Яңалыклар

«Татарстан-Яңа гасыр» республика иҗтимагый хәрәкәтенең унынчы хисап-сайлау съезды 29 июньдә Казанда узачак. Мондый карар бүген Идел буе дәүләт су транспорты университетының Казан филиалында узган республика иҗтимагый хәрәкәтенең Югары Советы утырышында кабул ителде. Моннан тыш, хәрәкәт әгъзалары уставны үзгәртү буенча тәкъдимнәрне карадылар һәм берничә оештыру мәсьәләләрен тикшерделәр.

Бүген Дәүләт Советы депутатлары һәм парламент аппараты хезмәткәрләре Казан шәһәренең Ленин бакчасында узган язгы өмәгә чыктылар. Казанның иң матур паркларының берсен җыештыруда шулай ук «Бердәм Россия» партиясенең төбәк бүлеге башкарма комитеты, «Бердәм Россиянең Яшь гвардиясе» һәм төбәк җәмәгать кабул итү бүлмәсе әгъзалары катнашты. 

Бүген Икътисад, инвестицияләр һәм эшкуарлык комитеты рәисе Лотфулла Шәфигуллин Дәүләт Советына комитетның агымдагы чакырылыштагы эшчәнлеге турында мәгълүмат бирде. Парламентарийлар комитет хисабын игътибарга алдылар.

Бүген Дәүләт Советы утырышында депутатлар Татарстан Республикасы территориясендә автомобиль юллары һәм юл эшчәнлеге турында республика законының 33 статьясына үзгәрешләр кертү хакында закон проектын карадылар.

Бүген Дәүләт Советы утырышында Дәүләт Советы депутаты статусы һәм Татарстан Республикасы дәүләт вазыйфалары турында республика законнарына үзгәрешләр кертү хакында закон проекты беренче укылышта кабул ителде.

"Татарстан Республикасы дәүләт граждан хезмәте турында" Татарстан Республикасы Законына үзгәрешләр кертү хакында" ТР законы проекты Татарстан Республикасы законнарын федераль законнарга туры китерү максатларында әзерләнгән.

Татарстан Республикасы юстиция министры Рөстәм Заһидуллин «Татарстан Республикасы дәүләт хакимиятенең башкарма органнары турында» Татарстан Республикасы Законына үзгәрешләр кертү хакында»  ТР закон проектын тәкъдим итте. Закон проекты «Россия Федерациясе субъектларында иҗтимагый хакимиятне оештыруның гомуми принциплары турында» Федераль законга һәм ТР Конституциясенә туры китерү максатыннан әзерләнгән.

Бүген парламент утырышында даими профессиональ нигездә эшләүче Дәүләт Советы депутатлары саны турында республика законының 1 статьясына үзгәреш кертү хакында закон проекты беренче укылышта һәм тулаем кабул ителде. Закон проекты профессиональ нигездә эшләүче депутатлар санын 23 кешегә кадәр арттыра (моңа кадәр парламент 22 депутат өчен төп эш урыны иде).

Бүген Дәүләт Советының кырык өченче утырышы кысаларында парламентта «Язылу бүләк ит» хәйрия акциясе оештырылды.  Депутатлар республиканың социаль учреждениеләре өчен 2023 елның икенче яртыеллыгына газета һәм журналларга язылдылар.

Бүген Дәүләт Советы утырышында Татарстан Республикасы Министрлар Кабинетының 2022 елдагы эшчәнлеге нәтиҗәләре турында хисап каралды. Әлеге мәсьәлә буенча төп доклад белән республика Премьер-министры Алексей Песошин чыгыш ясады.