Бүген "Сәйдәш" мәдәни үзәгендә "Бердәм Россия" партиясенең Төбәк сәяси советы президиумы утырышы узды, анда "Бердәм Россия" фракциясенең парламентта һәм партия башкарма комитетының 2020 елда башкарган эшләренә йомгак ясалды. Фракция эшчәнлеген бәяләп, ТР Дәүләт Советы Рәисе, "Бердәм Россия" партиясенең төбәк бүлеге Секретаре Фәрит Мөхәммәтшин чыгыш ясады.

Республика парламенты Рәисе урынбасары, фракция җитәкчесе Юрий Камалтынов Дәүләт Советында "Бердәм Россия" фракциясе эшчәнлеге турында хисап тотты. Аның сүзләренә караганда, 2020 елда ТАССРның 100 еллыгы һәм Бөек Ватан сугышында Җиңүнең 75 еллыгы уңаеннан юбилей чараларын уздыру фракция эшчәнлегенең төп юнәлешләре булып тора. 2020 елда фракциянең 8 утырышы үткәрелгән, анда 34 мәсьәлә каралган. Парламент каравына фракция һәм депутатлар тарафыннан 67 республика закон проекты кертелгән, Дәүләт Думасына 4 закон проекты әзерләнгән һәм кертелгән. 273 тапкыр сайлаучыларны кабул итү уздырылган,  аларда депутатлар меңгә якын кеше кабул иткән.

Президиум утырышында шулай ук республикада партия проектларын гамәлгә ашыру йомгаклары турында мәгълүмат, 2020 елда партия башкарма комитеты эше турында хисап, партиянең җирле бүлекчәләренең комплекслы тикшерүләре нәтиҗәләре һәм "Гражданнар инициативаларына ярдәм итү үзәге" партиясе тарафдарлары проекты турында мәгълүмат тыңланды.

Фәрит Мөхәммәтшин Татарстан Дәүләт Советында "Бердәм Россия" фракциясе эшен югары бәяләде. "Уңай булмаган санитар-эпидемиологик вәзгыять чорында безнең фракция социаль-икътисадый үсешнең барлык федераль һәм республика программаларын, партия проектларын гамәлгә ашыруга ярдәм итү буенча актив эшчәнлеген дәвам итте, - дип билгеләде парламент җитәкчесе. - Республика икътисадына һәм бюджетына пандемиянең сизелерлек тискәре йогынтысына карамастан, әлеге программаларның берсен дә төшереп калдырмадык. Бу программаларның кирәклеге һәм депутатларның аларны гамәлгә ашыру буенча  эшчәнлекнең нәтиҗәлелеге турында сөйли".

Фәрит Мөхәммәтшин әйтүенчә, кешеләр үз округларында "Бердәм Россия" вәкилләре үткәрә торган урыннарда реаль эшне күрәләр һәм бәялиләр. Парламентарийларның җирле советлар белән нәтиҗәле бәйләнешен билгеләп, ул фракция әгъзаларының игътибарын партиянең төбәк бүлеге һәм парламенттагы фракция эшчәнлеген яктырту буенча эшне көчәйтү зарурлыгына юнәлтте.

Фәрит Мөхәммәтшин 2020 елда партиянең төбәк бүлеге башкарма комитеты эшен югары бәяләде һәм Татарстан Республикасы Дәүләт Думасы депутатларын сайлау буенча компаниянең федераль парламентта вәкиллекне саклап лаеклы уздырачагына ышаныч белдерде.

Аннары партиянең төбәк бүлеге җитәкчесе партия үткәргән бәйгеләрдә һәм проектларында җиңүчеләргә һәм җирле бүлекләрнең аеруча актив активистларына дипломнар, шулай ук партиянең яңа әгъзаларына партия билетлары тапшырды.