Яңалыклар

Бүген ТР Дәүләт Советының «Татарстан-яңа гасыр»  депутатлар төркеме әгъзалары «Бүгенге көннең патриоты» темасына күчмә утырыш үткәрделәр, анда патриотик тәрбия мәсьәләләре һәм аның шәхес формалашудагы роле турында фикер алыштылар. Түгәрәк өстәл Казанның Левченко бистәсендәге «Полимер» мәдәният йортында узды.

Дәүләт Советы депутатларының округларда эше дәвам итә. Узган атнада парламентарийлар гражданнарны кабул иттеләр, муниципаль районнарда социаль чараларда һәм акцияләрдә катнаштылар, шулай ук республикада авыл хуҗалыгы эшләренең барышы белән таныштылар.

Казанлыларның яраткан ял итү урыны булган Аккош күле яры бүген башкала Сабантуен – татар халкының борынгы бәйрәмен үткәрә торган  мәйданчыкларының берсенә әверелде, ул мәйданга республикада яшәүче барлык милләт вәкилләрен, төрле яшьтәге һәм төрле дин тотучы кешеләрне  җыйды. «Сабан бәйрәме»ндә катнашучыларны һәм кунакларны Татарстан Республикасы Рәисеннән, республика җитәкчелеге исеменнән Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин сәламләде.

Татарстан Дәүләт Советы Рәисе, Татарстан Республикасы халыклары Ассамблеясе Советы рәисе Фәрит Мөхәммәтшин республика халкын бу катлаулы вакытта Россия Президенты Владимир Путин тирәсендә берләшергә чакырды.

Бүген Чүпрәле районында Дәүләт Советы Рәисе урынбасары, ТР каршындагы татар телен һәм туган телләрен саклау, үстерү мәсьәләләре буенча комиссия рәисе Марат Әхмәтов җитәкчелегендә, туган телләрне саклау һәм үстерү мәсьәләләре буенча зона семинар-киңәшмәсе узды.

Бүген Татарстанга эш сәфәре кысаларында Дәүләт Думасының Гаилә, хатын-кызлар һәм балалар мәсьәләләре комитеты әгъзалары ТР Дәүләт Советының Социаль сәясәт комитеты белән берлектә Казанның социаль инфраструктура объектларында – «Игелекле Казан» коммерциячел булмаган оешмасында, «Ышаныч» балаларга һәм яшьләргә психологик-педагогик ярдәм үзәгендә, инклюзив ял үзәгендә һәм башка учреждениеләрдә булдылар.

Бүген Дәүләт Советы Рәисе Фәрит Мөхәммәтшин республика парламентында РФ ФС Дәүләт Думасының Гаилә, хатын-кызлар һәм балалар мәсьәләләре комитеты рәисе Нина Останина һәм дума комитеты әгъзалары Татьяна Буцкая, Елена Вторыгина, Ольга Коробова һәм Татьяна Ларионова белән очрашты. Очрашуда шулай ук Дәүләт Советының Социаль сәясәт комитеты рәисе Светлана Захарова катнашты.

Бүген Питрәч районында Дәүләт Советы Президиумының күчмә утырышы узды, анда депутатлар, республиканың профильле министрлыклары һәм ведомстволары, иҗтимагый һәм яшьләр оешмалары вәкилләре республиканың яшь гражданнарын патриотик тәрбияләү мәсьәләләре буенча фикер алыштылар.

Бүген, Хәтер һәм кайгы көнендә, Дәүләт Советы Рәисе Фәрит Мөхәммәтшин, депутатлар һәм парламент Президиумы әгъзалары Советлар Союзы Герое Галимҗан Камали улы Камалиев бюстына чәчәкләр салдылар, шулай ук Питрәч районында митингта катнаштылар.

Бүген Дәүләт Советында «Татарстан халыкларының мәдәни мирасын һәм үзенчәлеген саклаучы ветераннар» республика бәйгесенә йомгак ясалды. Республика җитәкчелеге исеменнән конкурс лауреатларын Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин сәламләде. Парламент башлыгы шулай ук җиңүчеләргә бүләкләр тапшырды.