Яңалыклар

Бүген Дәүләт Советы утырышында гражданнар мөрәҗәгатьләре турында республика законына үзгәрешләр кертү хакында закон проекты беренче укылышта һәм тулаем алганда кабул ителде.

Бүген Дәүләт Советы утырышында Архив эше турында республика законының 21 һәм 22 статьяларына үзгәрешләр кертү хакында закон проекты беренче укылышта кабул ителде. 

Креатив (иҗади) индустрияләрне үстерү турындагы закон проекты бүген Дәүләт Советы утырышында беренче укылышта кабул ителде. Закон проекты буенча фикер алышуга Татарстан парламентында тәкъдим ителмәгән партияләр, шул исәптән "Яңа кешеләр" сәяси партиясе, Социаль гаделлек өчен Россия пенсионерлар партиясе, Социаль яклау сәяси партиясе һәм «ЯБЛОКО» Россиянең берләшкән демократик партиясе вәкилләре чакырылган иде.

Бүген Дәүләт Советы утырышында депутатларга 2024 елда Татарстан Республикасында Бала хокуклары буенча вәкаләтле вәкил эшчәнлеге йомгаклары һәм бала хокукларын һәм законлы мәнфәгатьләрен үтәү турында мәгълүмат бирелде. Әлеге мәсьәлә буенча Татарстан Республикасында Бала хокуклары буенча вәкаләтле вәкил Ирина Волынец чыгыш ясады.

Татарстанда йорт хайваннары тотучыларга аларны тоту таләпләрен бозган өчен административ җаваплылык кертеләчәк. ТР Административ хокук бозулар кодексына үзгәрешләр кертелә торган тиешле закон проектын депутатлар Дәүләт Советының сигезенче утырышында күпчелек тавыш белән кабул итте.

Бүген Дәүләт Советы утырышында республикада Фән һәм технологияләр елы дип игълан ителгән 2024 елда Татарстан Фәннәр академиясе эшенә йомгак ясалды. Ведомство эше турындагы хисапны ТР Фәннәр академиясе президенты Рифкать Миңнеханов тәкъдим итте.

Конституция Советының 2023 - 2024 елларда Татарстанда конституциячел законлылыкның торышы турындагы доклады бүген Дәүләт Советы утырышында беренче мәртәбә тәкъдим ителде.

Татарстан Республикасы Рәисе Рөстәм Миңнеханов Дәүләт Советы депутатларын һәм ветераннарын, шулай ук барлык татарстанлыларны Дәүләт Советының 30 еллыгы белән котлады. Рөстәм Миңнеханов әйтүенчә, өч дистә ел эчендә парламентаризмның ышанычлы хокукый нигезе булдырылган, югары профессионализм, җаваплылык һәм бердәмлек традицияләренә нигез салынган. «Бу принциплар, буыннар дәвамчанлыгын саклап, барлык чакырылыш депутатлар эшчәнлегенең аерылгысыз өлешенә әверелде», – дип басым ясады республика Рәисе җиденче чакырылыш Дәүләт Советының сигезенче утырышында чыгыш ясаганда.