, Россия Федерациясенең дәүләт һәм җәмәгать иминлегенә каршы юнәлдерелгән чыгышлар, гамәлләр өчен административ җаваплылыкка тартуның хокукый мөмкинлеген билгеләү максатларында эшләнгәнлеген билгеләп үтте.

"Соңгы вакытта Россия гражданнарының чит ил агентлары реестрына кертү өчен аларның чит дәүләт территориясендә яшәгән чорында Россия Федерациясе мәнфәгатьләренә, дәүләт хакимиятен гамәлгә ашыруның билгеләнгән тәртибенә, җәмәгать тәртибенә һәм иминлеккә каршы юнәлдерелгән гамәлләре нигез булып тора, - дип билгеләде профильле комитет башлыгы. - Шуңа бәйле рәвештә закон проекты белән Россия Федерациясеннән читтә административ хокук бозган затны чит илдә Россия Федерациясе мәнфәгатьләренә каршы юнәлтелгән барлык административ хокук бозу очракларына административ җаваплылыкка тарту турындагы кагыйдәне кулланырга тәкъдим ителә"

Хокук бозучыларның административ җаваплылыктан читләшүенә юл куймау һәм административ җәза билгеләү турындагы карарның үтәлешен тәэмин итү өчен мондый хокук бозучылар мөлкәтенә арест куллану тәкъдим ителә.

Әлеге закон проектын РФ Федераль Җыены Дәүләт Думасында караганда Татарстан Республикасы Дәүләт Советының рәсми вәкиле итеп Дәүләт Думасы депутаты Айрат Фәррахов билгеләнде.