Яңалыклар

РФ ФҖ Дәүләт Думасы Рәисе Вячеслав Володин Республика парламентарийларын Җиңү көне белән котлады. Россия парламентының түбән палатасы спикеры Дәүләт Советы Рәисе вазыйфаларын башкаручы Марат Әхмәтовка котлау телеграммасы юллады.

Бүген Казанның Дәрвишләр бистәсендә, Сәетгалиев исемендәге Мәдәният йорты янындагы паркта Бөек Ватан сугышы каһарманнары  истәлеге мемориалына чәчәкләр салдылар. Митингта Дәүләт Советы Секретаре Лилия Маврина, Татарстанның архив эше буенча Дәүләт комитеты рәисе Гөлнара Габдрахманова, шулай ук ветераннар, яшьләр оешмалары активистлары һәм Казанда яшәүчеләр катнашты.

Бүген Дәүләт Советының Мактаулы рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин «ветеранга шалтырату» акциясе кысаларында Бөек Ватан сугышы ветераннары Галимҗан Мостафин һәм Инком Абдуллин белән аралашты, аларны якынлашып килүче Җиңү көне белән котлады, нык сәламәтлек һәм озын гомер теләде.

Бүген Казанда Горький исемендәге үзәк мәдәният һәм ял паркында Бөек Ватан сугышында Җиңүгә багышланган патриотик акция узды. Милли-мәдәни берләшмәләр, Татарстан халыклары Ассамблеясе, республиканың күпмилләтле яшьләре вәкилләре һәм «хәтер йөрәге» акциясендә катнашучылар Мәңгелек утка һәм Билгесез солдат һәйкәленә чәчәкләр салды, шулай ук сугыш турында төрле телләрдә шигырьләр укыдылар. Чарада катнашучыларны Дәүләт Советының Мактаулы рәисе, Татарстан халыклары Ассамблеясе Рәисе Фәрит Мөхәммәтшин сәламләде.

Бүген Башкортстан Республикасының Уфа шәһәрендәге Дәүләт Җыелышы – Корылтае йортында Башкортстан парламенты Рәисе Константин Толкачев белән хушлашу мәрәсиме узды. Мәрхүмне соңгы юлга озатырга Башкортстан Республикасы башлыгы Радий Хәбиров, Федерация Советының фән, мәгариф һәм мәдәният комитеты рәисе Лилия Гомәрова, Татарстан Дәүләт Советының мактаулы рәисе Фәрит Мөхәммәтшин, Дәүләт корылышы һәм җирле үзидарә комитеты рәисе Альберт Хәбибуллин, Татарстан Республикасының Башкортостан Республикасындагы даими вәкиле Илсур Ихсанов, Башкортостан Дәүләт җыены депутатлары, федераль һәм региональ хакимият органнары, руханилар, республика халкы килгән иде.

Бүген Казанның Петров исемендәге паркында «Казан дары заводы хезмәткәрләре – 1941-1945 елларда Бөек Ватан сугышы ветераннарының Дан аллеясы» мемориалы янында Җиңү көненә багышланган митинг узды. Ветераннарны якынлашып килүче бәйрәм белән Дәүләт Советы депутатлары Александр Лившиц һәм Елена Кузьмичева котлады.

Бүген Казанның Ямашев урамындагы йорт ишегалдында Бөек Ватан сугышы ветераннары һәм тыл хезмәтчәннәренә бәйрәм концерты куйдылар. Бәйрәмгә фашист концлагерьларе тоткыны, тыл хезмәтчәне Зәйтүнә Хөсәенова, Ленинград камалышында калучылар Зинаида Бушуева, Валентина Красюк, Козета Ивановалар чыкырылган иде. Ветераннарны якынлашып килүче Җиңү көне белән Дәүләт Советы депутатлары Ольга Воронова һәм Руслан Шиһабеддинов котладылар.

Бүген Яшел Үзән районы Осиново бистәсенең Җиңү паркында «Җиңү утын саклыйбыз» дигән тантаналы чара узды. Бөек Ватан сугышы елларында һәлак булганнарга һәйкәл мемориалы табигый газга  тоташтырылды. Бер үк вакытта бөтен Россия буенча тагын 11 мемориалны тоташтырдылар. «Бердәм Россия» һәм «Газпром» проекты буенча Мәңгелек ут Тверь, Белгород, Ульяновск, Төмән, Новгород һәм Омск өлкәләрендә, шулай ук Дагыстан, Татарстан һәм Чувашия Республикаларында, Краснодар, Пермь һәм Ставрополь крайлары хәрби мемориалларда кабынды.

Бүген «Бердәм Россия» партиясенең төбәк бүлегендә видеоэлемтә режимында Идел буе федераль округының Россия Федерациясе субъектлары закон чыгару оешмалары хатын-кыз депутатларының «Ватанны саклаучыларның гаиләләренә ярдәм итү - дәүләт социаль сәясәтенең өстенлекле юнәлеше» темасына утырыш узды. Җыелышта  катнашучылар хәрбиләрнең гаиләләренә социаль ярдәм чараларын гамәлгә ашыруның актуаль мәсьәләләре турында фикер алышты, шулай ук төбәкләрдәге иң яхшы тәҗрибәләр белән уртаклашты. Утырышта катнашучыларны РФ Федераль Җыены Дәүләт Думасы депутаты Татьяна Лионова сәламләде. Утырышны ТР Дәүләт Советының «Мәрхәмәт-Милосердие» хатын-кыз депутатлар берләшмәсе җитәкчесе Алсу Нәбиева үткәрде.

Бүген Дәүләт Советының мактаулы рәисе Фәрит Мөхәммәтшин Казан федераль университетының Социаль-фәлсәфи фәннәр һәм массакүләм коммуникацияләр институтының «Политология» юнәлеше буенча белем алучы студентлар белән очрашты. Очрашу «Персона» проекты кысаларында Татарстанда «Бердәм Россия»гә иҗтимагый ярдәм штабында узды.