Яңалыклар

Бүген Дәүләт Советында "Татарстан АССРның һәм Совет халкының Бөек Ватан сугышында Җиңүгә керткән өлеше. Тарихи дөреслек һәм герой-якташлар истәлеген саклау"» дип аталган конференция узды. Ул   Дәүләт Советында КПРФ фракциясе әгъзалары тәкъдиме белән үткәрелде.  Чарада КПРФ фракциясе җитәкчесе Хафиз Миргалимов, Дәүләт Думасы депутаты Артем Прокофьев, Дәүләт Советы депутатлары, ветераннар оешмалары вәкилләре, галимнәр, туган якны өйрәнүчеләр, мәдәният һәм мәгариф хезмәткәрләре, педагог-тарихчылар, студентлар катнашты.

Бердәм тавыш бирү көнендә – 14 сентябрьдә Татарстан Рәисен сайлау планлаштырыла. Бүген Дәүләт Советының Дәүләт төзелеше һәм җирле үзидарә комитеты утырышында сайлау билгеләү турында карар проектын хупладылар. Карар парламентның якындагы утырышында кабул ителәчәк.

 

Бүген Түбән Камада, «Сибур» компаниясенең «Түбән Кама Нефтехим» предприятиесе базасында Икътисад, инвестицияләр һәм эшкуарлык комитетының күчмә утырышы узды, анда парламентарийлар республикада моношәһәрләргә дәүләт ярдәме мәсьәләләре турында фикер алыштылар, шулай ук дәүләт мөлкәтен хосусыйлаштыру турындагы республика канунына үзгәрешләр кертү турында закон проектын карадылар. Утырыш эшендә Дәүләт Советы Рәисе урынбасары Марат Әхмәтов катнашты.

Төбәкләр аша халыкара хезмәттәшлеккә. «Бердәм Россия» партиясе генераль советының Халыкара хезмәттәшлек һәм чит илдәге ватандашларга ярдәм комиссиясе утырышында халыкара төбәкара элемтәләрне үстерү мәсьәләләре турында фикер алыштылар.

Россия Герое, Законлылык һәм хокук тәртибе комитеты рәисе урынбасары Рәсим Баксиков Донецк Халык Республикасыннан «Ватанны саклаучылар» дәүләт фондының хәрби хәрәкәтләр ветераннары делегациясе составында эш визиты белән Еврей автономияле өлкәсенә барды, анда ул Донецк Халык Республикасы башлыгы администрациясе ярдәме белән, “Ватанны саклаучылар”  фонды филиалы тәкъдиме белән оешкан «Сәлам, Россия!” проектында катнаша.

Бүген Дәүләт Советында мәктәп укучыларының хокукый белемен арттыруга һәм гражданлык позициясен формалаштыруга юнәлдерелгән "Бердәм Россия" "Университет юридик хокукый сыйныфы" республика проектына тантаналы йомгак ясалды. Проектта катнашучыларга сертификатларны Социаль сәясәт комитеты рәисе урынбасары, "Бердәм Россия" Бөтенроссия сәяси партиясенең Татарстан төбәк бүлеге секретаре урынбасары Ольга Воронова һәм "Мәрхәмәт – Милосердие" депутатлар берләшмәсе җитәкчесе, Россия кооперация университеты ректоры Алсу Нәбиева тапшырды.

Бүген Казанда көн дәвамында мәгариф мәсьәләләре һәм балаларның җәйге ялын оештыруга багышланган «Хатын-кыз игътибары» кайнар линиясе эшләде. Балалар бакчаларына, мәктәпләргә, урта махсус һәм югары уку йортларына, җәйге ял оешмаларына балаларны кабул итү тәртибе, имтихан һәм кабул итү кампанияләренең башлануы турындагы халык сорауларына «Мәрхәмәт-Милосердие» хатын – кыз депутатлар берләшмәсе җитәкчесе Алсу Нәбиева, Дәүләт Советы Секретаре Лилия Маврина, парламент депутатлары Светлана Захарова, Ирина Терентьева, Ольга Воронова, Рузилә Тимергалиева, Ләлә Кәдермәтова, Рима Мөхәммәтшина, Алсу Надршина, Татарстан Республикасында Кеше хокуклары буенча вәкаләтле вәкил аппараты хезмәткәрләре, тармак министрлыклары һәм ведомстволары вәкилләре җивап бирде.

Дәүләт Советы Рәисе Фәрит Мөхәммәтшин Бөгелмә районы Советының чираттан тыш утырышында катнашты. Ул район депутатларына Бөгелмә районы Башкарма комитеты җитәкчесе вазифаларын Дамир Фәттаховка  йөкләү турында тәкъдим ясады.

Бүген Дәүләт Советында Законлылык һәм хокук тәртибе комитеты һәм Комитет каршындагы Эксперт советының уртак утырышы булды, анда депутатлар су объектларында кешеләрнең куркынычсызлыгы мәсьәләләре буенча фикер алышты. Моннан тыш, парламентарийлар административ хокук бозулар турында ТР Кодексына һәм Татарстан Республикасында гражданнарга түләүсез юридик ярдәм күрсәтү хакында  республика законына үзгәрешләр кертүгә кагылышлы закон проектларын карадылар. Утырыш эшендә ТР Рәисе ярдәмчесе, ТР Рәисенең Дәүләт Советындагы тулы вәкаләтле вәкиле Тимур Нагуманов катнашты.

Бүген, Татарстан АССР төзелү турындагы декретка кул куелган тарихи көндә, Республика Дәүләт Советы депутатлары Казандагы Арча һәм Яңа татар зиратларында булдылар, Татарстанның үсеш тарихында якты эз калдырган күренекле шәхесләрнең каберләренә чәчәкләр салдылар. Дәүләт Советы Рәисе урынбасары Юрий Камалтынов, Дәүләт Советы Секретаре Лилия Маврина һәм депутатлар республика парламентының төрле чакырылыш җитәкчеләрен һәм депутатларын, шулай ук Хөкүмәт җитәкчеләрен, танылган галимнәрне, язучыларны, артистларны искә алдылар.