Яңалыклар

Бүген Бюджет, салымнар һәм финанслар комитеты утырышында 2022 елда Татарстан Республикасы Министрлар Кабинеты эшчәнлеге нәтиҗәләре турындагы хисап каралды. Шулай итеп, Дәүләт Советында төп документ турында фикер алышу дәвам итә, анда Хөкүмәтнең еллык эшенә йомгак ясала.

Бүген Торак сәясәте һәм инфраструктура үсеше комитетының һәм комитет каршындагы Экспертлар советының уртак утырышы узды. Парламентарийлар 2022 елда ТР Хөкүмәте эшчәнлеге нәтиҗәләре турындагы хисапны тикшерделәр, автомобиль юлларында ремонт эшләре барышы турындагы мәгълүматны тыңладылар, шулай ук республика һәм федераль закон проектларын карадылар.

Бүген Идел буе дәүләт физик культура, спорт һәм туризм университеты базасында узган Икътисад, инвестицияләр һәм эшкуарлык комитетының күчмә утырышында республикада туристлык тармагын үстерү һәм яңа туристлык маршрутларын формалаштыру мәсьәләләре буенча фикер алыштылар. Моннан тыш, парламентарийлар ТР Министрлар Кабинетының 2022 елгы эшчәнлеге нәтиҗәләре турындагы хисапны, кече һәм урта эшкуарлыкны үстерү турындагы республика законына үзгәрешләр кертү турындагы закон проектын, шулай ук берничә федераль закон проектын карадылар.

Бүген Законлылык һәм хокук тәртибе комитеты утырышы узды, анда депутатлар Татарстан Республикасы башкарма хакимияте органнарының 2022 елдагы эшчәнлеге турында хисап тыңладылар, контроль мәсьәләләрне карадылар.

Дәүләт Советы депутатлары Татарстан Республикасы дәүләт хакимиятенең башкарма органнарының 2022 елдагы эшчәнлеге турында хисап хакында фикер алыша башладылар. Һәр комитет үзенең профильле юнәлешләре буенча Татарстан Рәисе тарафыннан парламентка кертелгән документны карый. Бүген документ Социаль сәясәт комитеты утырышында тәкъдим ителде. Утырыш эшендә Дәүләт Советы Рәисе урынбасары Юрий Камалтынов, тармак министрлыклары һәм ведомстволары, эксперт җәмгыяте вәкилләре катнашты.

Бүген Дәүләт Советы Рәисе урынбасары Марат Әхмәтов РФ Федераль Җыены Дәүләт Думасының Фән һәм югары белем комитеты рәисе Сергей Кабышев белән очрашты. Очрашу барышында илнең бердәм хокукый кыры кысаларында төбәк кануннарын чыгару мәсьәләләре буенча фикер алыштылар.

Дәүләт Советы депутатларының округларда эше дәвам итә. Бу атнада парламентарийлар республика муниципалитетларында социаль объектларда булдылар, спорт һәм мәдәни чараларны ачуда катнаштылар, шулай ук гражданнарны кабул иттеләр.

Бүген ТР Дәүләт Советында алтынчы чакырылыш ТР Дәүләт Советында «Татарстан - яңа гасыр» депутат төркеменең эшчәнлек юнәлешләре һәм алдагы чорга планнар турында» матбугат конференциясе узды. Журналистларның сорауларына «Татарстан - яңа гасыр» депутат төркеме җитәкчесе Артур Габделҗанов җавап бирде.

«Бердәм Россиянең Яшь гвардия» Татарстан төбәк штабы җитәкчесе итеп Руслан Шиһабетдинов сайланды. Мондый карар бүген «Яшь гвардия»нең Татарстан бүлекчәсенең хисап-сайлау конференциясендә кабул ителде. Бүген конференция кысаларында оешма эшенә йомгак ясалды, региональ штабның һәм региональ контроль-ревизия комиссиясенең яңа составлары сайланды, киләчәккә бурычлар билгеләнде. Конференция эшендә Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин катнашты.

Бүген Казанда «Татарстан Республикасында энергия ресурсларының нәтиҗәлелеге» дәүләт программасын гамәлгә ашыру мәсьәләләре буенча республика Хөкүмәте утырышы узды. Чара «Казан Экспо» да энергетика һәм энергия ресурсларының нәтиҗәлелеге буенча халыкара форумы кысаларында узды. Утырышны Татарстан Премьер-министры Алексей Песошин үткәрде. Аның эшендә РФ энергетика министрының беренче урынбасары Павел Сорокин һәм ТР Дәүләт Советы Рәисе Фәрит Мөхәммәтшин катнашты.