Яңалыклар

Урманнардан файдалану турында республика законына үзгәрешләр кертү хакында закон проекты кабул ителде. Закон проекты республика законнарын федераль законнарга кертелгән үзгәрешләргә туры китерүгә юнәлдерелгән. Сүз урманнарны янгыннан саклауны камилләштерү һәм федераль ашыгыч реакция резервын җәлеп итүнең нәтиҗәлелеген арттыру турында бара.

Халыкка адреслы социаль ярдәм күрсәтү турында республика законының 8.1 статьясына үзгәрешләр кертү хакында закон проекты беренче укылышта һәм тулаем кабул ителде. Ул онкология белән авыручыларга һәм хроник бөер җитешсезлеге белән интегүчеләргә медицина учреждениеләренә бару өчен компенсация түләүгә кагыла.

Бүген Дәүләт Советы утырышында 2023 елга, 2024 һәм 2025 еллар план чорына Татарстан Республикасы бюджеты турында республика законына үзгәрешләр кертү хакында закон проекты беренче укылышта кабул ителде.

Дәүләт Советы депутатлары «Россия Федерациясенең дәүләт теле турында» Федераль законга һәм Россия Федерациясенең аерым закон актларына үзгәрешләр кертү хакында» федераль закон проектының текстын төгәлләштерү тәкъдиме белән чыктылар. Аны Россия составындагы республикаларның дәүләт телләрен һәм Россия Федерациясе территориясендә яшәүче халыкларның телләрен куллану мөмкинлеге белән тулыландырырга тәкъдим ителә. 

Дәүләт Советының кырык тугызынчы утырышында депутатлар Татарстан Республикасында автомобиль транспортында һәм шәһәр җир өсте электр транспортында пассажирларны һәм багажны даими йөртүне оештыруның аерым мәсьәләләре турында республика законына үзгәрешләр кертүне күздә тоткан закон проектын хупладылар.

Бүген икенче укылышта һәм тулаем алганда Дәүләт Советы утырышында 2024 елга, 2025 һәм 2026 еллар план чорына Татарстан Республикасы Территориаль мәҗбүри медицина иминияте фонды бюджеты турында закон проекты кабул ителде.

2024 елга һәм 2025 һәм 2026 еллар план чорына республика бюджеты турында закон проекты бүген Дәүләт Советы утырышында икенче укылышта һәм тулаем кабул ителде һәм якын арада Татарстан Республикасы Рәисенә кул куюга юнәлдереләчәк. 

Бүген Дәүләт Советы утырышында депутатлар Азнакай суд районына җәмәгать судьясын сайлау мәсьәләсен карадылар. Судьялыкка сайлауга кандидатураны ТР Югары суды Рәисе вазыйфаларын башкаручы Эдуард Каминский тәкъдим итте.

Бүген сәгать унда алтынчы чакырылыш Татарстан Республикасы Дәүләт Советының кырык тугызынчы утырышы ачылды.

Дәүләт Советының кырык тугызынчы утырышы бүген бер минутлык тынлык белән башланып китте. Биш чакырылыш Дәүләт Советы депутаты, Экология, табигатьтән файдалану, агросәнәгать һәм азык-төлек сәясәте комитеты әгъзасы, «Майский» теплица комбинаты» комбинаты директоры Илшат Ганиев бакыйлыкка күчте.