Яңалыклар

Бүген Дәүләт Советы утырышында үз территориясендә башка республика кешесенә фактта медицина ярдәме күрсәтелгән Россия Федерациясе субъектына аерым авырулар вакытында медицина ярдәме күрсәтүгә бәйле чыгымнарны каплауны күздә тоткан закон проекты беренче укылышта һәм тулаем кабул ителде. Шул ук вакытта федерация субъектлары арасында чыгымнарны каплау мәсьәләсен ике яклап җайга салу турында регионара килешүләр төзелергә тиеш.

2025 елга һәм 2026 һәм 2027 еллар план чорына Татарстан Республикасы Территориаль мәҗбүри медицина иминияте фонды бюджеты турында закон проекты беренче укылышта кабул ителде.

Бүген Дәүләт Советы утырышында Административ хокук бозулар турында республика кодексының 3.2 һәм 3.16 статьяларына үзгәрешләр кертү хакында закон проекты беренче укылышта һәм тулаем кабул ителде. Закон проекты урамда сатуны оештыру тәртибен бозган өчен административ җаваплылыкны көчәйтүне, шулай ук түләүле муниципаль парковкада транспорт чараларын урнаштырган өчен түләмәгән өчен штраф күләмен арттыруны күздә тота.

Бүген Дәүләт Советы утырышында автомобиль юллары һәм юл эшчәнлеге турындагы, шулай ук юл хәрәкәтен оештыру өлкәсендәге аерым мәсьәләләрне җайга салу турындагы республика законнарына үзгәрешләр кертү хакында закон проекты беренче укылышта һәм тулаем кабул ителде. Документ республика законнарын федераль законнарга туры китерү максатыннан эшләнгән.

2025 елга һәм 2026 һәм 2027 елларның план чорына Татарстан Республикасы бюджеты турындагы закон проекты бүген Дәүләт Советы утырышында беренче укылышта кабул ителде. Республиканың төп финанс законына төзәтмәләр 1 ноябрьгә кадәр кабул ителәчәк, аннары документ икенче укылышта каралачак.

Бүген сәгать унда җиденче чакырылыш Татарстан Республикасы Дәүләт Советының дүртенче утырышы ачылды. Утырыш эшендә Татарстан Республикасы Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Премьер-министры Алексей Песошин, РФ Дәүләт Думасы депутатлары һәм сенаторлар, Хөкүмәт әгъзалары, республика ведомстволары, муниципаль берәмлекләр җитәкчеләре катнаша. Утырышны Дәүләт Советы Рәисе Фәрит Мөхәммәтшин алып бара.

Бүген Дәүләт Советында "Бердәм Россия" фракциясе һәм "Татарстан – Яңа гасыр" депутатлар төркеменең уртак утырышы булды, анда парламентарийлар "Татарстан Республикасында урманнарны саклау" региональ проектын гамәлгә ашыру мәсьәләләре турында фикер алыштылар, "Бердәм Россия" фракциясе составына үзгәрешләр керттеләр, бердәм республика сайлау округы буенча сайланган әгъзаларны сайлау округларына беркетүне расладылар, шулай ук "Бердәм Россия" фракциясе һәм "Татарстан - Яңа гасыр"депутатлар төркеме арасында хезмәттәшлек турында килешү төзеделәр. Утырышны «Бердәм Россия» фракциясе җитәкчесе Юрий Камалтынов үткәрде.

Бүген Дәүләт Советында КПРФ фракциясе утырышы узды, анда депутатлар парламентның дүртенче утырышының көн тәртибе һәм депутатлар берләшмәсенең Татарстан Республикасы Рәисенең Дәүләт Советына Юлламасы нигезләмәләрен гамәлгә ашыру буенча эш планы турында фикер алыштылар. Утырышны фракция җитәкчесе Хафиз Миргалимов алып барды.

Бүген Дәүләт Советында «Мин – Россия гражданины» дип исемләнгән тантана узды. Аның кысаларында 14 яше тулган яшүсмерләргә паспорт тапшырдылар. Чара «Алдынгылар хәрәкәте» Россия балалар һәм яшьләр хәрәкәтенең Казандагы бүлеге тәкъдиме белән үткәрелде. Татарстан укучыларына төп документны Татарстан Дәүләт Советының социаль сәясәт комитеты рәисе урынбасары Ольга Воронова тапшырды.

Муниципалитетларда Әтиләр көненә багышлап уздырылган чараларга махсус хәрби операциядә катнашучыларның гаиләләрен, хәрбиләрнең гаиләләрен чакырырга кирәк. «Бердәм Россия» партиясенең Татарстандагы төбәк бүлегендә узган селектор киңәшмәсендә Дәүләт Советы Рәисе, «Бердәм Россия»нең Татарстандагы төбәк бүлеге Секретаре Фәрит Мөхәммәтшин шул хакта белдерде. Утырышта Әтиләр көнен билгеләп үтүгә багышланган чараларны гамәлгә ашыру турында сүз барды. Моннан тыш бердәмроссиялеләр төбәк бүлекләренең бүгенге бурычлары буенча фикер алышты. Видеоэлемтә режимындагы киңәшмәне Партия генераль советы Секретаре урынбасары, Үзәк Башкарма комитеты җитәкчесе Александр Сидякин үткәрде.