Яңалыклар

Бүген Дәүләт корылышы һәм җирле үзидарә комитеты утырышында 2021 елда башкарма хакимият органнары эшчәнлеге турында хисап каралды. Шулай итеп, Дәүләт Советында Хөкүмәтнең елга эшенә йомгаклар ясала торган төп документ буенча киң фикер алышу дәвам итә.

Бүген Дәүләт Советында Торак сәясәте һәм инфраструктура үсеше комитетының һәм комитет каршындагы Эксперт советының уртак утырышы булды. Парламентарийлар Татарстан Республикасы Хөкүмәтенең 2021 елдагы эшчәнлеге нәтиҗәләре турында хисап тыңладылар, берничә закон проектын карадылар. Утырыш эшендә Дәүләт Советы Рәисе урынбасары Юрий Камалтынов катнашты.

Бүген Дәүләт Советында Экология, табигатьтән файдалану, агросәнәгать һәм азык-төлек сәясәте комитеты утырышы узды, анда парламентарийлар Татарстан Республикасы Экология кодексына һәм авыл хуҗалыгы билгеләнешендәге җирләрнең уңдырышлылыгы турында республика законына үзгәрешләр кертү турында закон проектлары, шулай ук кайбер федераль закон проектлары турында фикер алыштылар. Моннан тыш, комитет әгъзалары Татарстан Президенты тәкъдим иткән башкарма хакимият органнарының 2021 елда эшчәнлеге турында хисапны карадылар.

Законлылык һәм хокук тәртибе комитетының бүгенге утырышында депутатлар Татарстан Республикасы башкарма хакимияте органнарының 2021 елдагы эшчәнлеге турында хисап тыңладылар, контроль мәсьәләләрне һәм кайбер закон проектларын карадылар. Комитет утырышында Дәүләт Советы Рәисе урынбасары Юрий Камалтынов катнашты

Дәүләт Советы депутатлары Татарстан Республикасы дәүләт хакимияте башкарма органнарының 2021 елдагы эшчәнлеге турында хисап хакында фикер алышуга керештеләр. Һәр комитет парламентка Татарстан Президенты тарафыннан кертелгән документны үз юнәлешләре буенча карый. Бүген ул Социаль сәясәт комитеты утырышында тәкъдим ителде. Утырыш эшендә Дәүләт Советы Рәисе урынбасары Юрий Камалтынов, Дәүләт Советы Секретаре Лилия Маврина, профильле министрлыклар һәм ведомстволар, эксперт җәмгыяте вәкилләре катнашты.

Бүген Казан дәүләт медицина университетында «Сәламәт бул» бөтенроссия акциясе кысаларында «Медицинада ирекле ярдәм» дигән темага түгәрәк өстәл узды. Аның эшендә Социаль сәясәт комитеты рәисе Светлана Захарова, Дәүләт Советы депутаты, КГМУ ректоры Алексей Созинов, РКБның баш табибы Рафаэль Шавәлиев, медицина җәмәгатьчелеге вәкилләре, волонтерлар катнашты.

Бүген Дәүләт Советының Социаль сәясәт комитеты Мәгариф, мәдәният, фән һәм милли мәсьәләләр комитеты белән берлектә «2030 елга кадәр Россия Федерациясендә балалар-яшүсмерләр спортын үстерү концепциясен гамәлгә ашыру турында» түгәрәк өстәл үткәрде. Утырыш эшендә шулай ук республиканың профильле министрлыклары, җирле үзидарә органнары һәм спорт мәктәпләре директорлары катнашты.

Дәүләт Советы депутатларының округларда эше дәвам итә. Бу атнада парламентарийлар гражданнарны кабул иттеләр, шәһәр һәм авыл җирлекләрендә яшәүчеләр белән очраштылар, соңгы сайлау кампанияләре барышында гражданнардан килгән наказларны үтәү мәсьәләләре буенча фикер алыштылар, шулай ук хәйрия акцияләрендә катнаштылар. 

Бүген Казанда "Авторетроклуб-21" тарихи техниканы яратучылар клубының гомуми җыелышы узды, анда автоһәвәскәрләр узган елга нәтиҗә ясадылар һәм яңа автосезонга планнар турында фикер алыштылар. Моннан тыш, клуб әгъзалары идарә составын яңарттылар һәм берничә оештыру мәсьәләләрен хәл иттеләр. «Авторетроклуб-21» президенты итеп кабаттан Дәүләт Советы Рәисе Фәрит Мөхәммәтшин сайланды.

Бүген Дәүләт Советында КФУ каршындагы Дәүләт һәм муниципаль идарә югары мәктәбе укучылары өчен «Яшь дәүләт хезмәткәре» квалификациясен күтәрү программасы кысаларында семинар узды. Семинарны Дәүләт Советы депутаты Римма Ратникова үткәрде.