Дәүләт Советы депутатларының округларда эше дәвам итә. Узган атнада парламентарийлар гражданнарны кабул иттеләр, фәнни конференцияләрдә һәм республиканың авыл җирлекләрендә һәм район үзәкләрендә узган милли бәйрәм – Сабантуйда катнаштылар.   

8 июньдә Әлмәт районында Сабантуй мәйданына 20 меңнән артык кеше җыелды. Бәйрәмдә Икътисад, инвестицияләр һәм эшмәкәрлек комитеты рәисе урынбасары Марат Галиев катнашты. Ул әлмәтлеләрне язгы кыр эшләре тәмамлану һәм игенчеләрнең хезмәтенә хөрмәт символы булган бәйрәм белән котлады.

7 июньдә Икътисад, инвестицияләр һәм эшкуарлык комитеты рәисе Рәгать Хөсәенов Баулы муниципаль районында Сабантуй бәйрәмендә катнашты. Үзенең сәламләү чыгышында депутат авыл хезмәтен данлаучы һәм ата-бабалар традицияләренә хөрмәт символы булган халык бәйрәменең әһәмиятен ассызыклады.

7 июньдә Законлылык һәм хокук тәртибе комитеты рәисе Александр Чубаров, Дәүләт Советы депутатлары Алсу Нәбиева һәм Фоат Вәлиев Әлки муниципаль районында узган  Сабантуйда катнаштылар. Әлки җирендә Сабан бәйрәме инде күп еллар Актай елгасы башланган җирдә уза. Мәйданда иң яхшы механизаторларны һәм авыл хуҗалыгы хезмәткәрләрен котлау тантанасы булды.  Балалар өчен уеннар оештырылды, өлкәннәр милли көрәштән, ә музыка сөючеләр артистларның чыгышларыннан ләззәт алдылар. 

7 июньдә Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев Минзәлә районы халкын һәм кунакларын милли бәйрәмебез –  Сабантуй белән котлады. Депутат ТР Рәисе Рөстәм Миңнехановның котлавын ирештерде.

7 июньдә Кама Тамагы районында Бюджет, салымнар һәм финанс комитеты рәисе Леонид Якунин һәм Дәүләт Советы депутаты Айдар Таһиров  Сабантуйда булдылар.  Депутатлар район халкын бәйрәм белән котладылар, Республика халыкларының мәдәни мирасын саклау һәм тапшыруның мөһимлеген билгеләп үттеләр.

7 июньдә Азнакай муниципаль районында Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов Сабантуй кунагы булды.  Бәйрәм программасына театральләштерелгән музыкаль-бию композицияләре кертелгән, аларда республиканың күпмилләтле халкының гасырлар буе дәвам иткән традицияләре һәм аның хезмәт сөючәнлеге чагыла. Нәҗип Хаҗипов азнакайлыларны бәйрәм белән котлады, гаиләләргә иминлек, һәр йортка бәхет һәм муллык, районга уңышлар теләде.

7 июльдә Торак сәясәте һәм инфраструктура үсеше комитеты рәисе урынбасары Ринат Гайзатуллин Буа районында Сабантуйда катнашты. Депутат ТР Рәисе Рөстәм Миңнеханов һәм Дәүләт Советы Рәисе Фәрит Мөхәммәтшин исеменнән Буа районы халкына һәм бәйрәм кунакларына мөрәҗәгать итте, бердәмлек, традицияләрне саклап калу, буыннар арасында үзара аңлашу һәм туган якның чәчәк атуын теләде. "Безнең төп бурыч – традицияләрне киләчәк буыннарга тапшыру. Беренче чиратта, бу туган телен саклау. Дуслыкта яшәү – зур бәхет һәм шатлык", – диде депутат. 

