Яңалыклар

Хөрмәтле татарстанлылар! Сезне ихлас күңелдән Татарстан Республикасы Дәүләт гербы көне – төрле милләттә һәм диндә булган кешеләрне Татарстанның күпгасырлык тарихын ихтирам итүдә, республиканың бүгенге казанышларын саклауга һәм арттыруга уртак омтылышта берләштерә торган бәйрәм белән котлыйм.

Дәүләт Советы депутатларының округларда актив эше дәвам итә. Атна дәвамында парламентарийлар авыл җирлекләрендә гражданнар җыеннарында булдылар, 1 февральдә республиканың барлык гомуми белем бирү мәктәпләрендә старт алган “Парламент дәресе”ндә катнаштылар, шулай ук гражданнарны кабул иттеләр.

Бүген Мәскәүдә "Бердәм Россия" партиясе Генераль советының Халыкара хезмәттәшлек һәм чит илләрдә ватандашларга ярдәм итү комиссиясе утырышы узды. Аның эшендә видеоконференция режимында ТР Дәүләт Советы Рәисе, партиянең республика бүлеге Секретаре Фәрит Мөхәммәтшин катнашты.

Бүген Нурлат районының хисап сессиясендә 2022 елдагы эшкә йомгак ясалды. Утырышта ТР Дәүләт Советы Рәисе Фәрит Мөхәммәтшин катнашты. Моннан тыш, эш сәфәре кысаларында парламент башлыгы Нурлат шәһәренең 1нче мәктәбендә булды, анда педагоглар һәм укучылар белән аралашты.

Бүген ТР Дәүләт Советы Рәисе Фәрит Мөхәммәтшин республиканың көньяк районнарында эш сәфәрендә. Көннең беренче яртысында ул Аксубай районында булды, анда капиталь ремонттан соң ачылган үзәк район хастаханәсен карады, медицина хезмәткәрләре һәм пациентлар белән аралашты, шулай ук район советының хисап сессиясендә катнашты.

Бүген Казанда Идел буе федераль округы хатын-кыз депутатларының стратегик сессиясенә йомгак ясалды, аның кысаларында берничә ай дәвамында Татарстан Дәүләт Советы һәм Идел буе федераль округы төбәкләренең закон чыгару җыелышлары депутатлары "Бердәм Россия" партиясенең "Халык программасын" гамәлгә ашыру буенча тәкъдимнәр турында фикер алыштылар. Гомумән алганда, 110 инициатива эшләнгән. Утырыш видеоконференция режимында узды. Дәүләт Советы Рәисе Фәрит Мөхәммәтшин депутатларга сәламләү сүзе белән мөрәҗәгать итте.

Бүген ТР Дәүләт Советы Рәисе Фәрит Мөхәммәтшин парламентның эксперт советлары рәисләре һәм комитет җитәкчеләре белән очрашты. Фәрит Мөхәммәтшин республиканың эксперт бергәлеге алдына закон чыгару эшчәнлегенең нәтиҗәлелеген арттыру, эксперт советларының һәм комитетларының уртак эшен активлаштыру бурычнын куйды.

Рөстәм Фәйрушин Югары Ослан районы башкарма комитеты җитәкчесе итеп сайланды. Бүген район советы сессиясендә шундый карар кабул ителде. Утырышта Дәүләт Советы Секретаре Лилия Маврина катнашты.

Ике атна дәвамында, 1-18 февраль көннәрендә Татарстанның барлык мәктәпләрендә республикада игълан ителгән милли мәдәниятләр һәм традицияләр елына багышланган «Без - Россия гражданнары» дип аталган парламент дәресләре узачак. Бүген Дәүләт Советында шәһәр һәм район мәгариф бүлекләре җитәкчеләре, тарих, җәмгыять һәм хокук белеме укытучылары,  методик берләшмәләр җитәкчеләре өчен семинар узды, анда Парламент дәресе-2023кә старт бирелде. Педагоглар белән Дәүләт Советы Рәисе Фәрит Мөхәммәтшин очрашты.

«Бердәм Россия» партия проектларын нәтиҗәле һәм вакытында гамәлгә ашыру өчен урыннардагы хакимият органнары белән тыгыз элемтәдә булуны активлаштырырга кирәк. Казанда узган “Бердәм Россия” партиясенең Татарстан төбәк сәяси советы президиумы утырышында катнашучылар шундый нәтиҗәгә килде.