Яңалыклар

Бүген алтынчы чакырылыш ТР Дәүләт Советының алтынчы утырышында  «2019 елга, 2020 һәм 2021 еллар план чорына Татарстан Республикасы Территориаль мәҗбүри медицина иминияте фонды бюджеты турында» Татарстан Республикасы Законына үзгәрешләр кертү  мәсьәләсе каралды.  

Бүген ТР Дәүләт Советында гражданнарның митинг, җыелышлар, тантаналы йөреш, пикетлар уздыруга хокукларына кагылышлы закон проекты кабул ителде. Аның нигезендә дәүләт учреждениеләренә керү юлыннан 50 метр радиус ераклыгындагы урыннарда митинглар үткәрүне тыю гамәлдән чыгарыла.

Бүген алтынчы чакырылыш Татарстан Дәүләт Советының алтынчы утырышында Татарстан Республикасы Иҗтимагый палатасына яңа әгъзалар кертү мәсьәләсе каралды. Барлыгы 28 кандидатура тәкъдим ителгән булган, аларның 20се расланды.

Бүген Татарстан Дәүләт Советында «Теләкләр чыршысы» хәйрия акциясе уза. Анда беренчеләрдән булып ТР Президенты Рөстәм Миңнеханов,  ТР Дәүләт Советы Рәисе Фәрит Мөхәммәтшин, ТР Дәүләт Киңәшчесе Минтимер Шәймиев катнашты.

Бүген алтынчы чакырылыш ТР Дәүләт Советының алтынчы утырышында  2019 елга, 2020 һәм 2021 еллар план чорына бюджет турында республика законына үзгәрешләр кертү хакында закон проекты өч укылышта кабул ителде. Республика бюджетына өстәмә рәвештә кертелгән  5,8 млрд. сум акча юллар төзелешенә һәм социаль хаҗәтләргә тотылачак.

Бүген  сәгать унда алтынчы чакырылыш Татарстан Республикасы  Дәүләт Советының алтынчы утырышы ачылды.  Аны парламент башлыгы Фәрит Мөхәммәтшин алып бара. Утырыш эшендә Татарстан Президенты Рөстәм Миңнеханов, ТР Дәүләт киңәшчесе Минтимер Шәймиев һәм башка рәсми затлар катнаша.

23 декабрьдә КПРФ фракциясе республика мәгълүмат чаралары вәкилләре өчен матбугат конференциясе уздырды. Ел йомгакларына багышланган очрашуда фракция җитәкчесе Хафиз Миргалимов, Дәүләт Советы депутатлары Артем Прокофьев, Александр Комисаров һәм Николай Атласов катнаштылар.

Татарстан парламенты җитәкчесе Фәрит Мөхәммәтшин «Татарстан — Яңа гасыр» республика иҗтимагый хәрәкәтендә катнашучыларны ТАССРның 100 еллыгын бәйрәм итүгә үз өлешен кертергә өндәде. Бу хакта «ТНВ» Югары советы рәисе бүген Казанда узган утырышта әйтте.

Бүген Казанда «Пирамида» күңел ачу үзәгендә «ЭКОлидер -2019» бәйгесе җиңүчеләрен Татарстан Дәүләт Советы Рәисе Фәрит Мөхәммәтшин тәбрикләде. Ул бәйге җиңүчеләрен - сәламәт яшәү рәвешен һәм республика экологиясен саклауда өлеш керткән һәркемне котлады. Аларга киләчәктә уңышлар теләде.

Татарстан Дәүләт Советы Рәисе, «Бердәм Россия» партиясенең Татарстан төбәк бүлеге секретаре Фәрит Мөхәммәтшин республиканың Апас районында партия активы белән эшлекле очрашу үткәрде.