Дәүләт Советы депутатларының округларда эшчәнлеге дәвам итә. Бу атнада парламентарийлар гражданнарны кабул итте, халык белән очрашты һәм укучыларга батырлык дәресләре үткәрде.

20 мартта Законлылык һәм хокук тәртибе комитеты рәисе урынбасары, Россия Герое Рәсим Баксиков СВО ветераннары ассоциациясенең махсус хәрби операциядә хәбәрсез югалганнарны эзләүдә ярдәм итү буенча семинар-практикумында катнашты. Депутат СВО зонасындагы хәрби хәрәкәтләр вакыйгалары турындагы истәлекләре белән уртаклашты һәм катнашучыларның күпсанлы сорауларына җавап бирде. Рәсим Баксиков аңа СВО катнашучыларының туганнары хәбәрсез югалган солдатларны эзләүдә ярдәм сорап еш мөрәҗәгать итә, шуңа күрә ул әлеге проектны аеруча хуплый, дип сөйләде. "Сез гаять мөһим эш эшлисез! Ярдәм итәргә әзер булуыгыз өчен рәхмәт сезгә!», - диде Рәсим Баксиков.

20 мартта Дәүләт Советы депутаты Ләлә Кәдермәтова «фермер мәктәбе» дип аталган чыгарылыш сыйныф укучылары клубы ачылышында катнашты. Яңа проект фермерлыкны һәм авыл тормышын популярлаштыруга, авыл хуҗалыгы җитештерүчеләре кооперациясен үстерүгә, тәҗрибә уртаклашуга һәм белем базасын булдыруга юнәлдерелгән. «Фермер мәктәбе" чыгарылыш сыйныф укучылары клубы авыл хуҗалыгы җитештерүчеләре буларак чыгарылыш сыйныф укучыларының интеллектуаль потенциалын һәм һөнәри тәҗрибәсен берләштерү мәйданчыгы, чыгарыла торган продукцияне сату һәм алу буенча бергәләп стратегияләр кабул итәчәк урын, шулай ук җитештерүчәнлекне үстерүнең иң яхшы ысулларын табарга мөмкинлек бирә торган мәйданчык булачак.

19 мартта Дәүләт Советы депутаты, «Татэнергосбыт» җәмгыяте  директоры Рифнур Сөләйманов Бөгелмәдә яшәүчеләрне кабул итте. Халык белән очрашу онлайн-форматта узды. Депутатка төрле сораулар белән 5 кеше мөрәҗәгать итте. Алар  торак-коммуналь хезмәтләр өчен түләүне исәпләү, подвалларны төзекләндерү буенча идарәче компания эше, студентларны максатчан укыту, СВОда катнашучыга һәйкәл кую һәм медицина ярдәме алырга булышу кебек мәсьәләләнне кузгалтты.   Барлык мөрәҗәгать итүчеләргщ дә аңлатма бирелде, сорауларны депутат үз контроленә алды.

18 март көнне Дәүләт Советы Секретаре Лилия Маврина Россия Федерациясе Президентының Татарстан Республикасындагы кабул итү үзәгендә гражданнар белән күреште. Депутат Казанның 352нче балалар бакчасы мөдире белән учреждениедә капиталь ремонтлау һәм җиһазларны яңарту мәсьәләләре турында сөйләштеләр. Шулай ук депутатка «Имәнлек" экопаркы янында урнашкан хуҗалык корылмаларының законлылыгын тикшерүне сорап мөрәҗәгать ителәр.

18 мартта Дәүләт Советы депутаты Александр Лившиц Киров һәм Мәскәү районнары администрациясенең хисап утырышында катнашты, анда 2024 елда район үсешенә нәтиҗә ясалды. Актив алдында район башлыгы Владимир Жаворонков чыгыш ясады. “Проблемалы мәсьәләләрнең планлы рәвештә хәл ителүен, районнарыбызның һәм Казан шәһәренең үсешен күрү бик яхшы", – дип билгеләп үтте Александр Лившиц.

17 мартта Дәүләт Советында «Бердәм Россия” университетының Юридик-хокукый сыйныфы» республика проекты кысаларында Конституция хокукы буенча лекция узды. Аның максаты киләчәктә һөнәрне аңлы рәвештә сайлау өчен мәктәп укучыларына юнәлеш бирү.   8-10 сыйныф укучыларын Дәүләт корылышы һәм җирле үзидарә комитеты рәисе Альберт Хәбибуллин һәм социаль сәясәт комитеты рәисе урынбасары Ольга Воронова сәламләде. Депутатлар билгеләп үткәнчә, бу курста проектта катнашучылар Конституция хокукларын гына түгел, эшмәкәрлек, тавыш бирү, гаилә һәм башка дисциплиналарны да өйрәнәчәк. Моннан тыш, депутатлар парламент корпусы эше, Россия Федерациясе Конституциясе нигезләре, гражданның хокуклары һәм бурычлары турында сөйләделәр. Сорауларга күчеп, укучылар сайлаулар, югары уку йортларына керү һәм белем бирү процессын оештыру темалары белән кызыксынды.

17 мартта Зәй муниципаль районына эш сәфәре барышында Дәүләт Советы депутаты Ринат Фазылов Ринат Фәрдиев исемендәге татар гимназиясе укучылары белән очрашты. Депутат Кавказ артындагы хәрби хәрәкәтләрдә үзенең шәхси катнашуы һәм СВО сугышчылары өчен гуманитар ярдәм оештыру турында сөйләде. Сүз уңаеннан, Ринат Фазылов гуманитар конвойларны яңа төбәкләргә дә, махсус операция зоналарына да даими рәвештә шәхсән үзе озата бара. "Хәрбиләргә  хатларны ешрак языгыз. Бу алар безнең кулдан тартып алган беренче әйбер", - дип сөйләде Ринат Фазылов гимназия укучыларына. Шул ук көнне Ринат Фазылов гражданнарны кабул итте, анда һәлак булган СВО хәрбиләренең хатыныннарыннан мөрәҗәгать килде. Аның бер улына медицина тикшерүе узарга кирәк. Шулай ук депутатка 5 нче номерлы мәктәп коллективы бинага капиталь ремонт ясау мәсьәләсен хәл итүдә ярдәм итүләрен сорап мөрәҗәгать итте. Барлык мөрәҗәгатьләр дә депутат тарафыннан эшкә алынды.

14 мартта Дәүләт Советы депутаты Ринат Фазылов өлкән яшьтәге волонтерлар белән очрашты. СВО башланган беренче көннәрдән үк алар ярдәм итәләр. Волонтерлар бу юлы да СВО уздыру зонасына тапшыру өчен гуманитар ярдәм җыйган. "Якын арада безнең сугышчыларга ярдәм илтеп тапшырылачак!",- диде Ринат Фазылов.