4 июньдә Социаль сәясәт комитеты рәисе Светлана Захарова һәм әлеге профильле комитет рәисе урынбасары Ольга Воронова «Заманча бизнес проблемалары: оптимальләштерү сәбәпләре һәм ысуллары» Бөтенроссия конференциясендә катнаштылар. Чара Татарстан Республикасы Сәүдә-сәнәгать палатасында узды. Конференциягә Россиянең төрле почмакларыннан бизнес белән шөгыльләнүче  хатын - кызлар килде. Очрашуда Кече һәм урта бизнеска салым салу, законнарны камилләштерү, квалификацияле кадрлар кытлыгы, ясалма интеллект кертү белән бәйле мәсьәләләр турында фикер алыштылар.

«Татарстан хатын-кызлар һәм гаилә эшмәкәрлеген үстерүгә юнәлдерелгән төрле программалар һәм инициативалар тәкъдим итеп, хатын-кызларның бизнестагы эшенә актив ярдәм итә»,  – дип сөйләде Социаль сәясәт комитеты рәисе Светлана Захарова.

«Мәрхәмәт-Милосердие» хатын-кыз депутатлар берләшмәсе диалог, фикер алышу, хатын-кыз лидерларны берләштерү, хатын-кыз берләшмәләрен җәмгыять тормышының социаль әһәмиятле мәсьәләләрен хәл итүдә кирәкле мәйданчыкларның берсе булырга омтыла», - дип билгеләп үтте Социаль сәясәт комитеты рәисе урынбасары Ольга  Воронова.

3 июньдә Социаль сәясәт комитеты рәисе Светлана Захарова «Бердәм Россия» партиясенең Чаллы бүлекчәсендә гражданнарны кабул итте. Депутатка II группа инвалид хатын-кыз шифаханә-курорт юлламасы сорап мөрәҗәгать иткән. Мәсьәлә уңай хәл ителгән – юллама бирелгән.

Шул ук көнне Автоградта гражданнарны Дәүләт Советы депутаты Елена Кузьмичева кабул итте. Аңа күп балалы ана балаларның җәйге ялын оештыруда ярдәм итүләрен сорап мөрәҗәгать иткән. Профильле структуралар белән бергә эшләү нәтиҗәсендә дүрт бала сәламәтләндерү лагерына баручылар исемлегенә кертелгән. Ә кече баласы белән ана өчен шифаханәгә юллама оештырылган.

2 июньдә Дәүләт Советы депутаты Алексей Созинов «Казан Экспо» Халыкара күргәзмә үзәгендә узган «Дарулар һәм медицина эшләнмәләре әйләнеше өлкәсендә дәүләт җайга салуы» – «Фарммедобразование» 2025 XXVII Бөтенроссия конференциясе эшендә катнашты. «Россиядә югары фармацевтика белеменең торышы һәм перспективалары» секциясенә аерым игътибар бирелде, анда депутат модератор ролендә чыгыш ясады. Фикер алышу кысаларында экспертлар, мәгариф оешмалары һәм тармак структуралары вәкилләре фармацевтика белем бирүнең проблемалары һәм мөмкинлекләре, уку программаларын базар таләпләре белән якынайту һәм кадрлар әзерләүнең сыйфатын арттыру турында фикерләре белән уртаклаштылар. Конференция тәҗрибә уртаклашу һәм фармацевтика тармагының актуаль мәсьәләләре буенча фикер алышу мәйданчыгына әверелде.

2 июньдә Дәүләт Советы депутаты Дмитрий Анисимов «Бердәм Россия» партиясе Рәисе Дмитрий Медведевның төбәк иҗтимагый кабул итү бүлмәсендә гражданнарны кабул итте. Кабул итү барышында депутатка күпфатирлы йортларда гомуми мөлкәтне капиталь ремонтлауга кертемнәрне түләү чыгымнарын компенсацияләү, торак-коммуналь хезмәтләр өчен түләүгә ташламалар һәм субсидияләр бирү, күпфатирлы йортларга капиталь ремонт ясау, шлагбаум кую мәсьәләләре буенча мөрәҗәгатьләр килде.

