Яңалыклар

Бүгенге утырышта депутатлар «Татарстан Республикасы Прокуроры вазыйфасына билгеләп кую өчен кандидатура килештерү тәртибе турында» законны үз көчен югалтты дип таныдылар. Бу уңайдан закон проекты республика законнарын федераль кануннарга туры китерү максатларында республика Прокуратурасы тарафыннан кертелде.

Парламентның уникенче утырышында депутатлар Татарстан Республикасында Кеше хокуклары буенча вәкаләтле вәкил вазыйфасына сайлау өчен ТР Президенты тарафыннан тәкъдим ителгән Сәрия Сабурская кандидатурасын хупладылар. 

Бүгенге утырышта депутатлар җәмәгать судьяларын һәм ТР Адвокатлар палатасының квалификация комиссиясе әгъзаларын - Дәүләт Советы вәкилләрен сайлау турында мәсьәләләрне карадылар.

Бүген сәгать  унда алтынчы чакырылыш Татарстан Республикасы Дәүләт Советының уникенче утырышы белән парламентының көзге сессиясе ачылды. Утырышта Татарстан Президенты Рөстәм Миңнеханов, республика Премьер-министры Алексей Песошин һәм башка рәсми затлар катнаша.

Татарстан Дәүләт Советы Рәисе урынбасары Марат Әхмәтов республика районнары башлыкларына туган телне белүне камилләштерергә кушты. Шул турыда ТР Президенты каршындагы Татар телен саклау һәм үстерү мәсьәләләре комиссиясе рәисе Апас районында узган киңәшмәдә белдерде.

Алтынчы чакырылыш Татарстан Дәүләт Советының уникенче утырышы 20 августта узачак. Бүген республика парламенты президиумы утырышында шундый карар кабул ителде.

Татарстан Дәүләт Советы Рәисе Фәрит Мөхәммәтшин Азнакайга эш сәфәренә килде. Аны район башлыгы Марсель Шәйдуллин каршы алды. Башкала кунагы азнакайлылар белән очрашуны Актүбә ат спорты мәктәбеннән башлады.

Бүген ТР Дәүләт Советы Рәисе урынбасары, ТР Президенты каршындагы Татар телен саклау һәм үстерү мәсьәләләре буенча комиссия рәисе Марат Әхмтов Арча муниципаль районында булды. Райн мәдәният йортында ул республиканың унбер районы башлыгы, мәдәният һәм мәгариф бүлекләре җитәкчеләре катнашында зона киңәшмәсе уздырды.

Әлмәттә республиканың нефть сәнәгате ветераны, Социалистик Хезмәт Герое Әнвәр Сафиуллин белән хушлашу митингы булды. Әлмәтнең мактаулы гражданины, Татарстанда беренче һәм икенче миллиард тонна нефть чыгаруда катнашкан шәхес 94нче яшендә бакыйлыкка күчте. Дәүләт Советы Рәисе Фәрит Мөхәммәтшин дә атаклы якташын соңгы юлга озатуда катнашты.

Татарстан Дәүләт Советы Рәисе Фәрит Мөхәммәтшин Әлмәттә «Безнең ишегалды» программасы буенча йорт яны территорияләрен төзекләндерүне бәяләде. Ул халыктан башкарылган эшләрдән ни дәрәҗәдә канәгать булулары һәм үз шәһәренең кыяфәтендә нәрсәне үзгәртергә теләүләре белән кызыксынды.