Дәүләт Советы депутатларының округларда эшчәнлеге дәвам итә. Бу атнада парламентарийлар гражданнарны кабул итте, гомуми белем бирү учреждениеләрендә булды, педагоглар һәм укучылар белән аралашты, республиканың яшь сайлаучылары белән очрашты.

15 майда Дәүләт Советы рәисе урынбасары Марат Әхмәтов «Сәйяр» республика балалар һәм яшүсмерләр театрлары фестивале җиңүчеләрен бүләкләү тантанасында катнашты. Республиканың Мәгариф һәм фән министрлыгы тарафыннан Татарстан Республикасы Рәисе каршындагы Татарстан Республикасында яшәүче халыкларның туган телләрен саклау һәм үстерү мәсьәләләре комиссиясе, шулай ук «Сәхна» журналы редакциясе белән берлектә оештырылган фестивальдә быел республиканың мәктәпкәчә һәм гомуми белем бирү оешмаларының 1 меңнән артык театр коллективы катнаша. Алар татар, чуаш, удмурт һәм мари телләрендә спектакльлләр тәкъдим итте. «Сәйяр» фестиваленең төп бүләген Казанның Совет районындагы 50нче балалар бакчасы һәм Казанның Мәскәү районындагы Шиһабетдин Мәрҗани исемендәге 2нче татар гимназиясе иҗат коллективлары яулады.

15 майда Законлылык һәм хокук тәртибе комитеты рәисе урынбасары, Россия Герое Рәсим Баксиков быел беренче тапкыр Татарстан Республикасы Рәисе сайлауларында тавыш бирәчәк, яшь сайлаучылар белән очрашты.

15 май көнне Дәүләт Советы депутаты Ринат Фазылов катнашында СВО сугышчыларына Мицубиси автомобиле тапшырылды. Элек җиңел машина Росприроднадзорның Идел-Кама Төбәкара идарәсе тарафыннан файдаланылган һәм РФ Хөкүмәте карары белән «Гомумроссия халык фронты» оешмасының төбәк бүлегенә тапшырылган. Юлга чыгар алдыннан машинага тулы техник күрсәтү үткәрелә.

15 майда Дәүләт Советы депутаты Марсель Мингалимов Яр Чаллы шәһәренең ГЭС бистәсендәге 1нче урта мәктәпкә нигез салуга 90 ел тулуга багышланган тантаналы чараларда катнашты. Марсель Мингалимов мәктәп укытучыларына, укучыларына һәм ветераннарына сәламләү сүзе белән мөрәҗәгать итте, уку йортының иң яхшы педагогларына Мактау грамоталары һәм Рәхмәт хатлары тапшырылды. Моннан тыш, депутат бәйрәм чарасын оештыруда финанс ярдәме күрсәтте.

15 майда Казанның «Чулпан» мәдәният үзәгендә «патриотлар шәһәре» конкурсына йомгак ясалды. Проект җиңүчеләрен бүләкләү тантанасында социаль сәясәт комитеты рәисе урынбасары Ольга Воронова катнашты. Конкурс яшь буынны патриотик тәрбияләүгә, Бөек Ватан сугышы ветераннарына һәм махсус хәрби операциядә катнашучыларга ярдәм күрсәтүгә юнәлдерелгән. Конкурста Казанның 116 мәгариф учреждениесеннән 150 укучы катнашты.

14 майда Дәүләт Советы депутатлары Нәҗип Хаҗипов һәм Азат Җиһаншин «Экодулкын» IX форумы кысаларында узган «бер-беребезгә экология турында» IV Республика конкурсы лауреатларын котладылар. Конкурста республиканың төрле районнарыннан һәм шәһәрләреннән сигез яшьләр берләшмәсе проекты җиңүче булды. Алар арасында Тукай, Яшел Үзән районнары, Казан ветеринария медицина академиясе берләшмәләре бар.

14 майда Дәүләт Советы депутаты Александр Лившиц Казанның Киров районындагы 57нче мәктәбендә булды. Депутат капиталь ремонттан соң мәктәп бинасын карап чыкты, уку сыйныфларының торышын бәяләде. «Бердәм Россия» партиясе тарафдарлары белән бергә ул мәктәп тирәсен төзекләндерү өчен матди ярдәм күрсәтә. Монда җәяүлеләр юлларына асфальт җәелгән һәм тротуарлар ясалган. Моннан тыш, депутат мәктәп  укучыларына ял итү өчен махсус йомшак пуфиклар бүләк итте.

13 майда Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов РФ Президенты Владимир Путинның Татарстан Республикасындагы кабул итү бүлмәсендә гражданнарны кабул итте. Депутатка Казан шәһәренең Беломорская урамындагы 17/37 йортта яшәүчеләр күмәк гариза белән мөрәҗәгать итте. Алар лифтны ремонтлауда ярдәм итүне сорадылар. Алар әйтүенчә, күпкатлы йортта лифтны 10 февральдә сүндергәннәр.

13 майда Дәүләт Советы депутаты Олег Николаев Чаллы Үзәк районы башлыгы Фидәрис Хәбибуллин белән бергә Бөек Ватан сугышы хезмәт фронты ветераны Мөфаккирә Гәрәеваны 95 яшьлек юбилее белән котлады. Сугыш елларында ул туган авылында төрле эшләрдә эшли, аннары-колхозда сыер савучы, ә сугыштан соң җитештерү тармагында көч куя. Яр Чаллыда 2014 елдан бирле яши. «1941-1945 еллардагы Бөек Ватан сугышындагы фидакарь хезмәте өчен» медале белән бүләкләнә. «Чын күңелдән Мөфаккирә Миңнехәким кызына нык сәламәтлек, якыннарының җылысын һәм кайгыртуын, озын һәм бәхетле еллар телим", - дип билгеләп үтте Олег Николаев.