Кайбер сораулар буенча Дмитрий Анисимов профильле министрлыкларга һәм ведомстволарга алга таба карау өчен мөрәҗәгать итте, кайберләренә җаваплар табылды, калганнары контрольгә алынды. 

2 июньдә Законлылык һәм хокук тәртибе комитеты рәисе урынбасары, Россия Герое Рәсим Баксиков Аксубай районына эш сәфәре барышында «Хыял» һәм «Кайгырту» социаль приютларында булды. Депутат социаль учреждениеләрдә тәрбияләнүчеләр белән аралашты һәм иҗат өчен җыелмалар, конструкторлар һәм номерлар буенча рәсем ясау өчен картиналар бүләк итте.

1 июньдә Мәгариф, мәдәният, фән һәм милли мәсьәләләр комитеты рәисе Айрат Зарипов һәм Дәүләт Советы депутаты Ренат Вәлиуллин «Семык» Республика мари мәдәнияте бәйрәмендә катнаштылар. Быел бәйрәмгә Татарстанның төрле районнарыннан, шулай ук Марий Эл, Башкортостан һәм Удмуртия республикаларыннан  биш меңнән артык кеше килгән иде. Бәйрәм аланында үзенчәлекле стильдә бизәлгән ярминкә йортлары урнаштырылган, анда мариларның мәдәнияте белән танышырга һәм халык кәсепләренең авторлык эшләнмәләрен күрергә мөмкин булган.

25 майда Икътисад, инвестицияләр һәм эшмәкәрлек комитеты рәисе урынбасары Ринат Гайзатуллин эш сәфәре белән Буа районына килде, анда мелиораторлар катнашында төзелгән социаль объектларда булды. Моннан тыш, депутат җиләк-җимеш культуралары үстерү буенча махсуслашкан крестьян-фермер хуҗалыгында һәм Бик-Үти авылында Дәүләтшиннар фермерларының алма бакчасында булды. Ринат Гайзатуллин авыл хуҗалыгы җирләрен карап чыкты һәм республика Рәисе Рөстәм Миңнехановның җирле фермерлар белән очрашуында катнашты, анда агросәнәгать комплексын үстерү һәм тармакка инвестицияләр җәлеп итү мәсьәләләре турында фикер алыштылар. Фермерлар яшелчәчелеккә ярдәм итү программасын гамәлгә кертү мөмкинлеген карауны сорап мөрәҗәгать иттеләр.

23-24 май көннәрендә Социаль сәясәт комитеты рәисе Светлана Захарова Яр Чаллыга эш сәфәре кысаларында 29 нчы һәм 54 нче гимназияләрдә булды, чыгарылыш укучыларын мәктәпне тәмамлау белән котлады, имтиханнарны уңышлы тапшыруларын теләде.

24 майда Бюджет, салымнар һәм финанс комитеты рәисе урынбасары Камил Нугаев Әтнә мәктәбенең тантаналы линейкасында катнашты һәм чыгарылыш сыйныф укучыларын, ата-аналарны, педагогларны соңгы кыңгыраулары белән котлады, имтиханнарны уңышлы тапшыруларын һәм сайланган уку йортларына керүләрен теләде. Халыкара балаларны яклау көне кысаларында депутат Кубян авыл җирлегендә яшәүче күп балалы гаиләләрдәге балаларны котлады, аларга бүләкләр тапшырды.

23 майда Икътисад, инвестицияләр һәм эшкуарлык комитеты рәисе Рәгать Хөсәенов Лениногорск муниципаль районы һәм Лениногорск шәһәре Советларының Лениногорск шәһәренең 70 еллыгын һәм «Лениногорскнефть» нефть – газ табу идарәсенең 80 еллыгын бәйрәм итүгә әзерлек белән бәйле утырышында катнашты. Утырыш барышында алда торган бәйрәм чараларын һәм төрле акцияләрне уздыру планы турында җентекләп фикер алыштылар. Куркынычсызлык мәсьәләләренә аерым игътибар бирелде.