Яңалыклар

Дәүләт Советы депутатларының округларда эше дәвам итә. Бу атнада парламентарийлар гражданнарны кабул иттеләр, республика муниципалитетларында социаль объектлар ачылышында катнаштылар, хәйрия концертында булдылар, республиканың студентлар хезмәт отрядларын хәрәкәтнең 60 еллыгы белән котладылар.

Бүген Казанда «Многоликая Россия» XIV Бөтенроссия ачык журналистлар конкурсында җиңүчеләргә бүләкләр тапшыру тантанасы узды. Республика җитәкчелеге исеменнән конкурс лауреатларын һәм җиңүчеләрен Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин сәламләде.

Бүген Дәүләт Советы Рәисе Фәрит Мөхәммәтшин РФ ФС Дәүләт Думасының Милләтләр эшләре комитеты рәисе Геннадий Семигин белән очрашты. Очрашуда дәүләт милли сәясәтен гамәлгә ашыруның актуаль мәсьәләләре, аерым алганда, әлеге өлкәдә норматив-хокукый базаны камилләштерү турында фикер алыштылар.

Бүген Дәүләт Советының 48 нче утырышы барышында парламентарийларга Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәтнең Татарстан Республикасы буенча идарәсе эшчәнлеге турында доклад тәкъдим ителде. Мәгълүматны ведомство җитәкчесе Юрий Никитин тәкъдим итте.

Хөкүмәт сәгате кысаларында парламентарийлар дәүләт һәм муниципаль хезмәтләрне цифрлы форматта күрсәтү турындагы мәгълүматны тыңладылар, аны Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин тәкъдим итте.

Бүген Дәүләт Советы утырышында җирле үзидарә органнарына гражданлык хәле актларын дәүләт теркәвенә алу вәкаләтләрен бирү турында республика законына үзгәрешләр кертү хакында закон проекты беренче укылышта һәм тулаем кабул ителде.

Бүген Дәүләт Советы утырышында гражданнарның гаражларга һәм алар урнашкан җир кишәрлекләренә хокуклар алуына бәйле аерым мәсьәләләрне җайга салу турында һәм Татарстан Республикасы Җир кодексының 3 статьясына үзгәрешләр кертү хакында закон проекты кабул ителде. Документ кадастр эшләрен башкару процессында хокук мөнәсәбәтләрен җайга салуга юнәлдерелгән.

Бүген Дәүләт Советы утырышында Гражданнарның сәламәтлеген саклау өлкәсендәге аерым мәсьәләләрне җайга салу турындагы республика законының 4 һәм 5 статьяларына үзгәрешләр кертү турында закон проекты беренче укылышта кабул ителде. Закон проекты белән Татарстан Республикасы Министрлар Кабинетының республикада гражданнарның сәламәтлеге торышы турындагы еллык докладын тыңларга тәкъдим ителә.

Бүген ТР Дәүләт Советы утырышында «Татарстан Республикасында гражданнарның җыелышлар, митинглар, демонстрацияләр, урам йөрешләре һәм пикетлар уздыру хокукларын гамәлгә ашыру шартларын тәэмин итү турында» Татарстан Республикасы Законының 10 статьясына үзгәреш кертү хакында» закон проекты каралды. Документ беренче һәм өченче укылышта кабул ителде.

Бүген Дәүләт Советы утырышында парламентарийлар тарафыннан Экология, табигый ресурслар һәм агросәнәгать һәм азык-төлек сәясәте комитеты тәкъдим иткән «Татарстан Республикасы Экология кодексына үзгәрешләр кертү турында» ТР законы проекты беренче укылышта каралды.