Яңалыклар

Бүген Дәүләт Советында «Татарстан – Яңа гасыр» депутатлар төркеме җыелышы узды, анда парламентарийлар агымдагы елның IV кварталында депутатлар төркеменең эш планы, шулай ук Дәүләт Советының кырык сигезенче утырышы көн тәртибенә кертелгән мәсьәләләр турында фикер алыштылар. Утырышны  депутатлар төркеме җитәкчесе Артур Габделҗанов үткәрде.

Бүген Дәүләт Советында «Бердәм Россия» фракциясе утырышы узды, анда парламентарийлар «Бердәм Россия» партиясенең Халык программасын гамәлгә ашыру мәсьәләләре буенча фикер алыштылар. Утырышны «Бердәм Россия» фракциясе җитәкчесе Юрий Камалтынов үткәрде.

Мәгариф, мәдәният, фән һәм милли мәсьәләләр комитеты Татарстан Республикасында гражданнарны патриотик тәрбияләү турында закон проектын беренче укылышта кабул итәргә тәкъдим итте. Профильле комитет әгъзалары шулай ук 2024 елга һәм 2025 һәм 2026 еллар план чорына республика бюджеты турында закон проектын тикшерделәр.

Бүген Казанда 93 нче гимназия территориясендә А.С. Пушкин һәйкәлен һәм яңартылган «Пушкин бакчасы» скверын ачу тантанасы узды. Чара Бөтенроссия лицейчы көне алдыннан оештырылган иде. Бәйрәм шулай ук А.С.Пушкинның Казан шәһәрендә булуына 190 ел тулуга да багышланган. Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин педагогларны һәм лицейчыларны истәлекле вакыйга белән котлады.

Бүген Дәүләт Советында Торак сәясәте һәм инфраструктура үсеше комитеты һәм Комитет каршындагы Экспертлар советының уртак утырышы узды, анда депутатлар 2024 елга һәм 2025 һәм 2026 еллар план чорына республика бюджеты турында закон проектын хупладылар.

Бүген Дәүләт Советында Социаль сәясәт комитеты утырышы узды, анда депутатлар 2024 елга һәм 2025 һәм 2026 еллар план чорына республика бюджеты һәм Мәҗбүри медицина иминияте территориаль фонды бюджеты турында закон проектларын тикшерделәр. Утырыш кысаларында парламентарийлар шулай ук җәйге сәламәтләндерү кампаниясенә йомгак ясадылар.

Бүген Дәүләт Советында Экология, табигатьтән файдалану, агросәнәгать һәм азык-төлек сәясәте комитеты утырышы узды, анда депутатлар 2024 елга, 2025 һәм 2026 еллар план чорына ТР бюджеты турында закон проектын, шулай ук гамәлдәге экологик һәм җир законнарына үзгәрешләр кертүне күздә тоткан республика һәм федераль закон проектларын тикшерделәр. Утырыш эшендә Дәүләт Советы Рәисе урынбасары Марат Әхмәтов катнашты.

Бүген ТР Юстиция министрлыгында Законлылык һәм хокук тәртибе комитетының күчмә утырышы булды, анда депутатлар республиканың башкарма хакимият органнарында һәм җирле үзидарә органнарында норматив хокукый актларга һәм аларның проектларына коррупциягә каршы экспертиза үткәрү мәсьәләләре буенча фикер алыштылар. Моннан тыш, профильле комитет әгъзалары «2024 елга, 2025 һәм 2026 еллар план чорына Татарстан Республикасы бюджеты турында» закон проектын хупладылар. Утырыш эшендә Татарстан Республикасы юстиция министры Рөстәм Заһидуллин, Татарстанда Кеше хокуклары буенча вәкаләтле вәкил Сәрия Сабурская, Татарстан Республикасы икътисад министрының беренче урынбасары Олег Пелевин һәм Татарстан Республикасы финанс министры урынбасары Алла Анфимова катнашты. Утырышны Законлылык һәм хокук тәртибе комитеты рәисе Шакир Яһудин үткәрде.

Бүген Дәүләт Советында Икътисад, инвестицияләр һәм эшкуарлык комитеты утырышында 2024 елга һәм 2025 һәм 2026 еллар план чорына республика бюджеты турында закон проектын тикшерделәр. Парламентарийлар шулай ук кече һәм урта эшкуарлыкны үстерү, инновацион эшчәнлек, дәүләт милкен хосусыйлаштыру турында республика законына үзгәрешләр кертү хакында закон проектын карадылар.

Бүген Дәүләт Советында Беларусь һәм Россия Берлегенең Энергетика һәм транспорт буенча Парламент Җыелышы комиссиясе утырышы узды, анда Союз парламентарийлары ике дәүләтнең төбәкара хезмәттәшлеге мәсьәләләре, шулай ук Беларусь төбәкләренең Татарстан Республикасы белән алга таба хезмәттәшлек итү перспективалары турында фикер алыштылар. Моннан тыш, парламентарийлар Беларусь һәм Россия төбәкләре арасында пассажирлар авиациясен субсидияләү мәсьәләләрен карады. Утырышта Татарстан Республикасы Дәүләт Советы Рәисе урынбасары Юрий Камалтынов катнашты.