Яңалыклар

Дәүләт Советының өченче утырышында 2025 елга, 2026 һәм 2027 елларның план чорына мәктәпкәчә, гомуми һәм өстәмә белем алуга хокукларны гамәлгә ашыруның дәүләт гарантияләрен финанслар белән тәэмин итү нормативларын раслау турында закон проектлары беренче укылышта кабул ителде.  

Бүген Дәүләт Советы утырышында 2024 елга һәм 2025 һәм 2026 еллар план чорына бюджет турында республика законына үзгәрешләр кертү турында закон проекты беренче укылышта һәм тулаем кабул ителде. Республика бюджеты керемнәре тулаем алганда 54,6 млрд. сумга арта.

Бүген Дәүләт Советы утырышында күчемсез милек объектын сатудан салым түләүченең керемен билгеләү өчен кулланыла торган түбәнәйтү коэффициенты күләмен билгеләү турында закон проекты беренче укылышта һәм тулаем кабул ителде. Документны Бюджет, салымнар һәм финанс комитеты рәисе урынбасары Камил Нугаев тәкъдим итте.

Бүген Дәүләт Советы утырышында оешмалар мөлкәтенә салым турында республика законының 2 һәм 1 статьяларына үзгәрешләр кертү хакында закон проекты беренче укылышта һәм тулаем кабул ителде.

Татарстанда чит ил хезмәткәрләре өчен патент бәясе киләсе елда 6768 сум тәшкил итәчәк. Мондый карар бүген Дәүләт Советы утырышында кабул ителде. «2025 елга Татарстан Республикасында хезмәт базарының төбәк үзенчәлекләрен чагылдыра торган коэффициентны билгеләү турында» республика законы проекты парламентарийлар тарафыннан беренче укылышта һәм тулаем кабул ителде.

Бүген Дәүләт Советы депутатлары республиканың кайбер суд участокларына җәмәгать судьяларын сайладылар.

Бүген сәгать уникедә җиденче чакырылыш Татарстан Республикасы Дәүләт Советының өченче утырышы ачылды. Утырышның көн тәртибенә, парламент Президиумы карары нигезендә, 18 мәсьәлә кертелгән иде, шул исәптән 14 республика законы проекты. Сорауларның шактый өлеше республиканың 2025 елга һәм 2026 һәм 2027 еллар план чорына бюджеты проектын әзерләү кысаларында бюджет процессын камилләштерүгә багышланган.

Бүген  С. Сәйдәшев исемендәге Дәүләт Зур концерт залында җиденче чакырылыш Дәүләт Советының икенче утырышы булды. Көн тәртибендәге бердәнбер мәсьәлә –Татарстан Республикасы Рәисенең республиканың эчке һәм тышкы хәле турында Дәүләт Советына еллык юлламасы булды.

Бүген Дәүләт Советында КПРФ фракциясе утырышы узды, анда депутатлар парламентның өченче утырышы көн тәртибе буенча фикер алыштылар һәм депутатлар берләшмәсенең агымдагы елның дүртенче кварталына эш планын карадылар. Утырышны фракция җитәкчесе Хафиз Миргалимов алып барды.

Татарстан Республикасы Конституция советы җитәкчесе Илгиз Гыйләҗев, Башкортстан Республикасы Конституция советы җитәкчесе Хәйдәр Вәлиев һәм Саха Республикасы (Якутия) Конституция советы рәисе Петр Гоголев бүген Дәүләт Советында булдылар, Татарстан парламентарийлары белән очраштылар. Дәүләт Советы Рәисе һәм депутатлар исеменнән кунакларны Дәүләт Советы Рәисе урынбасары Юрий Камалтынов сәламләде.