Яңалыклар

Бүген Казаннан Лисичанск һәм Рубежное (ЛХР) шәһәренә "Бердәм Россия" партиясенең төбәк бүлеге тарафыннан җыелган гуманитар йөк белән чираттагы 10 фура китте. Татарстан шефлыкка алган Лисичанск һәм Рубежное шәһәрләрендә яшәүчеләргә җибәрелгән гуманитар ярдәмнең гомуми авырлыгы  200 тоннага якын. Йөк "Бәхетле" складыннан  төялде. Дәүләт Советы Рәисе, “Бердәм Россия” сәяси партиясенең төбәк бүлеге Секретаре Фәрит Мөхәммәтшин волонтерлар һәм хәйрия акциясендә катнашучылар белән аралашты.

Бүген Казанда, Татарстан Фәннәр Академиясендә, күренекле физикның туган көне алдыннан Евгений Завойский исемдәге халыкара премияне тапшыру тантанасы узды. Е.К. Завойский исемендәге премия 1991 елдан башлап, Татарстан Республикасы Хөкүмәте ярдәме белән ел саен  Казан университетында ачылган күренешнең – электрон парамагнит резонансын куллануга яки үстерүгә керткән зур өлеше өчен бирелә. Евгений Завойский исемендәге халыкара премияне лауреатка Дәүләт Советы Рәисе, Татарстан Республикасы Фәннәр Академиясенең хакыйкый әгъзасы Фәрит Мөхәммәтшин тапшырды.

Бүген Казанда фәнни җәмәгатьчелек вәкилләре, спинлы физика, спинлы химия һәм спинлы технологияләр өлкәсендә эшләүче, шулай ук үз тикшеренүләрендә магнит резонансы ысулларын кулланган галимнәр өчен мөһим чараларның берсе булган Фән атналыгы («Kazan Science Week»)  ачылды. Кунакларны һәм Фән атналыгында катнашучыларны Республика җитәкчелеге исеменнән Дәүләт Советы Рәисе, Татарстан Республикасы Фәннәр Академиясенең хакыйкый әгъзасы (академик) Фәрит Мөхәммәтшин сәламләде.

Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин бүген Дербент шәһәрендә (Дагестан Республикасы) узган «Россиянең тарихи-мәдәни мирасы» IX парламент форумының пленар утырышында катнашты. Сенаторлар һәм депутатлар, субъектлар һәм төбәк парламентлары, профильле министрлыклар һәм ведомстволар җитәкчеләре, мәдәният һәм сәнгать эшлеклеләре, фәнни һәм экспертлар берләшмәсе, традицион конфессияләр вәкилләре, Каспий буе дәүләтләре вәкилләре Россия халыкларының мәдәниятен һәм традицияләрен саклау һәм үстерү, милләтара тынычлыкны һәм татулыкны ныгыту мәсьәләләре буенча фикер алыштылар.

Бүген Махачкалада «Россиянең тарихи-мәдәни мирасы» дигән IX парламент форумы ачылды, аның эшендә Дәүләт Советы Рәисе, РФ Федерация Советы каршындагы милләтара мөнәсәбәтләр һәм дини берләшмәләр белән хезмәттәшлек буенча Совет рәисе урынбасары, Татарстан халыклары Ассамблеясы Советы Рәисе Фәрит Мөхәммәтшин катнаша. Россия халыкларының тарихи-мәдәни мирасын саклау мәсьәләләре буенча фикер алышучы форум традицион булып тора һәм РФ Федерация Советы инициативасы буенча 2009 елдан бирле үткәрелә. Быел форум танылган иҗтимагый һәм сәяси эшлекле, Дагыстанның халык шагыйре Рәсүл Гамзатовның тууына 100 ел тулуга багышлана.

Бүген ТР Дәүләт Советы Рәисе Фәрит Мөхәммәтшин Дагыстан Республикасы Халык җыены рәисе Заур Әскәндеров белән очрашты. Очрашу Дагыстан парламентында узды.

Бүген ТР Дәүләт Советына РФ Президенты каршындагы дәүләт хезмәте һәм идарә институты магистрантлары килде. Алар белән очрашуда ТР Дәүләт Советы Секретаре Лилия Маврина, социаль сәясәт комитеты рәисе Светлана Захарова һәм икътисад, инвестицияләр һәм эшкуарлык комитеты әгъзасы Марат Галиев катнаштылар.

Казанга, республиканың икътисади һәм мәдәни потенциалы белән танышу өчен, ике көнлек эш сәфәре белән Кытай Иҗтимагый фәннәр академиясе (КАОН) делегациясе килде. Делегация составында югары уку йортлары вәкилләре, партия һәм җәмәгать эшлеклеләре, КХР журналистлары бар. Кытай делегациясе әгъзалары белән КПРФ фракциясе җитәкчесе Хафиз Миргалимов очрашты.

Бүген Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин партия Рәисе Дмитрий Медведевның төбәк җәмәгать кабул итү бүлмәсендә гражданнарны кабул итте. Парламент башлыгына Казан кешеләре фатир ремонтлау һәм кайбер спорт төрләре үсешенә ярдәм итү турында сораулар белән мөрәҗәгать итте.

Бүген Дәүләт Советында матбугат конференциясе узды, анда КПРФ парламент фракциясе әгъзалары республиканың муниципаль берәмлекләре вәкиллекле органнары депутатларын өстәмә сайлау нәтиҗәләре һәм парламент утырышлары нәтиҗәләре турында фикер алыштылар. Журналистларның сорауларына РФ Дәүләт Думасы депутаты Артем Прокофьев, ТР Дәүләт Советында КПРФ фракциясе җитәкчесе, Дәүләт төзелеше һәм җирле үзидарә комитеты рәисе урынбасары Хафиз Миргалимов һәм Дәүләт Советы депутаты Фәдбир Сафин җавап бирделәр.