Яңалыклар

Бүген алтынчы чакырылыш Дәүләт Советының сигезенче утырышында  Татарстан Республикасы җәмәгать судьяларын сайладылар. Кандидатларны Татарстан Югары суды Рәисе Илгиз Гыйлаҗев тәкъдим итте,  парламентның  Законлылык һәм хокук тәртибе комитеты фикерен аның рәисе Шакир Яһудин ирештерде.

Бүген иртәнге сәгать унда алтынчы чакырылыш Дәүләт Советының сигезенче утырышы үз эшен башлады. Президиум көн тәртибенә  кертү өчен 12 мәсьәлә тәкъдим иткән иде, шул исәптән 5 республика закон проекты,  бер федераль закон проекты һәм башка мәсьәләләр.

Бүген парламентның Мәгариф, мәдәният, фән һәм милли мәсьәләләр комитеты утырышында «Татарстан Республикасында архив эше турында» законның  ни рәвешле гамәлгә ашырылуы хакында сөйләштеләр.

Республикада авыл халкының эшлекле активлыгын арттыру мәсьәләләре буенча зона семинарлары башланды. Фермерлар белән беренче очрашу бүген Чүпрәле районында узды. Утырышны Дәүләт Советы Рәисе урынбасары Марат Әхмәтов алып барды. Кече хуҗалыкларны, шәхси ярдәмче хуҗалыкларны һәм КФХларны үстерүгә ярдәм итү мәсьәләләре турында фикер алышуда аграр сектор башлыклары, авыл җирлекләре җитәкчеләре, 9 муниципаль район җитәкчеләре, ТР Дәүләт Советы депутатлары, шулай ук республика министрлыклары һәм ведомстволарының җаваплы хезмәткәрләре катнашты.

7 март көнне Зеленодольск районының “Маяк” спорт комплексында Татарстан Республикасы дәүләт хезмәткәрләре спартакиадасы кысаларында чаңгы ярышлары узды. Чаңгы юлына Президент Аппараты, Министрлар Кабинеты, Дәүләт Советы һәм дәүләт секторының башка хезмәтләре һәм оешмалары хезмәткәрләре чыкты.  Ярышларда Дәүләт Советы командасы 6 урынны алды.

Халыкара хатын-кызлар көне алдыннан "Мәрхәмәт-Милосердие" хатын-кыз депутатлар берләшмәсе хатын-кызлар сәламәтлеген саклау мәсьәләләре буенча фикер алыштылар. Парламентарийлар аз тәэмин ителгән һәм социаль яктан якланмаган гражданнарга, шул исәптән авыл җирендә яшәүче хатын-кызларга,  югары сыйфатлы медицина хезмәтләреннән файдалану мөмкинлеген тудыру  кирәк, дигән фикердә.

Бүген парламентның КПРФ фракциясе утырышы узды, анда Дәүләт Советының алдагы утырышы  көн тәртибе мәсьәләләре буенча коммунист депутатлар позициясе билгеләнгәнде. Фракция әгъзалары шулай ук 2020 елның мартына планлаштырылган чаралар турында фикер алышты.

10 мартта Законлылык һәм хокук тәртибе комитеты утырышы булды. Депутатлар Баулы муниципаль районында хокук саклау юнәлешендәге иҗтимагый формированиеләр һәм халык дружиналары эшчәнлеген оештыру турындагы контроль мәсьәләне, шулай ук кайбер республика һәм федераль закон проектларын карадылар. Аны комитет рәисе Шакир Яһудин алып барды.

Татарстан Дәүләт Советы Рәисе Фәрит Мөхәммәтшин илкүләм проектларны гамәлгә ашыру өчен акчаны файдалануга карата халык һәм партия катгый контроле урнаштырырга өндәде. Бу хакта парламент башлыгы һәм «Бердәм Россия» Бөтенроссия сәяси партиясе Төбәк сәяси советы президиумы комиссиясенең киңәйтелгән утырышында белдерде.

Алтынчы чакырылыш Дәүләт Советының сигезенче утырышы 12 мартта иртәнге сәгать унда башлана. Бүген парламент Президиумы утырышында шундый карар кабул ителде