Яңалыклар

Бүген ТР Спорт министрлыгында ТР Волейбол федерациясенең хисап-сайлау конференциясе узды, анда Фәрит Мөхәммәтшин биш елга кабат федерация президенты итеп сайланды. Конференция эшендә Бөтенроссия волейбол федерациясе генераль секретаре Александр Яременко катнашты.

Бүген ТР Дәүләт Советы Рәисе Фәрит Мөхәммәтшин "Бердәм Россия" Бөтенроссия сәяси партиясенең Татарстан төбәк бүлеге башкарма комитетында авыл җирлегендә урнашкан почта элемтәсе бүлекчәләрен модернизацияләүнең партия проектын гамәлгә ашыру мәсьәләләре буенча киңәшмә үткәрде. Анда кайбер министрлыклар, муниципаль районнар һәм "Россия почтасы" АҖ "Татарстан почтасы" идарәсе җитәкчелеге вәкилләре катнашты.

Бүген Казанда Яз һәм Хезмәт бәйрәменә багышланган тантаналы чаралар уза. Җиңү паркында Татарстан профсоюзлары федерациясе тарафыннан традицион бәйрәм концерты оештырылды. ТР Дәүләт Советы Рәисе Фәрит Мөхәммәтшин Татарстан Президенты исеменнән, дәүләт һәм муниципаль хакимият органнары, кунаклар һәм чарада катнашучыларны язгы бәйрәмнәр белән котлады. Парламент башлыгы барысына да иминлек, тынычлык һәм татулык теләде.

Бүген республика парламенты Аппараты хезмәткәрләре Бөек Ватан сугышында Җиңүнең 77 еллыгына багышланган "Хәтер бакчасы" бөтенроссия акциясендә катнашты. Акция Иннополиста узды,  анда  үзәк аллеяда ике йөздән артык чыршы һәм нарат утыртылды.

Хөрмәтле татарстанлылар!

Сезне чын күңелдән Яз һәм Хезмәт бәйрәме белән котлыйм!

Майның беренче көне аеруча рухи күтәренкелек бирә, яшәү һәм эшләү теләге уята. Халкыбызның инде менә дистәләгән еллар дәвамында яраткан бәйрәменең үзгәрмәс асылы – Ватаныбыз хакына намуслы эшләүче Хезмәт Кешесен, чын Ватанпәрвәрне ихтирам итү. Ул, республиканың һәм илнең алгарышлы социаль-икътисадый үсешен тәэмин итеп, үз белемнәрен һәм тормыш тәҗрибәсен үсеп килүче буыннарга тапшыра.

Казанда ветераннар арасында үзешчән башкаручыларның җиденче «Балкыш» республика фестиваленең гала-концерты узды. Быел әлеге фестиваль Татарстан ветераннар (пенсионерлар) оешмасы оешуга 35 ел тулуга багышланган иде. Шулай ук быел «Балкыш» оешканга да 10 ел тулды. Фестивальдә катнашучыларны Татарстан Дәүләт Советы Рәисе Фәрит Мөхәммәтшин сәламләде.

Бүген Дәүләт Советы Рәисе Фәрит Мөхәммәтшин Татарстан территориясендә үз эшчәнлеген алып баручы иҗтимагый оешмалар (волонтерлык хәрәкәтләре, ирекле һәм иҗади берлекләр, авыр тормыш хәлендә калган гражданнарга медицина һәм мәгариф, мәдәният һәм социаль ярдәм өлкәсендә социаль әһәмиятле проектларны гамәлгә ашыручы оешмалар һ.б.) җитәкчеләре белән очрашты. Очрашуда дәүләт хакимияте органнарының иҗтимагый  һәм коммерциягә карамаган оешмалар белән үзара хезмәттәшлегенең нәтиҗәлелеген арттыру мәсьәләләре каралды.

Күп конфессияле, күп телле һәм күп милләтле илдә мондый очрашулар чын мәгънәсендә вакыйга булып тора. Кичә Дәүләт Советы Рәисе Фәрит Мөхәммәтшин Мәскәүдә узган ифтар мәҗлесендә шулай дип белдерде. Ифтар мәҗлесе “Рамазан чатыры” мәдәни-хәйрия проекты кысаларында оештырылды. Биредә Татарстан кичәсе узды.

Бүген Дәүләт Советында матбугат конференциясе узды, аны КПРФ парламент фракциясе әгъзалары уздырды. Парламентарийлар Дәүләт Советының утыз беренче утырышы нәтиҗәләре турында фикер алыштылар, фракция эшендәге закон проектлары турында сөйләделәр. Журналистларның сорауларына фракция җитәкчесе Хафиз Миргалимов һәм депутат Александр Комисаров җавап бирде.

Бүген Дәүләт Советында «Парламент дәресе - 2022» кысаларында оештырылган балалар рәсемнәре, сочинениеләр һәм эсселар, мәктәп проектлары һәм видеороликлар, социаль челтәрләрдә медиаконтентлар буенча бәйгеләрдә җиңүчеләрне бүләкләү тантанасы булды. Республиканың төрле шәһәр һәм районнарыннан килгән җиңүчеләрне ТР Дәүләт Советы Рәисе Фәрит Мөхәммәтшин котлады.