Хөкүмәт эше турындагы хисап Дәүләт Советы утырышында каралды. Әлеге мәсьәлә буенча докладны Татарстан Республикасы Премьер-министры Алексей Песошин тәкъдим итте. Моннан тыш, фикер алышу кысаларында сессиядә Дәүләт Советында тәкъдим ителгән депутат фракцияләре вәкилләре чыгыш ясады. «Бердәм Россия» фракциясе позициясен Дәүләт корылышы һәм җирле үзидарә комитеты рәисе Альберт Хәбибуллин тәкъдим итте. 

Альберт Хәбибуллин билгеләп үткәнчә, тәкъдим ителгән хисапта республиканың социаль-икътисадый үсеше илкүләм проектларда формалаштырылган максатларга ирешү позициясеннән, шулай ук партиянең төп стратегик документын - «Бердәм Россия» Халык программасы һәм 2030 елга кадәр Татарстан Республикасының Социаль-икътисадый үсеше стратегиясен исәпкә алып анализланган.

«Сакланып калган чикләүләргә һәм моңарчы күрелмәгән санкцион басымга карамастан, Татарстан нык торды гына түгел, ә төп макроикътисадый күрсәткечләрнең тотрыклы үсешен һәм уңай динамикасын күрсәтә, - дип басым ясады Альберт Хәбибуллин, - бу предприятиеләрнең, хакимият органнарының җайга салынган һәм координацияләнгән эше, Татарстан Республикасы Рәисе җитәкчелегендә икътисад үсеше, ярдәм чараларында катнашу, илкүләм проектларны гамәлгә ашыру һәм республика программалары».

Альберт Хәбибуллин, бердәмроссиялеләр фикеренчә, өстәмә игътибар таләп итә торган мәсьәләләргә дә тукталды. Бу торак-коммуналь хуҗалыкны модернизацияләү, халыкка транспорт хезмәте күрсәтүне үстерү, республика икътисадының төп тармакларын кадрлар белән тәэмин итү, икътисадның җитештерү секторында үтәли цифрлы технологияләр эшләү һәм гамәлгә кертү өлкәсендә ведомствоара кооперация, бирелгән салым ташламаларының һәм 2025 елның 1 гыйнварыннан законнар белән кертелгән республика бюджетының төшеп кала торган керемнәренең нәтиҗәлелеген һәм салым секторындагы үзгәрешләргә бәйле нәтиҗәләрне анализлау кебек мәсьәләләр.

«Бердәм Россия» фракциясе депутатлары инициатив бюджетлаштыруны гамәлгә ашыру мәсьәләсен гамәлдә, җирле инициативаларга ярдәм итү һәм гражданнарны җирле әһәмияттәге мәсьәләләрне хәл итүгә җәлеп итү инструменты буларак карарга тәкъдим иттеләр. “Әлеге механизм үзара салым кысаларында акча җыю процедурасын җиңеләйтер иде", - дип  белдерде Альберт Хәбибуллин.

Альберт Хәбибуллин алдагы сайлау кампанияләре барышында алынган сайлаучылар наказлары буенча системалы эшне тәэмин итү мәсьәләләренә аерым тукталды. «Барлыгы 833 наказ һәм тәкъдим килде. Шулардан 584 наказны гамәлгә ашыру финанс яктан тәэмин ителүне таләп итә», - дип ассызыклады депутат.

Альберт Хәбибуллин, мөмкинлектән файдаланып, «Гавами хакимиятнең бердәм системасында җирле үзидарәне оештыруның гомуми принциплары турында» яңа федераль закон кабул ителүен искәртте. «Татарстан Республикасыннан кертелгән төзәтмәләр нәтиҗәсендә Россия Федерациясе субъектларының җирле үзидарәне оештыруның ике дәрәҗәле системасын саклап калу хокукын саклап кала алдык, – дип ассызыклады Альберт Хәбибуллин, – безгә, әлеге Федераль закон кабул ителүгә бәйле рәвештә, республикада җирле үзидарә мәсьәләләрен җайга салу буенча уртак эш көтә».

Хөкүмәт белән уртак эшнең өстенлекләре арасында Альберт Хәбибуллин шулай ук махсус хәрби операциядә катнашучыларга ярдәм итүне, махсус хәрби операция ветераннарын реабилитацияләү һәм эшкә урнаштыру мәсьәләләрен хәл итүне атады. «Ышанам ки, хакимиятнең закон чыгару һәм башкарма тармаклары арасындагы конструктив хезмәттәшлек икътисадны алга таба үстерүгә, социаль тотрыклылыкны ныгытуга һәм гражданнарыбызның тормыш сыйфатын яхшыртуга юнәлдерелгән системалы бурычларны хәл итүне тәэмин итәр дип ышанам» - дип йомгаклады сүзен профильле комитет башлыгы.