9 майда Дәүләт Советы депутатлары республика муниципалитетларында Бөек Ватан сугышында Җиңүнең 80 еллыгына багышланган бәйрәм чараларында катнаштылар. Дәүләт корылышы һәм җирле үзидарә комитеты рәисе Альберт Хәбибуллин Актаныш районы халкын республика җитәкчелеге исеменнән котлады. Шул ук көнне СВО катнашучыларына дәүләт бүләкләре тапшырылды. Радик Габделкәбиров IV дәрәҗә Георгий тәресе һәм II дәрәҗә «Батырлык өчен» медале белән бүләкләнде. Руслан Гарифуллинга «Батырлык өчен» медале тапшырылды. СВОда һәлак булган егетләр: Илнар Гиндуллин һәм Закир Зиннуровның бүләкләрен туганнарына тапшырдылар.

Мәгариф, мәдәният, фән һәм милли мәсьәләләр комитеты рәисе Айрат Зарипов Кайбыч районында Җиңү Парадында катнашты. Депутат республика рәисе Рөстәм Миңнехановның котлавын ирештерде, шулай ук район башлыгы Альберт Рәхмәтуллин белән бергә үзәк обелискка чәчәкләр салдылар.

Социаль сәясәт комитеты рәисе Светлана Захарова, Дәүләт Советы депутатлары Владимир Чагин, Руслан Нигъмәтуллин, Андрей Ляпунов, Олег Николаев, Николай Атласов Чаллыдагы Мәңгелек утка чәчәкләр салдылар. Монда ук «Ватан-ана» мемориалы янында Җиңү Парады узды. Депутат Данис Шакиров Саба районында бәйрәм чараларында катнашты. Бөек дата истәлегенә Хәтер аллеясында 80 агач утыртылды. Шулай ук үзәк мәйданда театральләштерелгән Парад узды, аннан соң җыелганнар Бөек Ватан сугышы геройлары мемориалына чәчәкләр салдылар. Дәүләт Советы депутаты Эдуард Шәрәфиев катнашында Менделеевскида СВОда катнашучыларга һәм сугышчы-интернационалистларга мемориаль комплекс-Дан аллеясы ачылды.

Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев Минзәлә районында бәйрәм чараларында катнашты. Депутат сугыш ветераннарын, тыл хезмәтчәннәрен һәм барлык район халкын котлады. Традиция буенча Ватан өчен сугыш кырларында һәлак булганнар истәлегенә Муса Җәлил һәйкәленә чәчәкләр салдылар. Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов Азнакай районында бәйрәм чараларында катнашты. Депутат тантаналы митингта чыгыш ясап,  сугыш ветераннарын һәм тыл хезмәтчәннәрен котлады, Мәңгелек утка чәчәкләр салды. Шул ук көнне Җиңү паркында  Бөек Ватан сугышы ветераны, генерал-майор Фатыйх Булатов хөрмәтенә стела ачтылар.

8 майда Дәүләт Советы депутаты Рифнур Сөләйманов ветеран, тыл хезмәтчәне Мария Баязитованы туган көне белән котлады һәм энергетикага керткән зур өлеше өчен чын күңелдән рәхмәт белдерде. Мария Фатыйховна быел үзенең 102 яшьлеген билгеләп үтте. Ярты гасырлык хезмәт биографиясен Татарстанның энергетика инфраструктурасын үстерүгә багышлый. Аның тормыш юлы республиканың электр энергетикасы үсеше тарихы белән тыгыз бәйләнгән — Мария Баязитова үзенең эшен Бөек Ватан сугышы чорында ук башлаган. Аның әнисе республиканың беренче эре электростанциясе — Казанның ТЭЦ-1 төзелешендә актив катнаша, ул Татарстанның энергетика комплексын төзүгә нигез сала. Мария Баязитованы язмыш энергетика өлкәсенә 1941 елның көзендә, гаилә традициясен дәвам итеп, «Казэнерго» предприятиесенең электр челтәре хезмәткәрләре сафына баскач алып килә. Сугыш елларында сәнәгать предприятиеләрен өзлексез энергия белән тәэмин итеп, көн саен 12 шәр сәгать эшли ул.

7 майда Дәүләт Советы депутаты Ләлә Кәдермәтова Вконтакте социаль челтәрендәге төбәк иҗтимагый кабул итү бүлмәсе аккаунтында тематик вебинар үткәрде. Чара өлкәннәр арасында мошенниклыкка каршы торуга багышланган иде. Депутат мошенниклыкны ничек танырга һәм үз акчаларын саклау өчен нәрсә эшләргә кирәклеге турында сөйләде. Ул билгеләп үткәнчә, мошенниклардан иң төп саклану чарасы ул  — уяулык. "Кадерле тыңлаучылар, бигрәк тә пенсия яшендәгеләр, чит кешеләрнең шалтыратуларына, сорауларына һәрвакыт игътибарлы булыгыз һәм һәрвакыт сак булыгыз", - дип ассызыклады Ләлә Кәдермәтова.  

6 майда Россия Федерациясе Президенты Владимир Путинның Татарстан Республикасындагы кабул итү бүлмәсендә Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев гражданнарны кабул итте. Аңа Казан шәһәренең Щапов урамындагы 11 нче йортта яшәүчеләр әлеге күп фатирлы торак йортны капиталь ремонт буенча республика программасына кертүне сорап мөрәҗәгать итте. Депутат мөрәҗәгатьне үз контроленә алды.