Татарстанда пенсионерның яшәү минимумы күләме арта

2020 елның 29 октябре, пәнҗешәмбе, 14:15

Бүген парламентарийлар «Пенсиягә федераль социаль өстәмә күләмен билгеләү өчен 2021 елга Татарстан Республикасында пенсионерның яшәү минимумы күләмен билгеләү турында» Татарстан Республикасы Законының 1 статьясына үзгәреш кертү хакында» Татарстан Республикасы законы проектын карады. Закон проекты федераль кануннар нигезендә эшләнгән.

Татарстан Республикасының Хезмәт, халыкны эш белән тәэмин итү һәм социаль яклау министры Эльмира Зарипова, закон проектын тәкъдим итеп, сентябрь аенда ТР Дәүләт Советы тарафыннан "Пенсиягә федераль социаль өстәмә күләмен билгеләү өчен Татарстан Республикасында 2021 елга пенсионерның яшәү минимумы күләмен билгеләү турында" ТР законы кабул ителүен, аның белән республикада 2021 елга пенсионерның яшәү минимумы 8 232 сум күләмендә билгеләнгән булуын искә төшерде.

Әмма ил бюджетын әзерләгәндә пенсионерның яшәү минимумы күләме үзгәртелүгә һәм 10 022 сум күләмендә билгеләнүгә бәйле рәвештә үзгәреш кертү зарурлыгы туган. Бу күрсәткеч формула составына керә, аның буенча субъектка социаль өстәмә түләү билгеләү өчен яшәү минимумы күләме исәпләнә, Татарстанда пенсионерның яшәү минимумы 2021 елга артачак һәм 8 423 сум тәшкил итәчәк.

Парламентарийлар әлеге закон проектын хуплады.

Тэги: Алтынчы чакырылыш Дәүләт Советының уналтынчы утырышы
Татарстан Республикасы Дәүләт Советы матбугат хезмәте
Фоторепортаж
Фоторепортаж
Дәүләт Советы турында
Состав һәм структура
Эшчәнлек
Документлар
Матбугат хезмәте
Гражданнарга
Адрес: 420060, Татарстан Республикасы, Казан шәһәре, Ирек мәйданы, 1 нче йорт, Татарстан Республикасы Дәүләт Советы
Телефон: +7 (843) 267-63-94
Факс: +7 (843) 267-64-89
E-Mail: gossovet.rt@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International