Яңалыклар

Бүген, Габдулла Тукайның тууына 136 ел тулган көнне, Дәүләт Советы Рәисе Фәрит Мөхәммәтшин Санкт-Петербургның Петроград районындагы Тукай скверында урнашкан бөек татар шагыйре һәйкәленә чәчәкләр салды.

Бүген Казанда Туган тел көненә багышланган һәм татар классигы, шагыйрь Габдулла Тукайның тууына 136 ел тулу уңаеннан чаралар уза.  Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев, шулай ук ТР Дәүләт Советы депутатлары шагыйрь һәйкәленә чәчәкләр салды.

Татарстан Республикасы Дәүләт Советы хатын-кыз депутатларының «Мәрхәмәт-Милосердие» берләшмәсе Татарстан Республикасында Кеше хокуклары буенча вәкаләтле вәкил белән берлектә телефон аша «Хатын-кыз игътибары» кайнар линиясе уздырачак һәм бала карау ялында булган хатын-кызлардан килгән актуаль сорауларга җавап бирәчәк.

Бүген Алабугада узган Татарстан халыклары ассамблеясе Советы Президиумының күчмә утырышында туган телләрне саклау һәм үстерү мәсьәләләре турында фикер алыштылар. Утырышны Татарстан парламенты башлыгы, Татарстан халыклары ассамблеясе Советы рәисе Фәрит Мөхәммәтшин уздырды.

Гражданнарның сәламәтлеген саклау өлкәсендәге аерым мәсьәләләрне җайга салу турында республика законына үзгәрешләр кертү хакында закон проекты беренче укылышта һәм тулаем кабул ителде. Документ республика законнарын федераль законнарга туры китерү максатларында эшләнгән.

Бүген Дәүләт Советы утырышында депутатлар ТР Иҗтимагый палатасының "ТРда 2021 елда гражданлык җәмгыяте институтларының торышы һәм үсеше турында" докладын тыңладылар. Аны палата рәисе Зилә Вәлиева тәкъдим итте.

Бүген бала хокукларын һәм законлы мәнфәгатьләрен яклау буенча аерым чаралар турында республика закон проекты беренче укылышта һәм тулаем кабул ителде. Документ Дәүләт Советы депутатлары Светлана Захарова, Светлана Вострикова һәм Алсу Нәбиева тарафыннан кертелгән.

«Автомобиль юллары һәм юл эшчәнлеге турында» Татарстан Республикасы законы проекты республика законнарын федераль законнарга туры китерү максатларында эшләнде. Документны Торак сәясәте һәм инфраструктура үсеше комитеты рәисе Александр Тыгин тәкъдим итте.

Татарстан Республикасы Президентының мәдәният, сәламәтлек саклау, мәгариф, социаль хезмәт күрсәтү өлкәсендәге оешмалар тарафыннан хезмәт күрсәтү сыйфатын бәйсез бәяләү нәтиҗәләре турында мәҗбүри хисабы 2021 ел нәтиҗәләре буенча Дәүләт Советы утырышында каралды. Хисапны Татарстан Республикасы Премьер-министры урынбасары Ләйлә Фазлыева тәкъдим итте.

Бүген Дәүләт Советы утырышында беренче укылышта авыл хуҗалыгы билгеләнешендәге җирләрнең уңдырышлылыгы турында республика законына үзгәрешләр кертү хакында закон проекты кабул ителде, ул республика законнарында кайбер федераль законнарга кертелгән үзгәрешләрне исәпкә алу зарурлыгына бәйле рәвештә әзерләнгән.