Яңалыклар

Җомга көнне, 28 ноябрьдә, Дәүләт Советының «Мәрхәмәт-Милосердие» хатын-кыз депутатлар берләшмәсе Татарстан Республикасында Кеше хокуклары буенча вәкаләтле вәкил белән берлектә хәрби хезмәткәрләргә һәм аларның гаилә әгъзаларына ярдәм итү, аларның хокукларын саклау, социаль, хокукый һәм медицина ярдәме күрсәтү, түләүләр һәм ташламалар алу, реабилитация мәсьәләләре буенча «Хатын-кыз игътибары» телефон кайнар линиясен үткәрә.

Бүген Дәүләт Советы Рәисе Фәрит Мөхәммәтшин эксперт советлары рәисләре һәм парламентның профильле комитетлары җитәкчеләре белән очрашты. Эшне активлаштырырга, муниципаль депутатларның эксперт советлары эшчәнлегендә катнашуын киңәйтергә, эксперт җәмәгатьчелеге вәкилләрен эш төркемнәре составына кертергә, закон проектларына экспертиза уздырырга, шул исәптән фәнни-тикшеренү үзәкләрендә дә, – Дәүләт Советы Рәисе шундый бурычларны куйды.

Бүген Дәүләт Советында Законлылык һәм хокук тәртибе комитеты һәм комитет каршындагы Эксперт советының уртак утырышы булды, анда депутатлар Казан шәһәрендә җәмәгать куркынычсызлыгын тәэмин итү мәсьәләләре турында фикер алыштылар, ТР Дәүләт Советыннан ТР Иҗтимагый палатасы составына сайлану өчен кандидатуралар карадылар, шулай ук 2026 елга закон проекты эшенең якынча планын расладылар. Утырышта Дәүләт Советы Рәисе урынбасары Юрий Камалтынов катнашты.

Бүген Дәүләт Советында Бюджет, салымнар һәм финанс комитеты утырышы булды, анда депутатлар 2026 елга һәм 2027 һәм 2028 еллар план чорына бюджет турындагы республика закон проектына һәм ММИ Территориаль фонды бюджеты проектына икенче укылышка әзерләнгән төзәтмәләрне, шулай ук агымдагы елның 9 аенда республика бюджеты үтәлеше турындагы мәсьәләләрне карадылар. Комитет утырышы эшендә Татарстан Республикасы Рәисенең ТР Дәүләт Советындагы тулы вәкаләтле вәкиле Александр Терентьев катнашты.

Бүген Мәскәүдә Милләтара мөнәсәбәтләр һәм дини берләшмәләр белән хезмәттәшлек советы утырышы узды, аны РФ ФС Федерация Советы Рәисе урынбасары, Милләтара мөнәсәбәтләр буенча совет рәисе Константин Косачев уздырды. Парламентарийлар, тармак министрлыклары һәм ведомстволары вәкилләре Россия Федерациясе субъектларында дәүләт милли сәясәтен гамәлгә ашыру мәсьәләләре буенча фикер алыштылар. Утырышта видеоэлемтә режимында Дәүләт Советы Рәисе, Милләтара мөнәсәбәтләр һәм дини берләшмәләр белән хезмәттәшлек советы рәисе урынбасары, Татарстан халыклары Ассамблеясе рәисе Фәрит Мөхәммәтшин катнашты.

Дәүләт Советы депутатларының сайлау округларында эше дәвам итә. Бу атнада парламентарийлар гражданнарны кабул итте, халык белән очрашты, республика муниципалитетларындагы социаль учреждениеләрдә булдылар.

Бүген Казанның «Вертолет» яшьләр үзәгендә «Безнең заман геройлары» иҗтимагый премиясе лауреатларын бүләкләү тантанасы булды. Ел саен әлеге премияне тапшыру «Бердәм Россия» партиясенең төбәк бүлекчәсе һәм «Яшь гвардия» инициативасы белән оештырыла. Әлеге проект кысаларында, гадәттәгечә, гадәти тормышта батырлык  гамәлләре кылган, кемнеңдер тормышына куркыныч янаган битараф калмаган кешеләрне хөрмәтлиләр. Лауреатларга бүләкләрне Дәүләт Советы Рәисе, «Бердәм Россия» партиясенең төбәк бүлеге Секретаре Фәрит Мөхәммәтшин тапшырды.

Бүген Казанда, Татарстан Республикасы Фәннәр Академиясендә, шәһәр нигезләнүгә 1020 ел тулуга багышланган «Меңьеллык Казан» Бөтенроссия фәнни-гамәли конференциясе узды. Конференция эшендә Дәүләт Советы Рәисе, ТР Фәннәр Академиясенең хакыйкый әгъзасы, сәясәт фәннәре докторы Фәрит Мөхәммәтшин катнашты.

Бүген Дәүләт Советында «Яшь хезмәткәр мәктәбе» квалификация күтәрү программасы кысаларында КФУ каршындагы Дәүләт һәм муниципаль идарә югары мәктәбе тыңлаучылары өчен традицион семинар узды. Яңа эшли башлаган хезмәткәрләр әлеге курс кысаларында парламент, профильле комитетлар һәм комиссияләр, фракцияләр һәм депутатлар төркемнәре эше, закон чыгару процессының үзенчәлекләре белән танышалар. Белем бирү программасын тыңлаучылар белән Дәүләт Советы Секретаре Лилия Маврина очрашты.

Җиденче чакырылыш Татарстан Республикасы Дәүләт Советының уналтынчы утырышы 27 ноябрьдә була. Бүген парламент Президиумы утырышында шундый карар кабул ителде. Депутатлар 10 мәсьәлә, шул исәптән 5 Татарстан Республикасы законы проектын һәм 4 федераль закон проектын карарга ниятли. Утырышны Дәүләт Советы Рәисе Фәрит Мөхәммәтшин уздырды.