Яңалыклар

Бүген ТР Дәүләт Советы Рәисе Фәрит Мөхәммәтшин җитештерү тармагы алдынгыларына, медицина җәмәгатьчелеге вәкилләренә, иҗади һәм фәнни-техник интеллигенциягә һәм Татарстанның танылган спортчыларына дәүләт бүләкләре тапшырды. Бүләкләү тантанасы Казан Кремлендә узды.

Бүген  Дәүләт Советында ветераннарны «ТАССР төзелүгә100 ел» медале белән бүләкләү тантанасы булды. Татарстан Республикасының социаль-икътисадый потенциалын ныгытуга зур өлеш кертүе һәм күпьеллык нәтиҗәле хезмәте өчен Татарстан Республикасы Президенты Указы нигезендә «ТАССР төзелүгә 100 ел» медале белән узган чакырылышларның 23 депутаты һәм Дәүләт Советы аппаратының лаеклы ялга чыккан хезмәткәрләре бүләкләнде. Бүген Дәүләт Советы Рәисе Фәрит Мөхәммәтшин 8 кешегә медальләр тапшырды.

Бүген Дәүләт Советында КПРФ фракциясе "Инвалидлар проблемалары турында. КПРФ фракциясенең карашы" дигән матбугат конференциясе уздырды. Фракция җитәкчесе Хафиз Миргалимов, депутатлар Фадбир Сафин һәм Александр Комисаров журналистларга шул темага уздырылган түгәрәк өстәлнең нәтиҗәләре турында сөйләделәр һәм сорауларга җаваплар бирделәр.

Бүген Казанда “Бердәм Россия” партиясенең илкүләм проектларны мәгълүматлаштыруда һәм гамәлгә ашыруда ярдәм итү мәсьәләләре буенча комиссиясенең киңәйтелгән утырышы узды, аның барышында “Илкүләм проектлар: Татарстан 2021” республика фотоконкурсына йомгак ясалды. Җиңүчеләргә бүләкләрне ТР Дәүләт Советы Рәисе, “Бердәм Россия” партиясенең Татарстан төбәк бүлеге Cекретаре Фәрит Мөхәммәтшин тапшырды.

Бүген Дәүләт Советында КПРФ фракциясе "Татарстан Республикасында инвалидлар проблемалары турында" түгәрәк өстәл үткәрде. Аның эшендә фракция әгъзалары Хафиз Миргалимов, Фадбир Сафин, Мансур Гарифуллин, шулай ук парламентның Социаль сәясәт комитеты рәисе Светлана Захарова, Татарстан Республикасында Кеше хокуклары буенча вәкаләтле вәкил Сәрия Сабурская, министрлыклар һәм ведомстволар, җәмәгатьчелек һәм гражданнарның инициатив төркемнәре вәкилләре катнашты.

Бүген Лениногорск Украинада махсус хәрби операция уздыру вакытында батырларча һәлак булган Россия армиясенең өлкән лейтенанты Дамир Исламов белән хушлашты. Россия Героен соңгы юлга озату чарасында ТР Дәүләт Советы Рәисе Фәрит Мөхәммәтшин һәм Татарстанның хәрби комиссары Сергей Погодин катнашты.

Бүген Мәскәүдә "Бердәм Россия" Бөтенроссия сәяси партиясе Генераль советының  Халыкара хезмәттәшлек һәм чит илдәге ватандашларга ярдәм итү буенча комиссиясенең утырышы узды. Комиссия утырышында Югары совет әгъзасы, партиянең Татарстан бүлеге Секретаре, ТР Дәүләт Советы Рәисе Фәрит Мөхәммәтшин катнашты.

Отставкадагы медицина хезмәте майоры, медицина фәннәре кандидаты, ТАССРның атказанган табибы, Бөек Ватан сугышы ветераны Әсхәт Гыйниятуллинга 100 яшь тулды. Республика парламенты исеменнән ветеранны юбилее белән Дәүләт Советы Рәисе урынбасары Юрий Камалтынов котлады. Очрашуда шулай укДәүләт Советының Дәүләт корылышы һәм җирле үзидарә комитеты рәисе Альберт Хәбибуллин, республиканың сәламәтлек саклау министрының беренче урынбасары Альмир Абашев, Казанның Авиатөзелеш һәм Яңа Савин районнары администрациясе башлыгының беренче урынбасары Марат Мәхмүтов катнашты.

Мәгариф проектларына ярдәм итү фонды РФ Дәүләт Думасы ярдәме белән "Безнең тарих" V Бөтенроссия яшьләр проектлары бәйгесе башлануы турында игълан итте. Быел ул 1812 елгы Ватан сугышында җиңүнең 210 еллыгына багышлана.

Дәүләт Советы депутатларының округларда эше дәвам итә. Бу атнада парламентарийлар гражданнарны кабул итте, шулай ук республиканың мәгариф учреждениеләрендә булды, педагоглар һәм укучылар белән аралашты. Моннан тыш, парламентарийлар Татарстан мәктәпләрендә Мәдәният дәресләрен уздыруда катнашты.