Яңалыклар

Бүген Россия Федерациясе Федераль Собраниесенең Дәүләт Думасы Рәисе урынбасары Ирина Яровая Казан федераль университетында "Россия Федерациясендә мәгариф турында" Федераль законга үзгәрешләр кертү хакында" Федераль законны гамәлгә ашыру мәсьәләләре буенча киңәшмә уздырды. Аның эшендә ТР Дәүләт Советы Секретаре Лилия Маврина, Татарстан парламенты депутатлары Людмила Рыбакова һәм Алексей Созинов, максатчан белемгә заказ бирүче предприятиеләр җитәкчеләре, Казанның берничә югары уку йорты ректорлары, фән вәкилләре һәм экспертлар катнашты.

2024 елда Татарстанда 8,5 мең урынлы сигез яңа мәктәп сафка бастырыла, булганнарына өч янкорма төзелә. ТР Дәүләт Советы Рәисе Фәрит Мөхәммәтшин «Бердәм Россия» партиясенең төбәк бүлеге һәм Мәгариф министрлыгы тарафыннан үткәрелгән белем бирү учреждениеләрен капиталь ремонтлау һәм төзү Президент программаларын гамәлгә ашыру буенча федераль штаб утырышында шулай дип белдерде.

Бүген ТР Дәүләт Советы Рәисе Фәрит Мөхәммәтшин РФ ФҖ Дәүләт Думасы Рәисе урынбасары Ирина Яровая белән очрашты. Очрашу республика парламентында узды.

1993 елның 14 июлендә Татарстан Югары Советы депутатлары ТР Дәүләт гимнын раслады. Аның көен танылган татар композиторы Рөстәм Яхин язган.

13 июльдә Мамадыш районының Җөри авылында 26нчы тапкыр керәшеннәрнең традицион Питрау бәйрәме узды. Татарстан Республикасы Рәисе, парламенты һәм республика Хөкүмәте исеменнән кунакларны һәм бәйрәмдә катнашучыларны Дәүләт Советы Рәисе урынбасары Марат Әхмәтов сәламләде.

 Бүген көн дәвамында Казанда Гаилә, мәхәббәт һәм тугрылык көненә багышланган гаиләне, аналарны һәм балаларны яклау мәсьәләләре буенча кайнар телефон линиясе эшләде. Татарстанлыларның сорауларына «Мәрхәмәт-Милосердие» хатын-кыз депутатлар берләшмәсе әгъзалары, Татарстан Республикасында Кеше хокуклары буенча вәкаләтле вәкил Сәрия Сабурская, Мәгариф һәм фән министрлыгы, яшьләр эшләре, Хезмәт, халыкны эш белән тәэмин итү һәм социаль яклау министрлыгы, «Ватанны саклаучылар» фондының төбәк филиалы, РФ Социаль фондының республика бүлекчәсе вәкилләре җавап бирде.

Евгений Варакин Югары Ослан муниципаль районы башкарма комитеты җитәкчесе вазифасына рәсми рәвештә кереште. Мондый карар район Советының 48 нче утырышында җирле депутатлар тарафыннан бертавыштан кабул ителде. Аның эшендә Дәүләт Советы Секретаре Лилия Маврина, шулай ук Татарстан Рәисе Администрациясе җитәкчесенең беренче урынбасары Илнур Гарипов катнашты.

Бүген республика парламентында алтынчы чакырылыш Татарстан Республикасы Дәүләт Советы эш йомгаклары турында матбугат конференциясе узды. Федераль һәм республика массакүләм мәгълүмат чаралары вәкилләренең сорауларына Дәүләт Советы Рәисе Фәрит Мөхәммәтшин җавап бирде.

Бу атнада алтынчы чакырылыш Татарстан Дәүләт Советы йомгаклау утырышын үткәрде. Республика тормышында әлеге әһәмиятле вакыйга уңаеннан Дәүләт Советы Рәисе Фәрит Мөхәммәтшин «Ватаным Татарстан» газетасына парламентның соңгы биш елдагы эшенә бәя бирде.

Бүген алтынчы чакырылыш парламентының илле бишенче, йомгаклау утырышында Дәүләт Советы Рәисе Фәрит Мөхәммәтшин алтынчы чакырылыш Дәүләт Советы эшенә йомгак ясады.