Яңалыклар

2023 елга һәм 2024 - 2025 елларның планлы чорына республика бюджеты турындагы закон проекты профильле юнәлешләр буенча парламент комитетларында карау процедурасын узды һәм беренче укылышта кабул итү өчен тәкъдим ителде. Бүген Бюджет, салымнар һәм финанс комитеты утырышында закон проекты буенча җыелма бәяләмә кабул ителде, анда Дәүләт Советының барлык комитетларының тәкъдимнәре һәм искәрмәләре исәпкә алынган. Моннан тыш, парламентарийлар 65 һәм аннан өлкәнрәк яшьтәге гражданнарга шәхси медицина оешмаларын медицина-социаль хезмәтләр күрсәтүгә җәлеп итү буенча сынау проектын гамәлгә ашыру мәсьәләләре буенча фикер алыштылар. Утырышта Дәүләт Советы Рәисе урынбасары Марат Әхмәтов һәм Дәүләт Думасы депутаты Айрат Фәррахов катнашты.

ТР Дәүләт Советы Рәисе Фәрит Мөхәммәтшин Төрекмәнстанның Казандагы Генераль консулы Гуйч Гәрәев белән очрашты. Парламент җитәкчесе дипломатны үз вазыйфасына керешүе белән котлады, шулай ук Россия-Төрекмәнстан стратегик партнерлыгы кысаларында Татарстан белән Төрекмәнстан арасындагы дустанә мөнәсәбәтләрне, шул исәптән парламентара элемтәләрне ныгытуга ышаныч белдерде.

6 ноябрьдә Татарстан Республикасы Конституциясен кабул итүгә 30 ел тула. Шуңа бәйле рәвештә, Татарстан Республикасы халкын хокукый агарту буенча комплекслы эш кысаларында, “Татарстан Республикасы гражданлык инициативаларын яклау үзәге” төбәк иҗтимагый фонды тарафыннан “Татарстан Республикасы Конституциясенең 30 еллыгы – үзеңне тикшер!” республика конкурсы оештырылды.

Бүген Торак сәясәте һәм инфраструктура үсеше комитеты утырышында депутатлар республиканың 2023 елга һәм 2024 - 2025 еллар чорына ТР бюджеты турындагы закон проектын карадылар. Комитет утырышында Дәүләт Советы Рәисе урынбасары Юрий Камалтынов катнашты.

ТР Дәүләт Советы Рәисе Фәрит Мөхәммәтшин Казанның 182 нче номерлы политехник лицеенда узган «Мөһим нәрсәләр турында сөйләшүләр» дәресе кунагы булды. Быелның сентябреннән башлап, гадәттәгечә, илнең барлык мәктәпләрендә дүшәмбе көннәрендә уздырыла торган сыйныф сәгате бүген Бөтенроссия Әтиләр көне алдыннан узды һәм әлеге бәйрәмгә багышланды.

Бүген ТР Дәүләт Советы Рәисе Фәрит Мөхәммәтшин Казанда Батыршин урамында оештырылган авыл хуҗалыгы ярминкәсендә булды.

Бүген Дәүләт Советында Мәгариф, мәдәният, фән һәм милли мәсьәләләр комитеты утырышында 2023 елга һәм 2024 һәм 2025 елларның планлы чорына республика бюджеты турында закон проекты каралды. Утырыш эшендә Дәүләт Советы Рәисе урынбасары Марат Әхмәтов, Дәүләт Советы секретаре Лилия Маврина катнашты. Утырышны профиль комитеты рәисе урынбасары Людмила Рыбакова үткәрде.

Дәүләт Советы Рәисе, Татарстанның Волейбол федерациясе президенты Фәрит Мөхәммәтшин республиканың ветеран волейболчылары белән очрашты. Яше 50дән узган хатын-кызлардан тупланган Татарстан командасы Россия чемпионатында җиңү яулады.

Бүген Дәүләт Советында Экология, табигатьтән файдалану, агросәнәгать һәм азык-төлек сәясәте комитеты утырышы булды, анда депутатлар республиканың 2023 елга һәм 2024 һәм 2025 елларның планлы чорына бюджеты турындагы закон проектын карадылар. Утырыш эшендә ТР Дәүләт Советы Рәисе урынбасары Марат Әхмәтов катнашты.

Бүген Дәүләт Советында «2023 елга, 2024 һәм 2025 еллар план чорына Татарстан Республикасы бюджеты турында» республика законы проекты буенча парламент тыңлаулары узды. Республиканың төп финанс законы турында фикер алышуда Татарстан Премьер-министры Алексей Песошин, Дәүләт Советы Рәисе урынбасарлары Марат Әхмәтов һәм Юрий Камалтынов, Дәүләт Советы депутатлары, профильле министрлыклар һәм ведомстволар, иҗтимагый оешмалар җитәкчеләре катнашты. Парламент тыңлауларын Бюджет, салымнар һәм финанс комитеты рәисе Леонид Якунин үткәрде.