Яңалыклар

Бүген Дәүләт Советында Социаль сәясәт комитеты утырышы узды, анда депутатлар республикадагы демографик вәзгыять турында фикер алыштылар. Утырышта Дәүләт Советы Рәисе урынбасары Юрий Камалтынов катнашты.

Бүген Казан хореография училищесында Мәгариф, мәдәният, фән һәм милли мәсьәләләр комитеты һәм комитет каршындагы Эксперт советының уртак күчмә утырышы булды, анда депутатлар сәнгать өлкәсендә урта һөнәри белем бирүне үстерү мәсьәләләре турында фикер алыштылар. Парламентарийлар шулай ук федераль закон проектын карадылар, аның нигезендә Татарстан урта һөнәри белем алу мөмкинлеген киңәйтү буенча экспериментта катнашучыларның берсе булачак. Утырышны Мәгариф, мәдәният, фән һәм милли мәсьәләләр комитеты рәисе Айрат Зарипов үткәрде. Утырыш эшендә ТР Рәисе ярдәмчесе, ТР Рәисенең Дәүләт Советындагы тулы вәкаләтле вәкиле Александр Терентьев катнашты.

Дәүләт һәм муниципаль сатып алуларның нәтиҗәлелеген арттыру мәсьәләләре бүген Дәүләт Советында узган Икътисад, инвестицияләр һәм эшкуарлык комитеты утырышында каралды. Моннан тыш, парламентарийлар инвестиция эшчәнлеге турындагы республика законының аерым статьяларына үзгәрешләр кертү турындагы закон проектын карадылар. Утырыш эшендә Дәүләт Советы Рәисе урынбасары Марат Әхмәтов катнашты.

Бүген республика парламентында узган Дәүләт корылышы һәм җирле үзидарә комитеты утырышында гражданнарга үзара салым һәм инициатив проектлар өлешендә җирле үзидарә турындагы законнарны гамәлгә ашыру мәсьәләләре турында фикер алыштылар. Моннан тыш, депутатлар Конституция советы турындагы республика законына үзгәрешләр кертү турындагы закон проектын карадылар.

Бүген Казанның «Әкият» курчак театрында «Мәктәп экопатруле» республика конкурсында җиңүчеләрне бүләкләү тантанасы узды. Конкурс лауреатларын һәм җиңүчеләрен Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов сәламләде һәм батарея җыю буенча иң яхшы командаларны бүләкләде.

Бүген Лаеш районында Торак сәясәте һәм инфраструктура үсеше комитетының күчмә утырышы булды, анда парламентарийлар республикада коммуналь инфраструктураны модернизацияләү программасын гамәлгә ашыру мәсьәләләре буенча фикер алыштылар. Торак сәясәте һәм инфраструктура үсеше комитеты рәисе Андрей Егоров үткәргән утырышта ТР Рәисе ярдәмчесе, Татарстан Республикасы рәисенең ТР Дәүләт Советындагы тулы вәкаләтле вәкиле Александр Терентьев катнашты.

Казан шәһәренең Г.Камал исемендәге Татар дәүләт академия театрында Татарстанның халык язучысы, күренекле драматург һәм җәмәгать эшлеклесе, берничә чакырылыш Татарстан парламенты депутаты булган Туфан Миңнуллинның тууына 90 ел тулуга багышланган Хәтер кичәсе узды. Тантаналы чарада Дәүләт Советы Рәисе урынбасары, Татарстан Республикасы Рәисе каршындагы татар телен һәм Татарстан Республикасында яшәүче халыкларның телләрен саклау һәм үстерү комиссиясе рәисе Марат Әхмәтов катнашты.

Дәүләт Советының унбишенче утырышында кабул ителгән республика законнары үз көченә керә. Опекуннарга һәм попечительләргә түләүләр өч тапкырга артачак, быел республика бюджетына кергән өстәмә акчалар социаль һәм инфраструктура проектларын гамәлгә ашыруга юнәлдереләчәк, ә реабилитацияләнгән гражданнар республика муниципалитетларында торакка мохтаҗ буларак исәпкә баса алачак. Болар хакында тулырак – «Закон үз көченә керде» дигән даими рубрикада.

Запорожье өлкәсенә, Луганск һәм Донецк Халык Республикаларына Татарстаннан чираттагы гуманитар йөк китерелде. Махсус хәрби операция уздыру зонасына гуманитар конвойны Дәүләт Советының Икътисад, инвестицияләр һәм эшмәкәрлек комитеты рәисе Рәгать Хөсәенов, шулай ук Лениногорск районы администрациясе вәкилләре озатып  барды.

Бүген Хөкүмәт йортында «Татарстан Республикасының иң яхшы дәүләт граждан хезмәткәре» республика конкурсында җиңүчеләрне бүләкләделәр. 12 җиңүчегә бүләкләрне Татарстан Республикасы Рәисе Рөстәм Миңнеханов тапшырды. Аларның берсе ТР Дәүләт Советы Аппараты Оештыру идарәсенең ТР Дәүләт Советында фракцияләр эшчәнлеген һәм оештыру эшләрен тәэмин итү бүлегенең баш киңәшчесе Камил Шәкүров булды.