Яңалыклар

Татарстан Республикасы Дәүләт Советы Рәисе Фәрит Мөхәммәтшин бүген, Россия Матбугаты көне уңаеннан, ТР Милли музеенда республика, федераль массакүләм мәгълүмат чаралары җитәкчеләре һәм журналистлары белән очрашты. Парламент башлыгы каләм әһелләрен һөнәри бәйрәмнәре белән тәбрик итте, башкарган хезмәтләре өчен рәхмәт белдерде.  Әлеге очрашуда Фәрит Мөхәммәтшин  илкүләм проектларны яктыртуга журналистлар арасында бәйге игълан итү тәкъдиме белән чыкты.

Хөрмәтле журналистлар, газета-журнал редакцияләре хезмәткәрләре, полиграфистлар, ветераннар һәм яшь каләм әһелләре! Сезне чын күңелдән һөнәри бәйрәмегез – Россия матбугаты көне белән котлыйм!

Өч гасырлык тарихында прокуратура органнары ведомство үсешендә зур алга китеш ясады һәм тәртипне контрольдә тотуда гаять зур тәҗрибә туплады. ТР Дәүләт Советы Рәисе Фәрит Мөхәммәтшин Татарстан Прокуратурасы хезмәткәрләрен хөрмәтләү тантанасында шул хакта хәбәр итте.

“Украина халыкара һава юллары” пассажир самолеты Тәһран янында юлыккан фаҗига белән бәйле рәвештә Иран Ислам Республикасының Казандагы Генераль консуллыгында Кайгы уртаклашу китабы ачылды. Бүген Дәүләт Советы депутатлары Генконсуллыкка барып кайгы уртаклашты.

28 декабрь Казахстанда ил күләмендә матәм көне дип игълан ителде. Кичә Алма-Аты шәһәреннән Нур-Солтанга юнәлүче самолет авариясе аркасында 12 кеше үлгән. Әлеге фаҗига уңаеннан Татарстан Дәүләт Советы Рәисе Фәрит Мөхәммәтшин Казахстан Парламентының Сенат Рәисе Дарига Назарбаевага, Мәҗлес Рәисе Нурлан Нигъмәтуллинга һәм Казахстанның Казандагы Генераль консулы Җанболат Мурзалинга кайгы уртаклашу телеграммасы юллады.

Дәүләт Советы депутатлары округларда эшләрен дәвам итәләр. Бу атнада парламентчылар Алабугада өлкәннәр һәм инвалидлар интернат-йортында, Норлат балалар йортында булдылар, күпфункцияле үзәк ачылышында һәм "Теләкләр чыршысы" хәйрия акциясендә катнаштылар

Татарстан Дәүләт Советы Рәисе, ТР Волейбол федерациясе президенты Фәрит Мөхәммәтшин «Динамо-Казан» һәм «Зенит-Казан» волейбол командаларына Россия Кубогында җиңүләре уңаеннан котлау телеграммалары юллады.

Бүген Мәскәүдә легендар армия генералы, Россия Хәрби фәннәр академиясе президенты Мәхмүт Гәрәев белән хушлашу һәм мәрхүмне соңгы юлга озату булды. Бөек Ватан сугышын үткәннән соң тагын алты хәрби низагта катнашкан Россиянең иң өлкән генералының йөрәге 97 нче яшендә тибүдән туктады. Мәрхүм белән хушлашуда Россия оборона министры, армия генералы Сергей Шойгу, Россия Кораллы көчләренең генераль штабы начальнигы армия генералы Валерий Герасимов, башка рәсми кешеләр катнашты. Татарстаннан Дәүләт Советы Рәисе Фәрит Мөхәммәтшин җитәкчелегендә башкалага  килгән делегация дә беренче татар генералы белән хушлашты.

Бүген Дәүләт Советы Рәисе Фәрит Мөхәммәтшин матбугат конференциясендә парламентның 2019 елдагы эшчәнлегенә йомгак ясады.

Бүген ТР Дәүләт Советында гражданнарның митинг, җыелышлар, тантаналы йөреш, пикетлар уздыруга хокукларына кагылышлы закон проекты кабул ителде. Аның нигезендә дәүләт учреждениеләренә керү юлыннан 50 метр радиус ераклыгындагы урыннарда митинглар үткәрүне тыю гамәлдән чыгарыла.