Яңалыклар

Депутатлар гуманитар миссия белән Донбасс төбәкләренә баруларын дәвам итәләр. Узган атнада Луганскида РФ Дәүләт Думасы депутаты Татьяна Ларионова, ТР Дәүләт Советы депутаты Камил Нугаев, «Бердәм Россия» партиясенең Татарстан бүлеге башкарма комитеты җитәкчесе Марат Сәмигуллин һәм «Яшь гвардия» волонтерлары булдылар.

Бүген ТР Дәүләт Советы Рәисе Фәрит Мөхәммәтшин җитәкчелегендә Татарстан Республикасы делегациясе Казахстан Республикасында, Абай өлкәсенең башкаласы Семей шәһәрендә булды, анда беренче Халыкара Иртыш буе Сабантуе узды.

Сәйдәш исемендәге дәүләт Зур концертлар залында Финанс хезмәткәре көненә багышланган тантаналы чара узды. Финанс өлкәсе хезмәткәрләрен һәм ветераннарын һөнәри бәйрәмнәре уңаеннан республика җитәкчелеге исеменнән Дәүләт Советы Рәисе Фәрит Мөхәммәтшин котлады.

Казанда, Россия Юстиция министрлыгы оештырылуга 220 ел тулуга багышлап, министрлыкның Татарстан буенча идарәсенең тантаналы җыелышы узды. Бәйрәм уңаеннан идарә коллективын һәм ветераннарын республика җитәкчелеге исеменнән Дәүләт Советы Рәисе Фәрит Мөхәммәтшин котлады.

Бүген ТР Дәүләт Советы Рәисе Фәрит Мөхәммәтшин Казахстан Республикасының Россия Федерациясендәге Гадәттән тыш һәм Тулы вәкаләтле илчесе Ермек Кошербаев белән очрашты. Алар регионнар арасында перспектив хезмәттәшлек мәсьәләләре һәм парламентара элемтәләрне киңәйтү мөмкинлекләре турында фикер алышты.

Бүген Казан Ратушасында XVIII Халыкара мөселман киносы фестивале ачылды, ул Казанда 7-11 сентябрь көннәрендә Татарстан Президенты Рөстәм Миңнеханов химаясендә һәм «Россия - ислам дөньясы» стратегик караш төркеме белән партнерлыкта уза. Кунакларны һәм кинофорумда катнашучыларны республика җитәкчелеге исеменнән Дәүләт Советы Рәисе Фәрит Мөхәммәтшин сәламләде.

7 сентябрьдә Буа муниципаль районында Татарстан халыклары телләренең бүгенге торышы мәсьәләләренә багышланган зона семинар-киңәшмәсе узды. Аны Татарстан Республикасы Дәүләт Советы Рәисе урынбасары, Татар телен һәм Татарстан Республикасында яшәүче халыкларның туган телләрен саклау, үстерү мәсьәләләре буенча Татарстан Республикасы Президенты каршындагы комиссия рәисе Марат Әхмәтов үткәрде.

Бүген Казанда "Пирамида" мәдәни-күңел ачу комплексында  балалар һәм яшьләр иҗтимагый берләшмәләре лидерларының һәм җитәкчеләренең "XXI гасыр лидеры" 20нче Бөтенроссия конкурсының финалы старт алды. Быел конкурс “Большая перемена” Бөтенроссия конкурсының ярымфиналы кысасында уза. Бәйгедә катнашучыларны һәм оештыручыларны республика җитәкчелеге исеменнән ТР Дәүләт Советы Рәисе Фәрит Мөхәммәтшин сәламләде.

ТР Дәүләт Советы депутатлары гуманитар миссия белән Донбасска баруларын дәвам итә.

Бүген Казанда ТР Габдулла Тукай исемедәге Дәүләт премиясе лауреаты, ТР Дәүләт Советы депутаты Роберт Миңнуллинга истәлекле такта ачтылар. Аны Толстой урамында шагыйрь 2000-2020 елларда яшәгән йорт фасадында урнаштырдылар. Такта ачу тантанасында ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, ТР мәдәният министры Ирада Әюпова, Дәүләт Советы депутатлары, шагыйрьнең туганнары һәм якыннары, җәмәгатьчелек һәм иҗат интеллигенциясе вәкилләре катнашты