Яңалыклар

Бүген Яшел Үзән муниципаль районында "Васильевский" шифаханәсендә ТР Дәүләт Советының хатын-кыз депутатлар берләшмәсенең "Мәрхәмәт-Милосердие" күчмә утырышы булды. Анда парламентарийлар хатын-кызлар өчен дистанцион эш режимын куллану, аларга куркынычсыз эш шартларын тәэмин итү һәм хезмәтне саклау мәсьәләләре буенча фикер алыштылар.

Бүген Казанда «Нечкәбил-2022» республика бәйгесе кысаларында Татарстан гаиләләренең «Гаиләнең мәдәни коды» дип аталган фестивале узды. Лауреатларны һәм конкурсның күпсанлы кунакларын ТР Дәүләт Советы Рәисе Фәрит Мөхәммәтшин сәламләде.

Дәүләт Советы депутатларының округларда актив эше дәвам итә. Бу атнада парламентарийлар республика муниципалитетларында булдылар, анда мөһим социаль объектлар ачуда катнаштылар, иҗади проектларга йомгак ясадылар, шулай ук гражданнарны кабул иттеләр.

Бүген Казанда "Игелек.Конференция-2022" дигән форум эшли башлады. Россиянең 80нән артык төбәгеннән килгән волонтерлар оешмалары вәкилләрен Татарстан җитәкчелеге исеменнән Дәүләт Советы Рәисе Фәрит Мөхәммәтшин сәламләде.

Бүген Казанның  В.И. Качалов исемендәге академия рус Зур драма театрында чираттагы, 232 нче сезон ачылды. Яңа сезонның беренче спектакле Н.В. Гогольнең «Ревизор» комедиясе булды. Дәүләт Советы Рәисе Фәрит Мөхәммәтшин хатыны Луиза ханым белән спектакль карады, актерлар белән аралашты һәм театр труппасын истәлекле вакыйга белән котлады.

Дәүләт Советы депутатлары көзге сессиянең тәүге утырышына 23 сентябрьдә җыела. Парламент Президиумы утырышында шундый карар кабул иттеләр. Депутатлар 28 мәсьәлә, шул исәптән 19 республика законы проектын, 2 федераль закон проектын һәм Россия субъектлары закон чыгару органнарының 2 мөрәҗәгатен карап тикшерергә ниятли.

14 сентябрь көнне Әлмәттә Экология, табигатьне куллану, агросәнәгать һәм азык-төлек сәясәте комитетының күчмә утырышы булды, анда парламентарийлар Татнефть мисалында атмосфера һавасын, җирне, су объектларын саклау өлкәсендә экологик законнарны үтәү проблемалары турында сөйләштеләр. Утырышта Татарстан Республикасы Дәүләт Советы Рәисе урынбасары Марат Әхмәтов катнашты.

Бүген ТР Дәүләт Советының Дәүләт корылышы һәм җирле үзидарә комитеты утырышында Татарстан Республикасы Үзәк сайлау комиссиясен формалаштыру, республиканың территориаль чикләрен үзгәртү турында ТР законнары проектлары, шулай ук ТР Сайлау кодексына үзгәрешләр кертү мәсьәләләре  каралды. Утырышның көн тәртибенә шулай ук Федераль закон проектлары да кертелгән иде.

Татарстан Республикасы территориясендә архив эше өлкәсендә бердәм дәүләт сәясәтен гамәлгә ашыру мәсьәләләре буенча бүген Дәүләт архивында узган Икътисад, инвестицияләр һәм эшкуарлык комитеты һәм комитет каршындагы Эксперт советының күчмә утырышында фикер алыштылар.

ТР Дәүләт Советының Социаль сәясәт комитетының бүгенге утырышында балигъ булмаганнарга аерым товарлар сату буенча чикләүләр билгеләүче закон проекты каралды.