Бүген Муса Җәлил исемендәге Татар дәүләт академия опера һәм балет театрында «Ел хатын-кызы. Ел ир-егете: хатын-кыз карашы» бәйгесенә йомгак ясалды. Бүләкләрне лауреатларга республика Дәүләт Советы Рәисе урынбасары Марат Әхмәтов тапшырды..

«Хатын-кызлар көн саен һәм сәгать саен игътибарга, мәхәббәткә һәм рәхмәткә лаек. Хатын-кызның мондый мөнәсәбәткә лаек булуын ир-атларга искәртү өчен 8 Март бәйрәме уйлап табылгандыр, мөгаен», - дип белдерде ул.

Марат Әхмәтов шулай ук хатын-кызларның җәмгыятьнең рухи нигезе булуын билгеләп үтте. Соңгы 30 елда Россиядә кыйммәтләргә җитди бәя бирелде. «Сезнең яшәү рәвешегез бүген җәмгыятьне әхлакый тәрбияләү өчен аеруча мөһим. Без яңа рухи дәрәҗәгә ирешү өчен үзебезне яңадан тәрбиялибез һәм бу өлкәдә сезнең роль бәяләп бетергесез», – дип өстәде Татарстан Дәүләт Советы Рәисе урынбасары.

Конкурс үзе 10 номинация буенча узды: "Хатын-кыз - ана», «Хатын-кыз – мәдәният һәм рухилык», «Хаты- кыз – галим», «Минем язмышым - минем һөнәрем», «Хатын-кыз – лидер», «Хатын-кыз - бизнес-леди», «Өлкән яшьтәге героиня», «Хатын-кыз - ел үрнәге», «Ир-егет - лидер», "Ир-егет - асыл йөрәк".

Татарстан вице-премьеры Ләйлә Фазлыева барлык катнашучыларны якынлашып килүче Халыкара хатын-кызлар көне белән котлады һәм конкурсның алга таба да уңышлы эшләвен теләде. «Мин «Ел ир-егете: хатын-кыз карашы» номинациясендә бүләкләр тапшыруыма бәхетлемен», - диде Ләйлә Фазлыева.

Ул бүгенге көндә батырлыкның ренессансы турында Россиянең төрле милләтләренә хас сыйфат буларак сөйләргә мөмкин, дип өстәде. «Хатын-кыз кыю була алмый, әмма бу сыйфат бүген безнең барлык ир-егетләрне да характерлый», - диде ТР вице-премьеры.