Дәүләт Советында парламент дебатлары узды

2022 елның 3 декабре, шимбә, 13:06

Бүген Дәүләт Советында 35 яшькә кадәрге яшь парламентарийлар катнашында парламент дебатлары ачылды. «Парламент дебатлары» проектының инициаторы – Татарстан Республикасы Дәүләт Советы каршындагы Яшьләр парламенты.

Жюри составына Социаль сәясәт комитеты рәисе урынбасары Светлана Вострикова керде.

Парламент дебатларында республиканың югары уку йортларыннан һәм махсус урта уку йортларыннан 36 команда катнашты. Дискуссия өчен «Гаилә белеме мәктәптән яхшырак», «Катгый видеоуеннарны тыярга кирәк», «Барлык укучыларга да эшмәкәрлек нигезләрен  бирергә кирәк», «Пластик савыт-саба куллануны тыярга кирәк», «18 яшькә кадәр балаларга татуировка бары тик ата-аналарның язма рөхсәте буенча гына эшләнергә тиеш» дигән темалар тәкъдим ителде.

Җиңүчеләргә бүләкләрне Дәүләт Советы депутаты Римма Ратникова һәм ТР яшьләр эшләре министры Тимур Сөләйманов тапшырды.

Все материалы сайта доступны по лицензии:
Creative Commons Attribution 4.0 International