Яңалыклар

Бүген Казанда, «Ливадия-Татарстан» шифаханәсе территориясендә, «Россия көче» Бөтенроссия спорт марафонын гамәлгә ашыру кысаларында комплекс хезмәткәрләре һәм ял итүчеләр өчен спорт  һәм сулыш алу гимнастикасы узды. Марафонда катнашучыларны Дәүләт Советының Социаль сәясәт комитеты рәисе Светлана Захарова сәламләде.

6 июньдә Казанда РФ ФС Дәүләт Думасының мәдәният комитетының күчмә утырышы узды, анда депутатлар Россиядә региональ аспектны исәпкә алып этномәдәни төрлелекне саклап калу өчен хокукый һәм оештыру нигезләрен булдыру мәсьәләләрен карадылар. Аның эшендә Дәүләт Думасы депутатларыннан тыш РФ мәдәният министры урынбасары Андрей Малышев, ТР Премьер-министры урынбасары Ләйлә Фазлыева, ТР мәдәният министры Ирада Әюпова, ТР Дәүләт Советының Мәгариф, мәдәният, фән һәм милли мәсьәләләр комитеты җитәкчеләре Айрат Зарипов һәм Людмила Рыбакова, профильле министрлыклар һәм ведомстволар вәкилләре катнашты.

Бүген бөтен республика буенча рус теле көненә һәм шагыйрь Александр Пушкинның тууына 224 ел тулуга багышланган тантаналы чаралар уза. Казанда ТР Дәүләт Киңәшчесе Минтимер Шәймиев һәм ТР Дәүләт Советы Рәисе Фәрит Мөхәммәтшин шагыйрь һәйкәленә чәчәкләр салдылар. Шигърият көне Муса Җәлил исемендәге опера һәм балет театрында тантаналы концерт белән дәвам итте.

Партиянең Генераль советы Секретаре, Россия Федерациясе Федераль Җыены Федерация Советы Рәисенең беренче урынбасары Андрей Турчак хәбәр иткәнчә, "Бердәм Россия" дән төбәккә беренче 40 тонна азык-төлек, балалар ризыгы, беренче кирәк-ярак әйберләр һәм көнкүреш химиясе китерелгән.

ТР Дәүләт Советы 2022 ел йомгаклары буенча Россия төбәк парламентларының ачыклык рейтингында беренче урында тора. Мәгълүматлар төбәк закон чыгару органнарының Бөтенроссия бәйсез тикшеренүе барышында алынган, анда Россия Федерациясенең 85 төбәге өйрәнелгән.

Бүген Казанда көн дәвамында балаларның җәйге ялын оештыру һәм балалар бакчаларына һәм мәктәпләргә кабул итү мәсьәләләре буенча «Хатын-кыз игътибары» кайнар линиясе эшләде.

1 июньдә Рөстәм Миңнеханов Казан мэры Илсур Метшин,Казан һәм Татарстан митрополиты Кирилл һәм Татарстан мөфтие Камил хәзрәт Сәмигуллин белән бергә Республика балалар клиник хастаханәсе территориясендә булачак "Тыныч бакча" рухи комплексы нигезенә капсулалар салды. Православие гыйбадәтханәсен төзүдә хәйрия ярдәме күрсәтүчеләрнең берсе  – ТР Дәүләт Советы депутаты, "Гадел Россия - Хакыйкать өчен" партиясенең Татарстандагы төбәк бүлеге лидеры Альмир Михеев.

Алтынчы чакырылыш Дәүләт Советының кырык дүртенче утырышы 8 июньдә узачак. Мондый карар бүген парламент Президиумы утырышында кабул ителде.

Дәүләт Советы Рәисе Фәрит Мөхәммәтшин бүген Пермь шәһәрендә узган Идел буе федераль округы субъектларының дәүләт хакимияте Закон чыгару (вәкиллекле) органнары ассоциациясе утырышында катнашты. Парламентарийлар берничә актуаль мәсьәләне, шул исәптән региональ сәнәгатькә яңа технологияләр кертүнең төп аспектларын, шулай ук авыл территорияләрен комплекслы үстерүгә ярдәм итү чараларын тикшерделәр.

Бүген парламент үзәгендә Халыкара балаларны яклау көненә багышланган балалар рәсемнәре күргәзмәсе ачылды.