Яңалыклар

Депутатларның сайлау округларында эшчәнленге дәвам итә. Бу атнада парламентарийлар гражданнарны кабул итте, бакчачылык ширкәтләре җитәкчеләре, "ПолитЗавод2025" проектында катнашучылар белән очрашты, дипломнар, аттестатлар тапшыруда катнаштылар, удмурт һәм чуваш халкының милли бәйрәмнәре "Гырон быдтон" һәм "Уяв"та булдылар.  

Республиканың «Татарстан – Яңа гасыр» хәрәкәте әгъзалары Рөстәм Миңнехановның Татарстан Республикасы Рәисе вазыйфасына кандидатурасын хупладылар. Бүген «Татарстан – Яңа гасыр» республика иҗтимагый хәрәкәтенең Югары Советы утырышында шундый карар кабул ителде. Утырышны Дәүләт Советы Рәисе, «Татарстан – Яңа гасыр» хәрәкәте Югары Советы Рәисе Фәрит Мөхәммәтшин үткәрде.

Бүген Татарстан Республикасы Иҗтимагый палатасында гаилә, мәхәббәт һәм тугрылык көненә багышланган «Никах, гаилә һәм закон: хокукый кырда традицион кыйммәтләрне ничек ныгытырга» дигән темага түгәрәк өстәл узды. Әлеге  чарада экспертлар, юристлар, хакимият һәм иҗтимагый оешмалар вәкилләре  закон белән гаилә мөнәсәбәтләрен җайга салу һәм ныгыту турында фикер алыштылар. Түгәрәк өстәл утырышында Социаль сәясәт комитеты рәисе Светлана Захарова катнашты.

Бүген Мәскәүдә Милләтара мөнәсәбәтләр һәм дини берләшмәләр белән хезмәттәшлек советы утырышы узды, аны РФ ФС Федерация Советы Рәисе урынбасары, Совет рәисе Константин Косачев уздырды. Парламентарийлар, тармак министрлыклары һәм ведомстволары, фәнни һәм эксперт җәмәгатьчелеге вәкилләре Россия Федерациясенең этномәдәни һәм тел төрлелеген саклау мәсьәләләре буенча фикер алыштылар. Утырышта видеоэлемтә режимында Дәүләт Советы Рәисе, Милләтара мөнәсәбәтләр һәм дини берләшмәләр белән хезмәттәшлек советы Рәисе урынбасары, Татарстан халыклары Ассамблеясе рәисе Фәрит Мөхәммәтшин катнашты.

Бүген Дәүләт Советы Рәисе урынбасары Марат Әхмәтов Мамадыш районында булды, анда Соколка авылы янындагы «Кама» балаларны савыктыру лагереның эше белән танышты, педагоглар һәм ял итүче балалар белән аралашты, лагерьда нинди чаралар узуы турында сорашты.

Бүген Дәүләт Советы Рәисе урынбасары, Татарстан Республикасы Рәисе каршындагы татар телен һәм республикада яшәүче халыкларның туган телләрен саклау, үстерү мәсьәләләре комиссиясе рәисе Марат Әхмәтов «Туган тел» һәм «туган татар әдәбияты»ннан бердәм республика имтиханын уңышлы тапшырган чыгарылыш сыйныф укучылары һәм аларны әзерләгән укытучылар белән очрашты. Очрашу Галиәсгар Камал исемендәге Татар дәүләт академия театрының яңа бинасында узды.

Бүген Дәүләт Советында Казан дәүләт медицина университеты һәм Ташкент медицина академиясенең уртак белем бирү проектының беренче халыкара чыгарылышы студентларына дипломнар тапшыру тантанасы булды. Белем бирү программасын уңышлы үзләштергән һәм йомгаклау аттестациясен узган 26  кеше «табиб» квалификациясе белән югары белем турында диплом алды. Шул ук вакытта әлеге дипломнар Россиядә дә, Үзбәкстанда да медицина өлкәсендә эшләргә мөмкинлек бирә. Республика җитәкчелеге исеменнән педагогларны, яшь белгечләрне, аларның туганнарын һәм якыннарын Дәүләт Советы Рәисе, Татарстан халыклары Ассамблеясе Рәисе Фәрит Мөхәммәтшин сәламләде.

Дәүләт Советы депутатлары Ислам Республикасы территориясенә Америка һәм Израиль ракета-бомба һөҗүмнәре нәтиҗәсендә күп санлы кеше корбаннары һәм җимерелүләр уңаеннан Иран халкының кайгысын уртаклаштылар. Бүген Иранның Казандагы Генераль Консуллыгында парламентарийлар кайгы уртаклашу китабында язу калдырдылар.

Россия Федерациясендә һәм Беларусь Республикасында Максим Роганов исемендәге Закон чыгару инициативаларының халыкара конкурсы старт алды. Конкурсны уздыру инициативасы белән Дәүләт Думасының Яшьләр сәясәте комитеты, Беларусь Республикасы Милли Җыелышы Советы каршындагы Яшьләр Советы (Парламент), Россия яшьләр берлегеһәм парламент партияләренең яшьләр канатлары ярдәмендә Дәүләт Думасы каршындагы Яшьләр парламенты чыкты.

Хөрмәтле татарстанлылар, барлык дәрәҗәдәге вәкиллекле хакимият органнары депутатлары! Сезне чын күңелдән Халыкара парламентаризм көне белән котлыйм.