Яңалыклар

Дәүләт Советы Рәисе Фәрит Мөхәммәтшин күренекле хезмәт алдынгыларына, фән һәм мәдәният эшлеклеләренә, иң яхшы табибларга һәм педагогларга, иҗади һәм фәнни-техник интеллигенция вәкилләренә, ветераннарга Россия Федерациясе һәм Татарстан Республикасы дәүләт бүләкләрен тапшырды. Бүген Казан Кремлендә узган тантаналы чарада 47 татарстанлы республика парламенты җитәкчесе кулыннан югары бүләк    алды.

Татарстан үзен тулысынча он, бәрәңге, яшелчәләр, сөт, ит, үсемлек мае һәм шикәр белән тәэмин итә. Республика шулай ук бәрәңге, сөт, шикәр чөгендере һәм шикәр комы җитештерү буенча да лидер булып тора, дип белдерде Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев.

Бүген Дәүләт Советы Рәисе, Татарстан халыклары ассамблеясе рәисе Фәрит Мөхәммәтшин республиканың милли-мәдәни берләшмәләре җитәкчеләре белән очрашты. Татарстан халыклары дуслыгы йортында узган очрашуда миграция сәясәтен гамәлгә ашыру, чит ил гражданнарын, шул исәптән чит ил хезмәткәрләрен һәм студентларын адаптацияләү һәм социализацияләү мәсьәләләре каралды. Түгәрәк өстәл эшендә Татарстан Республикасы Премьер-министры урынбасары Ләйлә Фазлыева, Татарстан Республикасы прокуроры Альберт Суяргулов катнашты.

Бүген Россиянең 25 төбәгендә, шул исәптән Татарстанда да, объектларны газ бүлү челтәрләренә тоташтыру тантанасы узды. Видеоэлемтә режимында чарада «Газпром» ГАҖ Идарәсе рәисе Алексей Миллер, Россия Федерациясе энергетика министры Сергей Цивилев, «Газпром межрегионгаз» ҖЧҖ генераль директоры Сергей Густов, Петербург халыкара газ форумында катнашучылар катнашты.

Бүген Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов Казанда сәнәгать һәм инженерлык технологияләре өлкәсендәге белгечләрне укытачак яңа алгарышлы һөнәри әзерлек үзәгендә булды. Аны Дәүләт Советының Социаль сәясәт комитеты рәисе Светлана Захарова һәм Россия Федерациясе Иҗтимагый палатасы әгъзасы Ольга Павлова озатып йөрде.

Дәүләт Думасы депутаты, РФ ФС Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов һәм Дәүләт Советы депутаты Эдуард Шәрәфиев махсус хәрби операциядә катнашучы, 4 нче укчы рота командирының хәрби-сәяси эшләр буенча урынбасары Тимур Садриев белән очраштылар. Очрашу республика парламентында узды.

Бүген Дәүләт Советы Рәисе Фәрит Мөхәммәтшин РФ ФС Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов белән очрашты. Очрашу республика парламентында узды.

Дәүләт Советы Дәүләт думасына административ хокук бозулар турында РФ Кодексына үзгәрешләр кертү турында канун тәкъдиме белән мөрәҗәгать итәчәк. Мондый карар бүген Дәүләт Советы утырышында кабул ителде. Закон инициативасы Россия Федерациясеннән читтә кылынган һәм Россия Федерациясенә каршы административ хокук бозган өчен җәза билгеләүне күздә тота.

Евгения Коцарь Татарстан Республикасы Иҗтимагый палатасы әгъзасы булды. Аның кандидатурасын парламентарийлар Дәүләт Советының дүртенче утырышында расладылар.

Бүген Дәүләт Советының дүртенче утырышында депутатлар хөкүмәт сәгате  кысаларында хокукый ярдәм күрсәтү максатларында Татарстан Республикасы юстиция министрлыгының җирле үзидарә органнары белән үзара хезмәттәшлеген оештыру турында мәгълүмат тыңлады. Доклад белән Татарстанның юстиция министры Рөстәм Заһидуллин чыгыш ясады.